Март 5 азы Кремль имҩаԥысит Урыстәылатәи Афедерациа Ахада Владимир Путини Аԥсны Ахадас   иалырхыз Бадра Гәынбеи реиԥылара.  Уи иазку аматериал – агазеҭ  анаҩстәи аномер аҟны.

Алхрақәа хыркәшоуп. Урҭ рылҵшәақәа рыла далхуп Аҧсны афбатәи ахада Бадра Гәынба, уи ихаҭыҧуаҩс Беслан Бигәаа. Абри инамаданы Жәларбжьаратәи апресс-центр аҟны алхрақәа рылҵшәақәа анрылаҳәаха ашьҭахь ажурналистцәа рзы абрифинг мҩаҧигеит Бадра Гәынба.

Амаҵзура аиубилеи аҳаҭыраз инашьҭын адныҳәаларақәа жәпакы. Урҭ рхыԥхьаӡараҿы ҳаҟан ҳаргьы, амедиагәыԥ «Аԥснымедиа».

Аԥсны Аҳәынҭқарра Ахада инапынҵақәа назыгӡо Бадра Гәынба телехәаԥшрала ҳажәлар ирыдиныҳәалеит Аԥсны Аҳәынҭқарра Аконституциа Амш.

«Аҭоурых, аамҭа, аԥеиԥш» – абас хыс иаманы Аконституциа 30 шықәса ахыҵра иазкыз астол гьежь мҩаԥысит Аԥсны Жәлар Реизараҿы. Аусмҩаԥгатә иалагаанӡа иадырҳәеит Аҳәынҭқарратә Гимн.

1994 шықәса ноиабр 26 азы Аԥсны Аҳәынҭқарра аԥсҭазаараҿы аҵак дуӡӡа змаз ахҭыс ҟалеит. Убри аҽны Аԥсны Иреиҳаӡоу Асовет иаднакылеит исуверену, идемократиату, изинтәу аҳәынҭқарра – Аԥсны Аҳәынҭқарра Аконституциа. 1999 шықәса октиабр 3 азы жәлары зегьы рыбжьыҭарала уи адгылара аиуит. Иара убри аҽныҵәҟьа атәыла иреиҳаӡоу азакәанԥҵаратә усбарҭа  адепутатцәа далырхит Аԥсны Аҳәынҭқарра Раԥхьатәи Ахада Владислав Григори-иԥа Арӡынба.