«Амҵәышә аҵа амца акны ибылуан, ахәҵәы амахә иахьаҿарҧаз азхара изыччомызт, иаздырӡомызт амца қьоуқьад  иара аҟынӡагьы ишнеиуаз рҳәеит». Ари аҧсуа жәаҧҟа лассы-лассы исгәалашәалоит. Избанзар, иара даара ибзианы иаанарҧшуеит ҳҟазшьа. Ҳашџьеибашьоз, ҳшеизымӡырыҩуаз, иахьа иачҳап, нас уаҵәы иҟаҳҵап ҳәа иахыго ишааҳгоз амилаҭтә мазарақәа иреиуаз, амилаҭтә ҟазаратә доуҳа нықәыццышәаа ицеит.

Адыгьеиа, Маиҟәаԥ ақалақь ареспубликатә милаҭтә музеи аҟны имҩаԥысит 85 шықәса раԥхьа, Париж иҭыжьыз, адыгақәа ретникатә ҭоурых азҵаарақәеи ахырхарҭақәеи жәпакы инарҵауланы иаазырԥшуа «Ачерқьесқәа рхылҵшьҭра» ҳәа хьӡыс изауыз Аитек Намиток ишәҟәы аӡыргара.

«Шьашәы-Аҳахь Ду, абжьныха! Зҳәа неиуа, зуы ылҵуа! Шаҟа хәыӡи шылеи еилоу аҟара мши, насыԥи, гәабзиареи Шьашәы ишәиҭааит!»
«Ажьырныҳәа» аԥсуара иахәҭакуп. Кавказ ажәларқәа рыбжьара аԥсуаа реиԥш аӡәгьы иҳаракны ирымаӡам. Ажәытәан Ажьира анцәахәы Шьашәы-Абыжьныха ҳәа ишьҭан. Уи иаанагоз аԥсуаа рыбжьныха рымч еидызкыло Шьашәы иоуп ҳәа акәын.

Аҧсуаа ражәа иалоуп: «Аиашьа рыцҳарак дақәшәар, аиаҳәшьа лылаҕырӡ ахькаҭәо ашьац былуеит» ҳәа. Иҟам еиҳау ахьаа аиашьа игәырҩара аҵкьыс.

Аҟәа ақалақь аҟынтәи 12 километр ахьыбжьоу, Каман аҳаблаҿы игылоуп аԥшьаҩы Иоаанн Ахьҿы ихьӡ зху аберҭыԥ. Уи есышықәса иаҭаауа аҭыԥԥшьаныҟәаҩцәеи атуристцәеи рхыԥхьаӡара 50 нызқьҩык рҟынӡа инаӡоит.
Аԥснытәи Аиашахаҵаратә Уахәама адәныҟатәи аимадарақәа рыҟәша ахантәаҩы, аигумен Игнати (Киут) ари аберҭыԥ ахылаԥшҩыс дыҟоуп. Уи Аԥсныпресс акорреспондент диҿцәажәо, ари аныхабаа имариам аԥсҭазаара атәы еиҭеиҳәеит.

Аҧсны тәылауаҩык аӡәы ихашҭхьеит ҳәа сыҟам,1992-1993 шықәсқәа рзы Аҧсны Аџьынџьтәылатә еибашьраан Аҧсны ахьчараз аҧсуаа ирывагылан еибашьуан, хатәгәаҧхарала абџьар шьҭызхыз Аахыҵ - Уаҧстәылантә, Урыстәыла егьырҭ арегионқәа рҟынтә иааз.
Убарҭ рхыҧхьаӡараҿ дыҟан, фырхаҵарыла еибашьуаз, иахьа легендаҵас зыхьӡ рҳәо аибашьҩы Владимир Карданов (Гена ҳәа зарҳәоз). Иара Аҧсны аибашьра ианалага, Ҟабарда-Балкариантәи зхатәгәаҧхарала аибашьрахь иаауаз дрыцны даауеит.

2024 шықәса ажьырныҳәамза 1 инаркны Оҭаԥтәи Абрыскьыл иҳаԥы иаҭааит 200-ҩык инарзынаԥшуа ауаа.

Аԥыза-министр Алеқсандр Анқәаб аилацәажәара мҩаԥигеит Аԥыза-министр актәи ихаҭыԥуаҩ, аенергетикеи атранспорти рминистр Џьансыхә Нанба, Аԥыза-министр ихаҭыԥуаҩ, афинансқәа рминистр Владимир Делба, Аԥыза-министр ихаҭыԥуаҩ, аекономика аминистр Кристина Озган, Аиҳабыра Раппарат анапхгаҩы Давид Сангәлиа, Аԥыза-министр ицхырааҩ Дмитри Шамба алархәны.