Урыстәыла анаукақәа Ракаде­миа Асубтропикатә наукатә центр аҵарауаа ргәыԥ Аҟәа ақалақь акәша-мыкәша анышәаԥшь амҽхак иазкны аҭҵааратә усурақәа мҩаԥнагеит ҳәа адырра ҟанаҵоит Урыстәыла анаукақәа Ракадемиа Асубтропикатә наукатә центр апресс-маҵзура.

Аԥсныпресс. Аҟәатәи алицеи-интернат 9 акласс аҵаҩы Веро­ника Ҳагба автомат (Калашников- АКМ-7,62) аимыхреи аибыҭареи рзы уаанӡа ишьақәлыргылахьаз арекорд еиҳаз арекорд ҩаԥхьа ишьақәлыргылеит.

Аԥсныпресс. Адиспансеризациа аналага инаркны амедицинатә гәаҭара иахысит 150-ҩык ашколхәыҷқәа. Мызкы иалагӡаны адиспенсеризациа мҩаԥган Бе­диа, Аацы, Мҵара, Ҭхьына, Арасаӡыхь ақыҭақәа рҿы.

Мшаԥымза 7, Аԥсныпресс. Аԥсны Аҳәынҭ­қарра Ахада Аслан Бжьаниа Лыхны ақы­ҭаҟны макьаназы ишьақәыргылам ахаҿқәа ахәым­гара ахьыҟарҵаз аҭыԥ даҭааит. Мша­ԥымза 5 рзы ацәгьо­уцәа аҭоу­рыхтә ҵакы змоу аҭыԥаҟны игылоу шәы­шықәсеи бжаки зхыҵуа аҭәаҵла ԥырҟеит. Лых­нашҭа иаҵа­накуа ари аҵла Аԥсны аҭоурых-культуратә, аԥсабаратә ҭынха иасим­волны иҟоуп. Аҳәынҭ­қарра Ахада ицны ахҭыс ахьыҟалаз аҭыԥ ахь иааит Аԥсны Аҳәынҭқарра Ахада Ихаҭы­ԥуаҩ Бадра Гәынба, Аҳәынҭқарра Ахада Иусбарҭа анапхгаҩы Џьансыхә Нанба, атәыла Аԥыза-министр Алеқсандр Анқәаб, Аԥыза-министр ихаҭыԥуаҩ, аекономика аминистр Кристина Озган, Жәлар Реизара-Апарламент Аиҳабы Лаша Ашәба, Аҳәынҭқарра азинхьчаратә усбарҭақәа рнапх­гаҩцәа – Аҳәынҭ­қарратә Шәар­ҭадара Амаҵзура ахантәаҩы Роберт Киут, Апрокурор хада Адгәыр Агрба, аҩнуҵ­ҟатәи аусқәа рминистр Вальтер Быҭәба, аҩнуҵҟатәи аусқәа рминистр ихаҭыԥуаҩ Руслан Ажьиба, араионтә милициа аиҳабы Зосма Гыцба.

Мшаԥымза 6. Аԥсныпресс. Урыстәылатәи Афедерациа Ахада Владимир Путин Аслан Бжьаниа ииубилеи идиныҳәалеит.

Афымцамч аганахьала ишьақәгылаз аҭагылазаашьа иадҳәалоу азҵаарақәа рылацәа­жәара иазкын атәыла Аԥыза-министр Алеқсандр Анқәаб имҩаԥигаз аусуратә еилатәара ҳәа адырра ҟанаҵоит Аԥсны Аминистрцәа Реилазаара апресс-маҵзура.

Аԥшьгаратә гәыԥ «Ҳара Ҳақалақь» алахәылацәа рпресс-конференциа мҩаԥысит. Активистцәа ақалақь аҿиара, зинда аргылара, аҳҭны-қалақь аҭоурыхтә хәҭа иахьаҵанакуа ҿыц иргылахо аобиектқәа реихагылара уҳәа ирыдҳәалоу апроблемақәа ирылацәажәеит. Хықәкыла ажәалагалақәагьы ҟаҵан.

«Арратә уалԥшьазы» 2014 шықәса маи 6 азы, «Атәылахьчаразы» 2006 шықәса ианвар 4 азы Аԥсны Аҳәынҭқарра Азакәанқәа рышьаҭала, «Аԥсны атәылауаа 2023 шықәса апрели ииуни рзы аррамаҵзурахь рнаԥхьаразы, аррамаҵзура иахысуа атәылауаа рхы рақәиҭтәразы» 2023 шықәса март 22 азы Аԥсны Ахада Иусԥҟа анагӡаразы:

Атәыла аҩнуҵҟатәи аусқәа рминистр Вальтер Быҭәба аконкурс «Ҳара анарко­тикқәа ҳарҿа­гылоит» аҟны аиааира згаз аҳамҭақәа ранеи­шьеит. Аицлаб­рақәа ирылахәын Гәылрыԥшь, Гал араионқәа, Очамчыра, Тҟәарчал ақалақьқәа рҟынтәи абжьа­ратәи ашколқәа рҵаҩцәа. «Акон­курсқәа еиҿкаахеит ашкол­хәыҷқәа рзинтә дыррақәа рышьа­қә­гылара, иара убас ақәыԥшцәа рыбжьара анаркотикатә маҭәа­шьарқәа рыдкылара аганахьала анегативтә зыҟазаара рыла­аӡара аҿар рыбжьара агәабзиара, еиҷаҳарыла азнеира хықәкыс иҟаҵаны», – ҳәа адырра ҟанаҵоит атәыла аҩнуҵ­ҟатәи аусқәа Рминистрра апресс-маҵзура.

Афилологиатә ҭҵаарадыррақәа рдоктор, апрофессор Ӡиӡариа Оҭар Платон-иҧа (Ӡари-иҧа) имонографиақәеи истатиақәеи реизга «Аматериалқәа аҧсуа-адыга бызшәақәа рлексикологиеи азеиҧш бызшәадырреи рзы» зыхьӡу, аҧсуа-адыга бызшәақәа рыҭҵаарадырраҿы акырӡа зҵазкуа, шықәсы рацәала еидкылоу, бызшәадыррала иҭҵаау, ҭоурыхла ишьа­қәыр­ҕәҕәоу аусумҭақәа реизгоуп.