Аԥсны аҵареи абызшәатә политикеи рминистр Инал Габлиеи уи ихаҭыԥуаҩ Ада Кәарҷелиеи ирыдыркылеит В.Г.Шухов ихьӡ зху Белгородтәи аҳәынҭқарратә технологиатә университет аректор Сергеи Глаголеви атехноло­гиатә университет адкылара аиҿкаареи анапхгареи ринститут адиректор Сергеи Булгакови.

Аиԥылараҿы ирылацәажәеит иреиҳау аҵарадырра аганахьала аусеицура, иҷыдоу азанааҭтә ҵара арҿиара, астудентцәа хықәкыла аҵара дырҵара, Белгород Аԥснытәи астудентцәа ршәарҭадара, иара убас аспециалистцәа реиҭазыҟаҵара алыршара, аолимпиадақәеи аконкурс­қәеи рҟны аусеицура.

Аԥсны Жәлар Реизара Аиҳабы Лаша Ашәба инапхгарала Аԥсны Апарламенттә делегациа рхы рыладыр­хәит Беларуси Урыстәылеи Реидгыла Апарламенттә Еизара 63-тәи аилатәара аусмҩаԥгатәқәа. Абри атәы рылеиҳәеит Апарла­менттә Еизара Ахантәаҩы Виачеслав Володин.

Аԥсны Жәлар Реизара аделегациа иалоуп адепутатцәа Ҭемыр Беиа, Вахтанг Голанӡиа, Жәлар Реизара Аппарат анапхгаҩы Вадим Бжьаниа.

Аилатәара мҩаԥысит Апарламенттә Еизара Ахеилак ишьақә­нарӷәӷәаз амш аусхәаԥштә инақәыршәаны. Аилатәара мҩаԥигон Беларуси Урыстәылеи Реидгыла Апарламенттә Еизара Ахантәаҩы, Урыстәылатәи Афедерациа Афедералтә Еизара Аҳәынҭқарратә Дума Ахантәаҩы Виачеслав Володин.

Апарламенттә Еизара адепутатцәа русура аҽалархә­разы инаԥхьан Ареспуб­лика Беларуси Урыстәыла­тәи Афедерациеи рминистр­­рақәа, русҳәарҭақәа рнапхгаҩцәа, Апарламенттә Еизараҿы Аидгылатә ҳәынҭқаррақәа Еснагьтәи Реилак ахаҭар­накцәа, еснагьтәи анаԥшыҩцәа.

Урыстәыла Апрезидент Владимир Путин инапы аҵаиҩит 2022-2025 шықәсқәа рзы Аԥсны асоциал-економикатә рҿиара Аҳәынҭпрограмма анагӡаразы Аиқәыша­­ҳаҭра, – иаанацҳауеит РИА Новости.

Изыхәҭоу адокумент кьыԥхьуп азинтә информациа аофициалтә интернет-портал аҟны.

Игор Адлеиба техникатә нокаутла диааит Екатеринбург имҩаԥысуа апрофессионалтә бокс атурнир аиԥылараҿы Сардор Музаффаров.

Аринг аҟны еиԥылеит аԥсуа боксиор Игор Адлеибеи Узбеқисҭанынтәи Сардор Музаффарови.  Урҭ 66,7 кг зкапануа рыҩнуҵҟа аа-рауднк мҩаԥыргараны иҟан. Аха аԥхьаҵәҟьа иубартә иҟан Игор иандаҭлоз иаасҭа акыр дшеиӷьыз.

Аханатә лымкаала иҭабуп ҳәа шәаҳҳәоит аҧсеилахараха, шәусқәа ааныжьны, иахьа абра жәытәнатә аахыс зыцәгьеи зыбзиеи еилоу, дгьылк еицықәаарыхуа, уааҧсырала еилахәу, ақыҭа, араион, Аҧсны иабжоу ажәларқәа рхаҭарнакцәа рхы еиҭарҳәартә еиҧш изықәшәаз ҳаҳап ҳәа иаҳзымҩахыҵыз.

Москва урысшәалеи аҧсышәалеи иҭыжьу ашәҟәы «Мужчина о котором слагают стихи». Шота Шларба. Жизнь, Судьба, Время» авторс дамоуп Риҵа Зельницкаиа – Шларба. Ашәҟәы ашьҭахьтәи ацәаҿы аҩнуҵҟала иарбоуп урыс бызшәала «научное здание» ҳәа, «издание» акәхарын илҳәарц илҭахыз. Ашәҟәы ахьӡгьы ианугьы лаб Шьоҭа Шларба ихаҭа ииҳәақәаз роуп изызку.

Аԥсны Ахада Аслан Бжьаниа идикылеит акционертә еилазаара «Газпром промгаз». Аҳәынҭқарра Ахада идырбеит Аԥсны газла аиқәыршәара асхема хада апроект.

Аԥсны Ахада Аслан Бжьаниа диԥылеит Архангельсктәи аобласт агубернатор актәи ихаҭыԥуаҩ – агубернатор Иусбарҭеи Аиҳабыреи рнапхгаҩы Ваге Петросиан.

Асас дидныҳәалауа, аҳәынҭқарра Ахада иазгәеиҭеит Аԥсны анапхгара аҵак ду шрырҭауа Урыстәылатәи Афедерациа асубиектқәа рҟны аизыҟазаашьақәа.

Аԥсны Ахада Аслан Бжьаниа аҳәынҭқарратәи ауаажәларратәи усзуҩ Сократ Џьынџьал инапаҿы ииркит «Ахьӡ-Аԥша» аорден I аҩаӡара. Уи иреиҳаӡоу аҳәынҭқарратә ҳамҭа ианашьоуп Аԥсны амилаҭ-хақәиҭратә қәԥареи Аԥсуа ҳәынҭқарра ашьақәгылареи рҟны илагаламҭа ду азы.

Декабр 6 азы Москва имҩаԥысит Аԥсны Аԥыза-министр Алеқсандр Анқәаби Урыстәы­латәи Афедерациа Аиҳабыра Рхан­тәаҩы ихаҭыԥуаҩ Алеқсандр Новаки рхантәаҩ­рала Аԥсны Аҳәынҭқарреи Урыстәылатәи Афедерациеи рыбжьара асоциал-економикатә усеи­­цуразы Аиҳабыра­б­­жьаратә комиссиа XIX аилатәара.