Абҵарамза 8, 2023 шықәсазы Ҟрым, Ленин ихьӡ зху араион аҿы имҩаҧысит алахьеиқәҵаратә усмҩаҧгатә, уи 1941-1945 шықәсқәа Аџьынџьтәылатә еибашьра Ду иалахәыз афырхаҵа, Аҧсны аҵеи Ризабеи Хьыбба иҧсыбаҩ иҧсадгьыл ахь адәықәҵара иазкын.

Амшын еиқәа жәларбжьаратәи амш азгәаҭара ахьӡала абҵарамза аҧхьатәи амшқәа рзы Шәача ақалақь аҿы имҩаҧысит IХ-тәи аурыс-аҧсуа хәыҷтәы екологиатә форум «Ҩ-ҳәынҭқаррак мшынк аҿықәан» - ҳәа хьӡыс измаз.

Абазашҭа инхо Ҟарачы-Черқессктәи Ареспублика  зҽаҧсазтәыз артист Хачуков Магомет Азамаҭ-иҧа диит ноиабр 4, 1953 шықәсазы Ҟарачы-Черқесск ақыҭа Ԥсыж.

Иахьа Аԥсны атәанчаратә система зеиԥшроу, атәанчаратә реформа ҿыц ҵакыс иамоу, Урыстәыла аҿаԥхьа Аԥсны Атәанчаратә фонд ауал уҳәа дрылацәажәеит Аԥсныпресс иаиҭаз аинтервиу аҟны асоциалтә еиқәыршәареи адемографиатә политикеи рминистр Руслан Аџьба.

Аԥсны агәабзиарахьчара аминистр Едуард Быҭәба Ареспубликатә иҷыдоу аԥсихиатриатә хәышәтәырҭа аусура, ачымазцәа иахьыҟоу аҭыԥ аҭагылазаашьақәеи иарбоу амедусбарҭа зеиԥшроуи ргәаҭара мҩаԥигеит ҳәа адырра ҟанаҵоит агәабзиарахьчара Аминистрра апресс-маҵзура.

Ааҧсарак ззымдыруаз  еицырдыруа аҵарауаҩ, Аҧснытәи ашьхақәеи Нхыҵтәи ашьхақәеи рхи-рҵыхәеи дырхысны иҭызҵааз Таҷ Гыцба диит абҵарамза 20, 1933 шықәсазы Гәдоуҭа араион Џьырхәа ақыҭан анхаҩнага иҭаацәараҿы.

Аԥсны Ахада Аслан Бжьаниа Левант Аҭрышба идиныҳәалеит Ҭырқәтәылан Аԥсуа культуратә центрқәа Рфедерациа ахантәаҩыс дахьалырхыз.

Аԥсны Аҳәынҭқарра Ахада Аслан Бжьаниеи Урыстәылатәи  Афедерациа ашәарҭадара Ахеилак Амаӡаныҟәгаҩ ихаҭыԥуаҩ Рашид Нургалиеви реиԥылара Аслан Бжьаниа усуратә ныҟәарала Москваҟа ицара инҭагӡаны имҩаԥысит, адыра ҟанаҵоит атәыла Ахада ипресс-маҵзура.

Аԥсныпресс.  Абҵарамза 10  азы аҩнуҵҟатәи аусқәа русбарҭақәа русзуҩцәа рзанааҭтә ныҳәа азгәарҭеит.