Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
Апрограмма анагӡара иаҿуп 2021 шықәса раахыс, ԥарала еиқәдыршәоит аҳәынҭқарратә биуџьет аҟнытә.
«Ари апрограмма ҟалеит ҳанхацәа рзы акырӡа зҵазкуа ӡбамҭаны», – иҳәеит аминистр.
2021 инаркны 2024 шықәсазынӡа иоушьҭын 450 миллион мааҭ: шәкы-шәкы миллион – раԥхьатәи хышықәса раан, 150 миллион – 2024 шықәсазы.
«Апрограмма акырӡа зҵазкуа анырра ҟанаҵеит ақыҭақәа рахь. Ақыҭанхамҩа знапы алазкырц зҭаху рхыԥхьаӡара ҳалшарақәа иреиҳахеит», – иазгәеиҭеит Џьопуа.
2024 шықәсазы ибзиоуп ҳәа рыхҳәаан апроектқәа 353. 150 миллион рахьтә анапаҿы иааган 147, 9 миллион мааҭ, ҳнапаҿы иаҳзаамгаз амалқәа ииаган 2025 шықәса ашҟа, апрограмма иалаху рыдгыларазы.
Есышықәса апрограмма аҟнытә иоурышьҭуеит 10 миллион мааҭ рҟынӡа аԥырхага ҟазҵо ахәаҷа-маҷақәа рҿагыларазы, аҽаҩра ашьҭыхразы иԥыршәахьоу ахәшәқәа раахәара иазкны. Урҭ араионқәа зегьы ирзыршон.
Хышықәса рыҩнуҵҟала иаархәон амашьына-трактортә станциақәа рзы ахәҭақәа. Иҳаҩсыз ашықәс азы иоушьҭын агьежьқәеи аккумулиаторқәеи раахәаразы 10, 8 миллион мааҭ.
«Апрограммала амашьына-трактортә станциақәа рзы атехника ааҳхәаӡом, аха иаҭаху ахәҭақәа рыла еиқәҳаршәоит», – иҳәеит аминистр.
Аԥыза-министр Владимир Делба иазгәеиҭеит 150 инаркны 250 миллион мааҭ рҟынӡа апрограмма ԥарала аиқәыршәара амҽхакқәа рзырҳаразы алшарақәа ишрыхәаԥшхо.
«Ҳазлахәаԥшуала, ари аусмҩаԥгатә иалшаршоит атәылауаа рыдгылара. Раԥхьаӡа иргыланы, хықәкыс иҳамоуп ҳанхацәа иаадрыхуа аалыҵ Аԥсны аҩнуҵҟа аҭира. Аекономикатә гәаанагарала, иарбазнаалак амааҭ аикәыршара иаҳа ишьҭыҵуеит, ус анакәха, ахырҳарагьы иҵегьы иҳаракхоит», – иҳәеит Делба.