Афымцамч ала аиқәыршәара аҿы аԥкрақәа рзы аграфик ҿыц ала­галара ина­маданы, атәыла агәабзиарахьчара аминистр Едуард Быҭәба араионтәи ақалақьтәи ахәы­шәтәырҭақәа рҳақьым хадацәа дрыҿцәажәеит.

Жәабранмза 1, 2023 шықәсазы Баграт Шьынқәба ихьӡ зху аԥсуа бызшәа арҿиаразы агәыҳа­лалратә Фонд аҳасабрбатә пресс-конференциа мҩаԥнагеит. Афонд анапхгаҩи уи аусзуҩцәеи инагӡаз апро­ектқәеи иахьа Афонд аҿы аус здыруло апроектқәеи, иара убас ааигәа иаз­ԥхьагәаҭоу аусна­г­ӡатәқәеи ртәы инарҭбааны иала­цәажәеит.

Амаҵзурақәа  русеицура

Аԥсны Аԥыза-министр Алеқсандр Анқәаби Аԥсны иҟоу Урыстәылатәи Афедерациа Афедералтә ҳазлхратә Маҵзура ахаҭарнак Контантин Козлови реиԥылараҿы аҩганктәи аусеицура аҳәаақәа рырҭбаара азҵаарақәа ирылацәажәеит.

Аԥсны Аԥыза-министр ихаҭыԥуаҩ, аекономика аминистр Кристина Озган напхгара зылҭо аделегациа Ареспублика Ҭаҭарсҭан аекономика Аминистрра анапаҵаҟа иҟоу аусдкылара адгылара аҭара иазку арегионтә Фонд иаҭааит ҳәа адырра ҟанаҵоит Ареспублика Ҭаҭарсҭан аекономика Аминистрра аофициалтә саит.

Аусуратә еиԥылараҿы аҩганктәи аусеицура, адәныҟаекономикатә усура аҿиара, ареспубликақәа рҟны аус зуа анаплакқәа аимадара рыбжьаҵара уҳәа  ирыдҳәалоу азҵаарақәа жәпакы ирылацәажәеит.

Аԥсныпресс. Жәабранмза 2, 2023 шықәсазы анемец-фашистцәа рықәгара ахьалыршахаз Сталинградтәи ажәылара ҟалеижьҭеи  80 шықәса ҵит.   Ари амш аҽны аҳәынҭқарра Ахада Аслан Бжьаниа дызхагылаз Аԥсны анапхгара Аҟәа, Диоскураа рымҩаҟны Идырым асолдаҭ  ибаҟа амҵан ашәҭқәа шьҭарҵеит. Агәалашәара рхы аладырхәырц арахь имҩахыҵит Жәлар Реизара Аиҳабы Лаша Ашәба, Аԥыза-министр актәи ихаҭыԥуаҩ Беслан Џьопуа, аԥыза-министр ихаҭыԥуаҩ, афинансқәа рминистр Владимир Делба, ашәарҭадара Ахеилак амаӡаныҟәгаҩ Сергеи Шамба, Аԥсны иҟоу Урыстәылатәи Афедерациа Ацҳаражәҳәаҩ Михаил Шургалин, Аԥсны иҟоу Урыстәыла аусацура Ахаҭарнакра анапхгаҩы Дмитри Федотов, ауаажәларра. 

Фымцала аиқәыршәареи акриптоԥарақәа изакәанымкәа рырҳара аҿагылареи рызҵаарақәеи ирызкын Аԥсны Ахада Аслан Бжьаниа инапыҵала уи ихаҭыԥуаҩ Бадра Гәынба февраль 5 азы имҩаԥигеит аусуратә еилацәажәара, – иаанацҳауеит Ахада ипресс-маҵзура.

Аилацәажәара иалахәыз азыӡырҩит иҟоу арезервқәа рҟаҵарба ха­дақәеи Аԥсны афымцамч ахархәара ашьҭыҵреи ирызкны аекономика аминистр лажәахә.

Февраль 5 ашьжьымҭан Ҭырқәтәыла, Шьамтәыла адгьылҵысра ӷәӷәа ҟалеит. Уи иахҟьаны ауаа рацәаны иҭахеит ахәрақәа роуит.

Аԥсны Ахада Аслан Бжьаниа Аминистрцәа Реи­лазаара анапхгара алархәны есымчыбжьатәи аусуратә еила­цәажәара мҩаԥигеит.

Аԥыза-министр Алеқсандр Анқәаб звольт ҳараку ацәаҳәа «Аҽгәара» аҟны ар­ҽеиратә усурақәа рылҵшәақәа ртәы иҳәеит – иаанацҳауеит Аԥсны Ахада ипресс-маҵзура.

Аҧсныпресс. Аҩнуҵҟатәи аусқәа Рминистрра асаит аҟны икьыҧхьуп 1990 инаркны 2022 шықәса­зынӡа амҩа-транспорттә хҭысқәа ртәы зҳәо астатистика. 1992-1993 шықәсқәа ртәы зҳәо аинформациа ыҟаӡам, избанзар усҟан Аҧсны жәлар Рџьынџьтәылатә еибашьра мҩаҧысуан.

Аҟәа ақалақь апрокуратура ашьауӷатә ус хацнаркит Аԥсны Ашьауӷатә кодекс ахәҭаҷ 324 ахәҭа 1 (Аԥсны аҳәынҭқарратә ҳәаа изакәанымкәа ахыҵра), ахәҭаҷ 273.3 ахәҭа 2 (амассатә информациа ахархәагақәа рыла Аԥсны атерриториатә акзаареи аламкьысреи реилагара иазку аусқәа реиҿкаара) иазԥхьагәарҭауа ацәгьоура аҷыда­рақәа рыла Гамисониа Руслан Фамиль-иԥа иганахьала. Абри атәы аанац­ҳауеит Аԥсны апрокуратура Хада асаит.