Амҩа-транспорттә хҭыс инамаданы, хә-ҩык ауаа ҭахеит. Аҩнуҵҟатәи аусқәа рминистр Вальтер Быҭәба амҩаҿы шәарҭадарада аныҟәара азҵаарақәа ирызкны аилацәажәара ҷыда мҩаԥигеит, акадр рганахьала аԥсахрақәа жәпакы ҟаиҵеит.

Адунеи иақәлахо ҳәа аӡәгьы дыҟаӡам. Ауаҩы мышкы зны идунеи иԥсахуеит усгьы. Убас еиԥш иҟоуп ауаҩытәыҩса иԥсабара. Ихадароу зыдунеи сыԥсахыз ижәлар ргәаҵаҿы иаанижьыз иԥхарреи иуаҩреи, иус лашақәеи иџьабааи роуп.

Аԥсны Иреиҳаӡоу аусӡбарҭа ахантәаҩы Саида Быҭәба дырԥылеит аусӡбарҭақәа 100 шықәса рхыҵра иазкны иааз Урыстәыла Иреиҳаӡоу аусӡбарҭа аделегациа.

Аминистрцәа Реилазаараҿы аԥшьашаҽны имҩаԥысит Аԥсны азеиԥш иурисдикциа аусӡбарҭақәа еҿыркааижьҭеи 100 шықәса аҵра иазку агәырӷьаратә усмҩаԥгатә. Аиубилеи азгәаҭаразы Аҟәаҟа иааит Урыстәылеи Аахыҵ-Уаԥстәылеи Иреиҳаӡоу русӡбарҭақәа рхаҭарнакцәа рделегациа.

Аԥсны Аҳәынҭқарра азеиԥш иурисдикциа аусӡбарҭақәа 100 шықәса рхыҵра инамаданы Иреиҳаӡоу аусӡбарҭа Ахантәаҩы Саида Быҭәба адныҳәаларатә шәҟәы лзынаишьҭит Аԥсны Ахада Аслан Бжьаниа.

Маи жәаҩа рзы Аҧсны жәлар рпоет, ауаажәларратәи аҳәынҭқарратәи усзуҩы Баграт Уасил-иҧа Шьынқәба диижьҭеи 106 шықәса ҵит.

Маи 14 – иналукааӡаша аҳәынҭқарратә, аполитикатә усзуҩ, ҳаамҭазтәи Аԥсуа ҳәынҭқарра ашьаҭаркҩы, Аԥсны Аҳәынҭқарра Раԥхьатәи Ахада, аҵарауаҩ-мрагылараҭҵааҩ ду Владислав Григори-иԥа Арӡынба имшира ауп. Иԥсы ҭазҭгьы, иахьа ихыҵуан 78 шықәса.

Маи 2 рзы Аҧсны асахьаҭыхцәа рцәыргақәҵатә зал маҷ аҿы имҩаҧысит асахьаҭыхҩы, аҿыханҵаҩ, аграфика азҟаза Адгәыр Амҧар инапкымҭақәа рцәыргақәҵа. Ацәыргақәҵа еиднакылон 30 инареиҳаны аҭыхымҭақәа.

Асахьаҭыхҩы Адгәыр Амҧар дазҟазоуп аҧшшәи аформеи реилаӡҩара, саркьаҵас аш ианыҧшуа афигурақәа ирну асахьақәа угәаладыршәоит урҭ рсимволқәа акалашәа еибыҭоуп аҧшшәы рацәа змоу аџьоуҳар иналаӡ ицоит.

Аиааира Дуӡӡа 78 шықәса ахыҵра иазкыз «Ԥсра зқәым архәҭа» акциа мҩаԥысит маи 9 аҽны. Уи иалахәыз еизеит Аҟәа, Ахақәиҭра Ашҭаҿы. Аԥсны Россотрудничество ахаҭарнакра анапхгаҩы Дмитри Федотови Аԥсны Афырхаҵа, В.Г. Арӡынба ихьӡ зху Аибашьра Ахьӡ-Аԥша амузеи аиҳабы Мзиа Беиеи аԥхьа инаргыланы, акциа иалахәыз рҿынархеит Амҳаџьырцәа рыԥшаҳәала. Урҭ ааҭгылеит Идырым асолдаҭ ибаҟа аҿаԥхьа.