Ианвар 21 ауха, инықәырԥшшәа ашьыжь асааҭ ԥшьба рзы амца акит Лакоба имҩаҿ игылоу Ацәыргақәҵарҭатә зал хада ахыбра. Уи арцәара иалахәын аҭагылазаашьа ҷыдақәа рзы Аминистрра амцарцәаратә машьынақәа. Амцабз иамҽханакит ҩбаны еихагылоу ахыбра, Аԥсныпресс акорр. адырра ҟаиҵеит ахҭыс ахьыҟалаз аҭыԥ аҟнытә.

Декабр мза аҵыхәтәантәи амшқәа раан Сириатәи Арабтә Республика аҳҭнықалақь Дамаск, Рукен ад-Дина ҳәа иахьашьҭоу, Ачерқьес ассоциациа аштаб-квартира аҟны хымш ирҭагӡаны имҩаҧысуан «Ачерқьес шәҟәы ацәыргақәҵа» захьӡыз аусмҩаҧгатә.

Насыԥ рымоуп иаԥсоу абиԥара еиҵазааӡо. Ҳара иҳамоуп гәадурала ҳазхыҽхәаша аҿар. Акультура, аҟазара, аспорт уҳәа зегьынџьара иаадрыԥшуеит аихьӡара бзиақәа. Аԥсны мацара аҳәаақәа ирҭагӡам ҳхәыҷқәа рҟазара.

 
Ҳазҭалаз 2024-тәи ашықәс ҿыц хацыркын акымкәа-ҩбамкәа аиааирақәа рыла. Аспорт аганахьала иаҳҳәозар, ашьапылампыл асразы Академиа Unity Аԥсны ашьапылампыласцәа ҿарацәа алахәын Адлер ианвар 3 инаркны-ианвар 9 рзынӡа «Сириус» имҩаԥысуаз «Ашықәсҿыцазтәи акубок» Атурнираҿ еицлабуан 30-команда; - Москва, Шәача, Саратов, Одинцово, Аԥсны рҟынтәи ашьапылампыл асҩцәа қәыԥшцәа.
Аԥснынтәи иалахәын акомандақәа ԥшьба. 2014 шықәса рзы ииз ахәмарцәа иааныркылеит 1 - тәи аҭыԥ. 2013- шықәса рзы ииз ахәмарцәа ианыркылеит 2-тәи аҭыԥ, 2012 ш. иаҵанкуа 3-тәи аҭыԥ. 2015 шықәса рзы ииз аԥшьбатәи аҭыԥ.
Лымкаала аҳамҭақәа зауз иреиуоуп: иалкаау ахәмарцәа: Нестор Иакуб-оглы, Баграт Ҭаниа, Дамир Сақаниа, Даниил Казанџьы-оглыи.
Еиуеиԥшым ақәра иаҵанакуа рахьтә: Иреиӷьу ахәмарҩы ҳәа далкаауп – Сандро Лорҭқиԥаниӡе, иреиӷьу амбахьчаҩ – Алеқсандр Гьергьиа, иреиӷьу ажәылаҩцәа– Владислав Бебиа, Соломон Ԥлиа, Баграт Ачба, Алан Цәышба, Нестор Хәаҭланӡиа – (16-мпыл ҭаиршәит).
Абасала, ахьӡ-аԥша рыманы Адлернтәи ихынҳәит ҳампыласыҩцәа хәыҷқәа.
Уажәшьҭа исҭахын Сириус имҩаԥысуаз аицлабраҿы афигуристка аҵаақәчаразаараҿы зҽалызкааз 10 шықәса зхыҵуа Пицундатәи Шорена Гәниа слыхцәажәарц. Лара 9 шықәса анылхыҵуаз илыхьчеит 2 аспорттә разриад. Есыҽны уи Пицундантәи дцон Сириус. Лара дылҿыԥшны, абар, шьҭа хышықәсоуп абри аспорт хкы, аҵаақәчаразаара аолимпиатә сириус ашҟа дныҟәоижьҭеи Анна Ҭхагушевагьы.
Сынтәа ҳфигуристка Шорена Гәниа 10-шықәса лхыҵра аҳаҭыраз «Аолимпиатә ҵаа» ашҟа ирыдыркыларан иҟоуп 10-ҩык абаҩхатәра злоу Аԥснытәи аҵаҩцәа. «Зхы агәра згаз, збаҩхатәра агәра згаз шәыгәҭакқәа зегь наӡоит» ҳәа, лҩызцәа хәыҷқәа рахь ааԥхьара ҟалҵоит афигуристка қәыԥш. 50-ҩык рҿынӡа ҳашколхәыҷқәа Сириус иаднакылахьеит 3-шықәса ирҭагӡаны, аха урҭ зегьы рҵара аҵыхәтәанӡа ирзынагӡом, избанзар ирымоу азыҟаҵара рызхом. Ирацәоуп шьардаӡа аспорти аҟазареи рхырхарҭала Аԥсны ахьӡ ҭызго аҿар. Ирзеиӷьаҳшьоит иҵегьи аихьӡарақәа, еснагь аиааирақәа.
Аҵара аминистр лхаҭыԥуаҩ Ада Кәарҷелиа лажәақәа рыла, ҳхәыҷқәа заа азыҟаҵара иақәнагоу роурц азы «Сириус» аҟынтәи аспециалистцәа ааԥхьаны, Гагратәи алицеи-интернат аҟны шықәсыбжак разыҟаҵара азԥхьагәаҭоуп.

Наира Сабекиа  

Атәыла аҿиареи уи ауаажәларра рыбзазара еиуеиҧшым ахырхарҭақәа реизырҳареи, занааҭтә ҩаӡарала урҭ рымҩақәҵареи знапы иану, уи азы агәыҕра рацәа зыдҳәалоу ҳәарада, Ҳазшаз аҧсынҵыра ду заҭәеишьаша еиҵагыло абиҧарақәа роуп.

Аҧснытәи аспортсменцәа иун 12-23 рзы, Ҭаҭарсҭан аҳҭнықалақь Казан имҩаҧгахо БРИКС аспорттә хәмаррақәа ирылахәхоит ҳҳәынҭқарра ахьӡала иара абираҟ рхашәыршәыруа.

Егьа аамҭа царгьы, ахааназ хашҭра рықәым ҳџьынџь ахьчаразы зхы иамеигӡаз ҳҵеицәа. Есааира зхыҧхьаӡара маҷхо ҳветеранцәа ианакәызаалак азҿлымҳара рымазароуп ауаажәларра зегь рҟнытә еиҧш, изызҳауа аҵеира рахьтәгьы аҧхьа инаргыланы.

90 ш. раҧхьа – 1934 ш. ианвар акы азы Аҧсуа драматә студиа актиорцәа раҧхьатәи агәыҧ аунашьҭит.

1939 шықәса ианвар 5 рзы иаҧҵан Аҧсны асовет сахьаҭыхҩцәа Реидгыла. Сынтәа уи 85 ш. ахыҵит.
Маҷк аҭоурых ҳазхьаҧшуазар, 1935 ш. Аҧсны аҵара азы Жәлар ркомиссариат Аҧсны Ацентртә Анагӡаратә комитет ахь ажәалагала иҟанаҵаз ала, «Аҧсны асовет сахьаҭыхҩцәа Реидгыла аиҿкааразы» ҳәа ақәҵара аднакылеит. Убри ашықәс азы Аҧсны акультуратә ҧсҭазаараҿы ахҭыс бзиа ҟалеит. Н.А. Лакоба дрыцырхырааны асахьаҭыхҩцәа иаадыртуеит асахьаҭыхҩцәа ҩышықәсатәи ршкол. 1937 ш. акәзар, уи Аҟәатәи асахьаҭыхратә ҵараиурҭа акәны ишьақәгылеит.

Ашықәс Ҿыц аламҭалазы Очамчыратәи ахәыҷтәы ансамбль «Абжьыуаа» аҽаланархәит Москва имҩаҧысуаз Жәларбжьаратәи аконкурс-фестиваль «Танц-пространство» захьӡыз. Уаҟа иранашьан иреиҳау аҧхьахә «Жәлар рытрадициақәа рыхьчаразы», иара убас еиуеиҧшым аноминациақәа рҿы актәи аҭыҧқәа ахьааныркылаз адипломтә ҳамҭақәа хҧа.