Аԥсныпресс. Ақыҭанхамҩеи ақыҭеи рырҿиара Ацентр ахаҭарнакцәа абҵарамза  анҵәамҭазы  Урыстәыла, Краснодар ақалақь аҿы имҩаԥысуаз 29-тәи Жәларбжьаратәи ақыҭанхамҩатә техника, аиқәыршәагақәа, аҵиааӡареи ақыҭанхамҩеи раалыҵ аҭыжьреи, аарыхреи, аус адулареи рзы аматериалқәа рцәыргақәҵа рхы аладырхәит.

Ажьырныҳәамза 1, 2024 шықәса инаркны Аҟәа ақалақь амуниципалтә усбарҭақәа рмаҵурауаа руалафахәы  100% рыла ишьҭыххоит.

Аҟәа ақалақь аҿы аусура иацнаҵоит ацәыргақәҵатә експозициа. Уи ахықәкы хада акәны иҟоуп Аԥсни Урыстәылеи рыбжьара акультура-ҵарадырратә еимадара ашьақәыргылара, иара убас ақалақь ауааԥсыреи асасцәеи аурыс культура аԥшӡареи абеиареи дырдырра.

Аҟәа ақалақьтә Еизараҿы ажьырныҳәамза 1, 2024 шықәса инаркны есымзатәи асоциалтә шәатәқәа рыҩаӡара ашьҭыхразы аӡбамҭа рыдыркылеит.

Декабр 2 рзы Никарагәуа аҳҭны-қалақь Манагәуа имҩаԥысит жәлар рқьабзқәа ашықәсҿыцазтәи есышықәсатәи рфестиваль.

Абҵарамза 27-28 рзы иҟалаз амшцәгьа иахҟьаны  Гагра араион иаиуз азарал макьаназы инагӡаны ишьақәыргылаӡам, ҳәа Аԥсныпрес акорреспондент диҿцәажәо, адырра ҟаиҵеит Гагра араион ахада ихаҭыԥуаҩ Адамыр Ҵышәба.

Аԥсны Ахада Аслан Бжьаниа Мирра Хотелашвили-Инал-иԥа 95 шықәса лхыҵра лыдиныҳәалеит.

Аԥсны Ахада Аслан Бжьаниеи Аԥсны Аԥыза-министр Алеқсандр Анқәаби иԥылеит Нхыҵ-Кавказтәи афедералтә университет аректор Дмитри Беспалов.