Анапылампылтә клуб «Аԥсны» Урыстәыла иреиҳау алига «Б» ачемпионат актәи аикәшара ахәмаррақәа хнаркәшеит, атурниртә еихшьааланҵаҟны аҩбатәи аҭыԥ аанкыларала.
Аиндаҭларақәа мҩаԥысуан ҳазну амза актәи азбжазы М.Чачба ихьӡ зху Гәдоуҭатәи ахәыҷтәы-қәыԥштә спортшкол аҟны.

Атуристтә фымцадәыӷба «Ласточка» 2024 шықәсазы Аҟәаҟа аҩбатәи аԥышәаратә реис нанагӡеит.
Мшаԥымзазы адәыӷба аԥы­шәаратә режим ала Аҟәаҟа аи­хамҩа аҭагылазаашьа агәаҭаразы иааит.

Аҵыхәтәантәи аамҭазы Тҟәарчал мҽхакы ҭбаала аусурақәа мҩаԥысуеит амҩақәа рырлашаразы. Урҭ аҭыԥантәи ауааԥсыра рыԥсҭазаара аиӷьтәра мацара акәымкәа, ақалақь архетиктурала аибыҭашьа ҷыдала цәа хаак ахарҵоит.

Аԥсны аҩныҵҟатәи аусқәа рминистр Роберт Киут усуратә визитла Ҟарачы-Черқьесиатәи Ареспубликаҿы дыҟан ҳәа адырра ҟанаҵоит аҩныҵҟатәи аусқәа Рминистрра апресс-маҵзура.

Иара Аԥсни Урыстәылеи аҳәаа иаԥну рҵакырақәа рҿы аусеицура арманшәалареи амҩақәҵареи рзы Аԥсни Урыстәылеи рыҩныҵҟатәи аусқәа Рминистррақәа аҳәаа иаԥну араионқәа рыҩныҵҟатәи аусқәа русбарҭақәа реилатәара ихы алаирхәуит.
«Ас еиԥш иҟоу, ҳзышьцылахьоу аформат, хадара злоу аусеицура ахырхарҭақәа рыла ҳусҳәарҭақәа рпозициақәа еиҳа еиӷьны реилкаара алнаршоит», – иҳәеит Роберт Киут.
Аԥснытәи аделегациа аилазаараҿы иҟан: аҩныҵҟатәи аусқәа рминистр ихаҭыԥуаҩ Беслан Ҷкадуа, аҩныҵҟатәи аусқәа Рминистрра еишьашәалоу аусбарҭақәа рнапхгаҩцәа.

Аҧсны қыҭанхамҩатә тәылоуп уи ахыи аҵыхәеи иахьрыҵаркуа аҭыҧқәа зегьы еилшәарада дгьыл чашәроуп..
Асовет аамҭазы ақыҭанхамҩа ҩ-напыкла аус адырулозҭгьы, асовнхарақәеи аколнхарақәеи еиҳа аҽаҩра ҭазгало ҳәа еицлабуазҭгьы, ҳаамҭазы ҳәарада аҭагылазаашьа зынӡа даҽакуп. Џьоукы- џьоукы анхацәа иаҟәыҵхьеит адгьыл аус адулара.

Иахьа «Москва-Аҩны» аҟны имҩаԥысит III Жәларбжьаратәи аҵарадырратә цәыргақәҵа. Ари ацәыргақәҵа еиҿнакааит Аԥсны иҟоу «Россотрудничество» Ахаҭарнакра.

Жьҭаарамза, иара амза ахьӡ ишаҳәо еиԥш ажь аҭаара иаамҭоуп. Ана-ара аҩнаҭақәа рҿы анхацәа рҽаҩра еиныргалоит амш иахьынӡарнаҭо. Аҩыҟаҵаразы рчанқәеи руалырқәеи дырмазеиуеит. Макьана аҳауа иалоуп илаҳа-лаҳауа ажь афҩы.

Аслан Бжьаниа напхгара ззиуаз аделегациа Башкортосҭан Ареспублика Амш азгәаҭара иазку аныҳәа иалахәын. Абри азы адырра ҟанаҵоит Аҳәынҭқарра Ахада ипрес-маҵзура.

Иахьа 110 шықәса ҵит Аԥсуа литературатә критика ашьаҭаркҩы, абызшәадырҩы, афольклорҭҵааҩ, ауаажәларратә-аҳәынҭқарратәи усзуҩы Хәыхәыт Соломон-иԥа Бӷажәба диижьҭеи.Хәыхәыт Бӷажәба – афилологиатә наукақәа рдоктор, Аҭҵаарадыррақәа Ракадемиа академик, Д.И.Гәлиа ихьӡ зху Аҳәынҭқарратә премиа алауреат, Аԥсни Қырҭтәылеи зҽаԥсазтәыз Ауаажәларратә усзуҩ – диит 1914 шықәсазы жьҭаарамза 15 азы Очамчыра араион Гәыԥ ақыҭа.