Аҧсны аҭҵаарадыррақәа Ракадемиа (ААР) апрезидиум ирыланаҳәоит 2022 шықәсазы иҭыҵыз аҧсышәала иҩу аҵарауаа ҿарацәа (40 шықәса ирҭымсыц) рыҭҵаарадырратә усумҭақәа апремиа ранашьаразы аицлабра (аконкурс) шаарту.

Аицлабрахь иқәыргылазар ҟалоит амонографиақәа, астатиақәа реизга, хазы игоу астатиақәа.

Аҧсны ажурналистцәа Реидгыла алахәыла, агазеҭ "Аҧсны" аҭакзыҧхықәу амаӡаныҟәгаҩ Валери Амаршьан идырныҳәалеит ииубилеи.

Аҧсны Ахада Аслан Бжьаниа Аусҧҟа инапы аҵаиҩит Гәында Кәыҵниа аҳәынҭқарратә бызшәатә политиказы Аҧсны Аҳәынҭқарратә усбарҭа аиҳабыс лыҟаҵаразы.

Ааигәа Д.Гәлиа ихьӡ зху Аҧсуаҭҵааратә институт аҟны имҩаҧысит Аҧсны 1930-тәи ашықәсқәа раан аус зуаз еицырдыруа асоветтә ҭоурыхҩҩы Анатоли Фадеев (1908 – 1965) иалкаау иусумҭақәа ҩ-томкны реизга аӡыргара. Аҧсны Раҧхьатәи Ахада Ифонд адгыларала иҭыжьу аизга ианылеит Аҧсни Мрагылара Амшынҿықәи рҭоурых иазку аусумҭақәа жәпакы. Абарҭ аусумҭақәа зегьы акьыҧхь рбахьан усҟантәи ашықәсқәа раан, убри аахыс еиҭаҭыжьмызт.

Асабша, ианвар 28 азы Очамчыра араион Тамшь ақыҭан имҩаҧган Аҧшьа Николаи Ассиррҿиаҩы (Чудотворец) ажәытәтәи иуахәама аҧшьара. Уи мҩаҧыргеит Аҧснытәи Ақьырсиан иаша­­хаҵара аиҳабы аиереи Вис­сарион (Аҧлиаа), Аҧс­нытәи адин­маҵзура аҧшьаҩцәа. Ауахәамаҿы ашәа рҳәон Аҟәатәи акафедралтә уахәама ахор.

Ианвар 26 азы Аҧсны Ахада Аслан Бжьаниа имҩаҧигаз инарҭбааз аилацәажәара азкын 2022 шықәсазтәи аусура аихшьалақәа рыҟаҵара.

Аԥсны жәлар рпоет Мушьни лашәриа 85 шықәса ихыҵра амш азы Аԥсны Ахада дидикылеит.

«Шәиубилеи шәыдны­ҳәалауа агәабзиареи аихьӡарақәеи шәзеиӷьасшьоит. Шәара абаҩхатәра злоу поетуп, шәҟәыҩҩуп. Еиҭажә­гахьеит адунеи аҟны еицырдыруа арҿиамҭақәа. Шәџьабаа ахәшьара бзиа амоуп, Аԥсны еиԥш, Урыстәы­лангьы. Даҽа жәашықәсақәак шәҳацзароуп», - иҳәеит Аԥсны Ахада.

М. Лашәриа – дпоетуп, деиҭагаҩуп, дҵарауаҩуп. Аиашаз, уамашәа иубартә иҟоуп абарҭқәа зегь рҿы данқәыҧ­­шыз ашықәсқәа инадыркны илиршаз, ҳдоуҳатә ҧсҭазаара, ҳмилаҭ культура иалеигалаз, дызланыҧшыз.

Мушьни Лашәриа диижьҭеи 85 ш. аҵра иазкны

А Д Н Ы Ҳ Ә А Л А Р А

Херсонтәи аобласт арра-тәылауаҩратә хадараҿы Урыстәыла аҭагылазаашьа ҷыдақәа Рминистрра аоперативтә гәыԥ анапхгаҩы, аинрал-маиор Андреи Павленко аџьшьаратә шәҟәы изааишьҭит Аԥсны аҭагыла­­заашьа ҷыдақәа рминистр Лев Кәыҵниа, – иаанац­ҳауеит Аԥсны аҭагыла­заашьа ҷыдақәа Рминистрра апресс-маҵзура.