Апатриархалтә уахәама аҭӡамцқәа рыҩнуҵҟа имҩаԥгаз аконцерт ду ала ихыркәшахеит Пицундатәи афестиваль.
Пицунда афестиваль фымш ицон – ԥхынгәымза 29 инаркны нанҳәамза 3 рҟынӡа. Уи аамҭа иалагӡаны артистцәа жә-концертк мҩаԥыргеит.
Бжь-ҳәынҭқаррак рҟынтәи артистцәа ауаа ирыдыргалеит 24 номер – аинструменталтә, авокалтә, ахортә композициақәа рыла.
Урыстәылеи Ермантәылеи рҟынтәи артистцәа Богдан Гуеноки Жан Мартиросиани Аҳәынҭқарратә хортә капеллеи инарыгӡеит аԥсуа жәлар рашәа “Ауардын”.
Акомпозициақәа рахьтә даҽакгьы Аԥсны зҽаԥсазтәыз артист Назырбеи Ебжьноу игәалашәара иазкын.
Аныҳәа хыркәшахеит, ишаԥу еиԥш, аԥсуа ашәала. Аҳәынҭқарратә хор инарыгӡеит “Шьардаамҭа". Афестиваль асахьаркыратә напхгаҩы Барас Кәыџба инапхгарала.
Аусмҩаԥгатә хыркәшо, Кәыџба алахәылацәа зегьы ҭабуп ҳәа реиҳәеит, иагьазгәеиҭеит ахәаԥшцәа ргәы ҟазҵаз амузыкантцәа абаҩхатәра злоу артистцәа рымацара ракәымкәа, ауаа нагақәа, аџьашьахәқәа шракәу.
Пицундатәи афестиваль Аԥсны ҩынтәны имҩаԥысуеит. Сынтәа уи фымш ицон. Аԥсны, Урыстәыла, Ҭырқәтәыла, Чин, Азербаџьан, Белоруссиа, Ермантәыла рҟынтәи артистцәа жә-концерттә программак ықәдыргылеит.

Анталаа Аманда

«Хынҩажәижәабатәи ашықәсқәа рзы убри асценаҿы иқәдыргылеит аспектакль «Антигона», уаҟа Исмена лроль налыгӡон уажәтәи аҿар ртеатр асахьаркыратә напхгаҩы Софа Агәмаа. Уи адагьы, Еҭери Коӷониа-ԥҳа уи аспектакль азы иҟалҵаз аиҭага, иҟалараны иҟоу апремиера шьаҭас иаиуит.

Аԥсны Аиашахаҵаратә Уахәама ахада аиереи Виссарион (Аԥлиаа) Ауахәаматә Хеилак аилатәараҿы ҩаԥхьа Аԥсны Аиашахаҵаратә Уахәама азинтә шьаҭа аганахьала агәҭынчымра ааирԥшит. Аилатәара аартуа, иара Аԥсны аканонтә дгылара азхом ҳәа инаҵшьны иазгәеиҭеит.

С.Ҷанба ихьӡ зху Аԥсуа ҳәынҭқарратә драматә театр ааԥхьара рымоуп 2025 шықәса маи мзазы Ареспублика Мари Ел аҳҭнықалақь Иошкар-Ола имҩаԥысраны иҟоу Жәларбжьаратәи Амилаҭтә театрқәа рфестиваль ахь, ҳәа азгәеиҭеит атеатр анапхгаҩы хада Алхас Ҷолокәуа.
Август акы азы Аԥсуа драматә театр анапхгаҩи Ареспублика Мари Ел анапхгара ахантәаҩы ихаҭыԥуаҩ, акультуреи акьыԥхьи амилаҭтә усқәеи рминистр Константин Иванови реиԥылара мҩаԥысит.
Амилаҭтә театрқәа рыбжьаратәи афестиваль "Маятул" ("Амца") Иошкар-Ола ақалақь аҿы имҩаԥысуеит 1992 ашықәсқәа инаркны. Урыстәылатәи Афедерациеи Ареспублика Мари Ели ркультура аминистррақәа реиҿкаарала. Раԥхьаӡа уи афин-угор жәларқәа ртеатрқәа рфестиваль акәын.
Аԥҵаҩцәа ирыдыркылаз аӡбарала, иааиуа ашықәс инаркны афестиваль аҳәаақәа ырҭбаахоит, уи Жәларбжьаратәи Амилаҭтә театрқәа ирфестивальны иҟалоит.

Акыр иаԥсоу ҳаԥхьаҩцәа! Гәлиа Иасыф-иԥа Дырмит ишдыру еиԥш, аԥсуа жәлар аҵаралашарахь ркылгаразы инапы злакыз арккара- еиҿкааратә усқәа рацәан. Имҩаԥигоз анаҩсгьы, иҳәатәу иақәнагоу ҳәашьала анагашьагьы дақәшәон ианаҭахыз.

Дыҟаӡам ауаҩы аҧсҭазаара бзиа изымбо,уи иахәҭаку абзиарақәа зегьы ирнысыр зҭахым…Жәаҳәарада, досу данысуеит иҧсҭазааратә мҩа, имоуп иҭахрақәа,игәҭакқәа,урҭ ирыдҳәалоу ахәыцрақәа.

Иԥсҭазаара далҵит Аԥсны абаҩрҵәыреи аспорти зҽаԥсазтәыз русзуҩ, амҵәышәымпыл азы аспорт азҟаза, "Ахьӡ-Аԥша" аорден II аҩаӡара занашьаз Џьансыхә Гәбаз.
1963 -1977 шықәсқәа рзы иара Аԥснытәи АССР абаҩрҵәыреи аспорти рзы Аилак напхгара аиҭон.
Арҭ аамҭақәа рзы аԥснытәи аспортсменцәа Асовет Еидгыла еизгоу акомандақәа изныкымкәа ирылахәхеит, Аолимпиатә хәмаррақәа, Европа, СССР ирчемпионхеит. Аҟәатәи "Динамо" аспортсменцәа СССР ачемпионат иалахәхеит.
Иара ихаан ауп Ешыра Аидгылазегьтәи аспорттә еилакы аолимпиатә база аргылара ианалагаз.
Џьансыхә Гәбаз иԥсҭазаара далҵит 89 шықәса дшырҭагылаз.

Ааигәа Ҭырқәтәыла инхо аԥсуа диаспора ахаҭарнакцәа рҟнытә илахьеиқәҵагоу ажәабжь ааҩит – 78 шықәса дшырҭагылаз иԥсҭазаара далҵит ҳџьынџьуаҩ Феридун Аҟәсба. Аԥсуа диаспорақәа рҟны еиԥш, Аԥсны уи дыздыруаз зегьы даара гәалсра дула ирыдыркылеит.

Адунеи иқәынхо абазақәа зегьы Аҧсны иатәылауааны иҧхьаӡоуп. Бызшәала аҧсуааи дареи акырӡа еиҧшуп, ацәажәараҿы еилибакаартә иҟоуп. Абаза бызшәа ҩ- диалеқтк рыла ишьақәгылоуп: тапанта, ашьхаруа.