Аԥсныпресс. Атуризм аминистр Ҭеимураз Хышба Ҟазахсҭан имҩаԥысыз I Жәларбжьаратәи атуристтә форум «Иҭышәынтәалам адунеи аҿы иҭышәынтәалоу атуризм аҿиара», иара убас атуроператорцәа жәларбжьаратәи рконгресс  «Жәларбжьаратәи атуристтә џьармыкьа ҳаамҭазтәи аҭагылазаашьақәа рҿы атрансформациа, аҿиареи апартниорреи рперспективақәа» ҳәа ажәахә ҟаиҵеит.

Сентиабр 30 хақәиҭра мшуп. Абри аҽны ҳаибашьцәа Аҟәа ахы иақәиҭтәны Аиааира абираҟ шәыршәыруа ишырхагылаз Егры ахықәанӡа инаӡеит, иранарыжьызҭгьы урҭ Гыртәылагьы дыршьаҳаиҭуан, Қәҭешьгьы иагәаладыршәон анкьатәи аҳҭынра аамҭа.

Ҩажәи жәеиза шықәса раԥхьа Аԥсуа ҳәынҭқарра аҿиара, уи аԥеиԥш акыр жәашықәса бӷеиҵыхра амоуртә арыцҳара ду иҭазыргылаз ақырҭуа фашисттә идеологиа ашьаарҵәыратә режим мчыдахеит 413 мшы рнаҩс, аԥсуа жәлар наџьнатә аахыс имырӡкәа иааргоз, ҿыцәаара зқәымыз ацәанырра ҳаракы – аԥсадгьыл, аџьынџь азын ахамеигӡара иарҵысуаз адоуҳамч аҿаԥхьа.

Аԥсныпресс. Цәыббрамза 17 рзы Брианск ақалақь ахада Марина Дбари Бриансктәи ақалақь ахадара аиҳабы Алеқсандр Макарови  ақалақь Амш азгәаҭара иазку аныҳәатә усмҩаԥгатәқәа рылахәхаразы иааз ҳаҭыр зқәу асасцәеи аиашьаратә қалақьқәа рделегациақәеи официалла рԥылара мҩаԥыргеит, ҳәа адырра ҟанаҵоит Аҟәа ақалақь Ахадара аофициалтә саит.

Ҵаҟатәи Ешыра қыҭа дынхоит Пичуриа ҳәа ихьыӡны ҭаҳмадак. Даагылеижьҭеи дшәарыцон, ихы баша иҭҟьом – ззырҳәо дреиуоуп.

Ҩажәи жәеиза шықәса раԥхьа Қырҭтәыла Аҳәынҭхеилак арбџьармчтә еиҿкаарақәа Аԥсны ахеиқәырхара аамҭа ианҭадыргыла, наџьнатә аахыс ҳажәлар имырӡкәа иааргоз, ҿыцәаара зқәым ацәанырра ҳаракы – аџьынџь азы ахамеигӡара здоуҳамч арҵасыз зықьҩыла ҳаԥсадгьыл аҵеицәа инарывагылеит, зхатәгәаԥхарала Нхыҵ-Кавказ, ихароу аҳәаанырцә, Урыстәыла еиуеиԥшым акәакьқәа уҳәа рҟнытәи, аҵабырг хәы шамам зеилкаарҭаз, ауаҩра агәаӷь злаз шәҩыла аҵеицәа.

Аԥсны Аҳәынҭқарра ажурналистцәа Реидгыла иргәаланаршәоит ҳазну ашықәс март 30 азы ишрылаҳәаз «Аԥсны жәлар Рџьынџьтәылатә еибашьра идырым аҭоурыхқәа» атемала ажурналистцәа иреиӷьу русумҭақәа ирызку арҿиаратә конкурс.

Аԥсны Ахада Аслан Бжьаниа сентиабр 12 азы аҳасабрбатә еилацәажәара мҩаԥигеит. Уи азкын аҵарашықәс ҿыц алагара аҵарадырратә усҳәарҭақәа шазыҟаҵаз.

Борис Багаҭелиа азҟазацәа рыҩнуҵҟа самбо азы адунеи ачемпионат аҟны аиааира игеит, иаанацҳауеит Аԥсны аспорт азы Аҳәынҭеилакы. Аиԥылара мҩаԥысуан Ареспублика Ҟазахсҭан, Уральск ақалақь аҟны сентиабр 8 инаркны 10 азынӡа.

Аԥсуа спортсмен дықәгылон 98 зкапануа рыбжьара.

Борис Багаҭелиа адунеи хынтәны ачемпион, адунеи ачемпионатқәа араӡнытә, аџьазтә ԥхьахәқәа ҩба игахьеит, азҟазацәа рыҩнуҵҟа Урыстәыла ԥшьынтәны ачемпион, Урыстәыла Ахраҿеи Москва Ахраҿеи иоухьеит, самбо азы жәларбжьаратәи акласс аспорт азҟаза иоуп, ианашьоуп «Ахьӡ-Аԥша» аорден ахԥатәи аҩаӡара.

* * *

Аԥсуа боқсиор Харитон Агрба диааит Панамантәи аспортсмен. Аиԥылара мҩаԥысит Челиабинск сентиабр 8 азы RCC Boxing Promotions аҟнытә абокс ахәылԥаз инақәыршәаны. Харитон диандаҭлон 31 шықәса зхыҵуа Алеқсандр Диуран.

Аиԥылара мҩаԥысит Харитон аԥыжәара иманы. Агрба даиааит ҳәа иԥхьаӡан ажәабатәи араунд аҟны техникатә шьапықәҟьарала.

Харитон Агрба апрофессионалтә ринг аҟны иаиааиуа дҟамлац.

* * *

Амҵәышәмпыласҩы Нестор Цужба 13 шықәса зхыҵуа рыҩнуҵҟа «Кубок Спартака» аиԥылараҿы аиааира игеит. Уи мҩаԥысуан Москва, сентиабр 4 инаркны 8 азынӡа, иаанацҳауеит аҿари асорти русқәа рзы Аҳәынҭеилакы.

Нестор иҽазыҟаиҵоит Алеқсандр Мальцев инапхгарала Алеқсандр Островски и-Академиаҿы.

Уи длааӡамҭоуп Арзамеҭ Ҭарба ихьӡ зху Аԥсны Ареспубликатә ԥқьаҭасырҭатә школ адиректор, аԥқьаҭасразы Аԥсны аспорт азҟаза Елизабет Акуциа.

Аԥыза-министр Алеқсандр Анқәаб идикылеит Аҟәа, Наӡаӡе лымҩаҿы игылоу, ауада рацәа змоу иуашәшәырахаз аҩны ауааԥсыра рхаҭарнакцәа.