Февраль 5 ашьжьымҭан Ҭырқәтәыла, Шьамтәыла адгьылҵысра ӷәӷәа ҟалеит. Уи иахҟьаны ауаа рацәаны иҭахеит ахәрақәа роуит.

Аԥсны Ахада Аслан Бжьаниа Аминистрцәа Реи­лазаара анапхгара алархәны есымчыбжьатәи аусуратә еила­цәажәара мҩаԥигеит.

Аԥыза-министр Алеқсандр Анқәаб звольт ҳараку ацәаҳәа «Аҽгәара» аҟны ар­ҽеиратә усурақәа рылҵшәақәа ртәы иҳәеит – иаанацҳауеит Аԥсны Ахада ипресс-маҵзура.

Аҧсныпресс. Аҩнуҵҟатәи аусқәа Рминистрра асаит аҟны икьыҧхьуп 1990 инаркны 2022 шықәса­зынӡа амҩа-транспорттә хҭысқәа ртәы зҳәо астатистика. 1992-1993 шықәсқәа ртәы зҳәо аинформациа ыҟаӡам, избанзар усҟан Аҧсны жәлар Рџьынџьтәылатә еибашьра мҩаҧысуан.

Аҟәа ақалақь апрокуратура ашьауӷатә ус хацнаркит Аԥсны Ашьауӷатә кодекс ахәҭаҷ 324 ахәҭа 1 (Аԥсны аҳәынҭқарратә ҳәаа изакәанымкәа ахыҵра), ахәҭаҷ 273.3 ахәҭа 2 (амассатә информациа ахархәагақәа рыла Аԥсны атерриториатә акзаареи аламкьысреи реилагара иазку аусқәа реиҿкаара) иазԥхьагәарҭауа ацәгьоура аҷыда­рақәа рыла Гамисониа Руслан Фамиль-иԥа иганахьала. Абри атәы аанац­ҳауеит Аԥсны апрокуратура Хада асаит.

Аҧсны акультура аминистрра Аҧсны Аџьынџьтәылатә еибашьраан ҳажәлар иргаз Аиааира 30 шықәса ахыҵра инамаданы аконкурс рыланаҳәеит зметраж кьаҿуи  адокументтәи фильмқәа раҧҵаразы. Абри акәын изызкыз акультура аминистрраҿы имҩаҧгаз апресс-конференциа. Аминистр Даур Ақаҩба иеиҧш, уи иалахәын акиностудиа «Аҧсуафильм» аиҳабы Виачеслав Аблоҭиа, асценарист Ҭемыр Кәакәасқьыр, Аҧсны аинвалидцәа рфонд аиҳабы ихаҭыҧуаҩ Емзар Ашуа.

Аҭҵаарадырразы Гь. А. Ӡиӡариа ихьӡ зху Аԥсны Аҳәынҭқарратә премиазы Акомиссиа апремиа аиуразы аконкурс шаарту рыланаҳәоит.

2022 шықәсазы Аҧсны Апенсиатә фонд ала апенсиақәеи, ацхыраагӡақәеи, иҵегьы аҧарашәа­рақәеи рзы иоушьҭын 1 миллиардки 276 миллиони 933, 5 нызқь мааҭ. Ари 2021 шықәсазы аасҭа 76 миллиони 513 5 нызқь мааҭ рыла еиҳауп, иҳәеит Аҧсныпресс аҟны Апенсиатә фонд аиҳабы Денис Гәылариа.

Ареспубликатә хәышәтәырҭаҿы рхатәы биуџьеттә малқәа рыла иаархәеит 1 миллионки 133 нызқь мааҭ иаҧсоу алабораториеи аҳәса рконсультациеи рзы ашьақәгыла.

Ари ашьақәгыла рхы иадырхәоит аоперациа ззыруа, иҧырҟауа ахьышьҭоу уҳәа апалатақәа рҿы, иара убас рхы иадырхәоит ахирургиа, ахаҧыцхәышәтәра, ахшараиура аҟәшақәа, ииз ахәыҷқәа ирызку аҟәшақәа рҟны.

Абри инавар­гыланы,  Арсепубликатә хәышәтәырҭа анапхгара иаар­­хәеит аелектронтә микрос­копқәа 7. Урҭ рыла еибырҭеит амедицинатә усҳәарҭа алабораториақәа 3.

Аҧсны атәы­лахьчара Аминистрраҿы еихыршьалеит 2023­ шықәса ианвар азы архәҭақәа разыҟаҵара иазкыз аусмҩаҧ­гатәқәа, – иаана­цҳауеит Аминистрра асаит.

Аԥсны Жәлар Реизара Аиҳабы Лаша Ашәба Жәлар Реизара аилакқәа рхантәаҩцәа алархәны аилацәажәара мҩаԥигеит. Иара убас аилацәажәара иалахәын  Жәлар Реизара Аиҳабы ихаҭыԥуаа Фазылбеи Аҩӡбеи Асҭамыр Аршбеи.

Аиԥылара иалахәыз рыла­цәажәеит ҳазну ашықәс азы иарбанзаалак аилак азакәанрҿиаратә усура апланқәа. Иара убас ирылацәажәеит иахьа ҳажәлар ргәы иҵхо хра злоу азҵаарақәа.