Амилаҭтә доуҳа иауасхыру, жәлар рпоет «амалқәа зегьы ирмалу» ҳәа ззиҳәаз ажәа, узыхшаз уан лгәыҧҳәыхш иадкыланы ушьа-уда иалалаз убызшәа гәакьа ала, ҳабзазара еиуеиҧшым ахырхарҭақәа рыҟны ужәлар рымаҵ аура, шьарда акыр зҵазкуа усуп ҵабыргыхаҭаны.
Аҵара шықәс ҿыц аламҭалаз Аҧсны Аҳәынҭқарра Ахада Аслан Бжьаниа даҭааит Л.Б. Кәыҵниа ихьӡ зху Аҭаратәи абжьаратә школ, аҵарашықәс ишазхиоу гәаиҭарц азы.
Аԥсны Ахада Аслан Бжьаниа Аусԥҟа инапы аҵаиҩит Абесалом Кәарҷиа Ахада Иусбарҭа анапхгаҩыс иҟаҵаразы.
Аԥсны Ахада Аслан Бжьаниа атәыла аҵаҩцәеи арҵаҩцәеи зегьы адыррақәа Рымш рыдиныҳәалеит.
Август 30 рзы иазгәарҭоит хабарда ибжьаӡыз Жәларбжьаратәи рымш. Иахьа адунеи зегь аҿы хабарда ибжьаӡыз мамзар ҳаамҭазгьы еиуеиҧшым аҭагылазаашьақәа ирхырҟьаны ибжьаӡуа рхыҧхьаӡара нагӡаны еилкаам. Ҵабыргны уи хьаа дууп, харҭәаашьа змам ацәыӡ зауз аҭынхацәеи ақәлацәеи рзы.
Аԥсны аделегациа рылахәын Урыстәылатәи Афедерациа аганахьала Ареспублика Аахыҵ-Уаԥстәыла азхаҵара 15 шықәса ахыҵра иазкыз агәырӷьарақәа. Аԥсны аделегациа иалан Аԥсны Жәлар Реизара адепутатцәа Ерик Рштуни, Баҭал Џьопуа, аиустициа аминистр Анри Барцыц.
Аԥсны Аҳәынҭқарра Ахьыԥшымра азхаҵара 15 шықәса ахыҵреи ҳауаажәлар рзы иԥшьоу Аиааира амшныҳәа азгәаҭареи мышқәак нацны мызкы шагыз, 75 шықәса дшырҭагылаз иаалырҟьаны иԥсҭазаара далҵит урҭ раагара зџьабаа маҷымкәа иадыз, Аԥсны Аџьынџьтәылатә еибашьреи Арбџьар Мчқәеи рветеран, Аԥсны Афырхаҵа, аинрал-маиор ԥхьатәа Виачеслав Аҳмеҭ-иԥа Ешба.
Аслан Бжьаниа ажәа иҳәеит Аԥсны Аҳәынҭқарра ахьыԥшымра жәларбжьаратәи азхаҵара Амш иазкыз агәырӷьаратә еизараҿы.
Урыстәылатәи Афедерациа Апрезидент Владимир Путин Аслан Бжьаниа адныҳәаларатә шәҟәы изааишьҭит аҳәынҭқарра ахьыԥшымра жәларбжьаратәи азхаҵара 15 шықәса ахыҵра инамаданы.
Аԥсны аҳәынҭқарратә хьыԥшымра жәларбжьаратәи азхаҵара амш – август 26 аҽны Аԥсны Ахада Аслан Бжьаниа даҭааит Очамчыра араион Џьгьарда ақыҭан.