Февраль 28 азы Аԥсны Ахада Аслан Бжьаниа Аминистрцәа Реилазаареи Аԥсны Жәлар Реизареи рнапхгара алархәны, есымчыбжьатәи аилацәажәара мҩаԥигеит, – иаанацҳауеит Аԥсны Ахада исаит.

Аилацәажәара аартуа, атәыла Ахада иҟаз иреиҳәеит Урыс­тәылатәи Афедерациа ашҟа иусуратә ныҟәареи Ареспублика Беларус ахь инеиреи рылҵшәақәа ртәы. Раԥхьаӡа иргыланы, Аслан Бжьаниа дрылацәажәеит Минск иҟазаара алҵшәақәа, иаҵишьит Беларус еснагь аиҩызаратә политика шымҩаԥнагоз ҳтәыла аганахьала. Ахәҭакахьала, Беларус адымгылаӡеит 1992-1993 шықәсқәа рзтәи аибашьра ашьҭахь ИАР атәылақәа рганахьала Аԥсны амацәаз аҭакра.

Аԥсны Аҳәынҭқарра анапхгара ахьӡала, хаҭала сара сыхьӡала гәык-ԥсык ала аколлектив агазеҭ «Аԥсны» аусзуҩцәа ишәыдысныҳәалоит шәзанааҭтә ныҳәа – амассатә информациа ахархәагақәа русзуҩцәа Рымш!

Акыр иаԥсоу, ҳаҭыр зқәу аҳәса! Гәык-ԥсыкала ишәыдаҳныҳәалоит Жәларбжьаратәи Шәымш – Март 8! Ааԥын иацны иааиуеит шәныҳәа, ԥшӡарала, хаарала, гәыкрала еибарку. Аԥҳәыс аҭаацәара еихазҳауа, ҳхәышҭаарақәа змырӡуа раԥхьа дгылоуп, лара илыҵоуп аԥхарра, аманшәалара, аизыӡырҩра. Еиҭаҳҳәоит, еиқәшәырхоит ҳхәышҭаарақәа, иагьышәыхьчоит. Аҳәса убоит ҳаԥсҭазаара аҵкарқәа зегьы рҿы, еиуеиԥшым аусқәа қәҿиарала шәнапы рылакуп.

Февраль 17 азы ихыр­кәшахеит Риҵатәи Амилаҭтә парк иахьа­ҵанакуа ашьха ҭыԥқәа рҟны асыԥса аҿыбгарақәа раԥырҟәҟәаареи аиқәырхаратә усурақәеи рымҩаԥгаразы Аԥсны аҭагылазаашьа ҷыдақәа рзы Аминистрра акоманда–штабтә ҽазыҟаҵарақәа. Урҭ ирылахәын Аминистрра хаҭалатәи аилазаара 50-ҩык рҟынӡа, иара убас 15 цыра атехника ҷыда.

Очамчыра араион Тамшь ақыҭан имҩаԥысит Жәларбжьаратәи ашахматтә фестиваль «Аԥсны. ТАМЫШ-VILLAGE –2023». Уи азкын Аԥсны жәлар Рџьынџьтәылатә еиба­шьраҿы Аиааира 30 шықәса ахыҵра.

Афестиваль иалахәын Аԥсны араионқәа, Алада Урыстәыла, Ареспублика Ҭаҭарсҭан рҟнытәи 13 шықәса зхыҵуа рҟынӡа аспортсменцәа қәыԥшцәа 60-ҩык.

Аԥсныпресс. Аҳәынҭқарратә Дума аҩаша, жәабранмза 7 рзы имҩаԥысыз аилатәараҿы аҳазалхыҩцәа рџьашықәс аҩганктәи азхаҵаразы Урыстәылатәи Афедерациеи Аԥсны Аҳәынҭқарреи ирыбжьарҵахьаз Аиқәшаҳаҭра аратификациа азнауит, ҳәа адырра ҟанаҵоит аинформациатә маҵзура ТАСС.

Ирҳәоит доусы даниуа – еҵәак-еҵәак рыциуеит ҳәа. Уи анкыдшәо, ианҿыцәаауа аӡәгьы издырӡом, аҧсабара ус ишоуп. Адунеи ааршазар аахыс, ажәҩан еҵәақәа, ҽынла иаҳамбо, рыгәҭа ижжаӡа икыдуп аҧсшәа аеҵәахә. Аҵыхәтәантәи аамҭазы, дгьылаҵыхәан иҟоу, «алахьынҵа» зшо уи кыдшәараны иҟоуп, амилаҭ рмаҷра, дара уи ишазыҟоу, рхы иахьынӡадырхәо «ҭҵааны». Уазымхәыцыр ауам!

Аҧсшәа аеҵәахә жәҩан икыдын, аха аҧсуа жәа адгьыл аҿы гараҟәҟәала иҿаҳәаны игаран, иаҭахын ахәыҷы ҧшқа иеиҧш, игарҵны ашьаҿақәа еихго аҧсҭазаара иналагыларц.

Аԥсныпресс. Аслан Бжьаниа усуратә визитла Беларус даҭааит жәабранмза 20, ашәахьа. Аҩаша, жәабранмза 21 рзы Минск ақалақь, Ахьыԥшымра Ахан аҟны Аԥсны Аҳәынҭқарра Ахада Аслан Бжьаниеи Беларусиа Ахада Алеқсандр Лукашенкои реиԥылара мҩаԥысит. Иара убас, аиԥылара далахәын  Аԥсны адәныҟатәи аусқәа рминистр Инал Арӡынба.

Адәыӷбааҭгыларҭа «Аӡҩыбжьа» аҿы аихамҩа шьаҭанкыла аиҭашьақәыргыларазы аусурақәа хыркәшахеит.

Аԥсныпресс. Каир ихыркәшахеит «Арабтәи Ареспублика Египет Евразиа ажәларқәа Рассамблеиа Амшқәа». Иарбаз аусмҩаԥгатә аҳәаақәа ирҭагӡаны имҩаԥысит VI Евразиатәи алитературатә фестиваль «ЛиФФт-2023». Афестиваль «ЛиФФт» адунеи аҿы аԥсҭазаара аиқәырхара ахьӡала акультуреи апатуеиқәҵареи аҭынчрабзиабареи, амилаҭрацәа реимабзиареи, аилибакаареи иазку амодель ҿыц аԥҵара иадгыло ашәҟәыҩҩцәеи аԥхьаҩцәеи рдиалог ашьақәгылареи адунеи алитераторцәа рырҿиаратә усеицуреи рзы иаарту ҭыԥны иҟоуп.

Атематикатә литературатә конкурс рхы аладырхәит 52 тәыла – Евразиа, Африка, Лаҭынтәи Америка, Еиду Америкатәи Аштатқәа, Израиль, Австралиа рҟынтәи авторцәа. Жәаа делегациа рлите­раторцәа Каир иҟан.

«Гәахәара дула иазгәасҭарц сҭахуп зыхьӡ нагоу алитературатә усмҩаԥгатәқәа ишрылахәхаз аԥсуа шәҟәы­ҩҩцәагьы. Аԥсны Аҳәынҭқарра ахьӡала иарбоу аусмҩаԥгатә аҿы ицәыргахеит Енвер Ажьиба, Вахтанг Аԥҳазоу, Владимир Делба, Владимир Занҭариа, Анатоли Лагәлаа, Даур Наҷҟьебиа», – ҳәа Аԥсныпресс акорреспондент диҿцәажәо иҳәеит афорум хаҭала зхы алазырхәыз, Аԥсны ашәҟәы­ҩҩцәа Рассо­циациа амаӡаныҟәгаҩ Владимир Делба. Афестивальтә усмҩаԥгатәқәа рыхәҭак Жәларбжьаратәи каиртәи ашәҟәытә иармарка астендқәа рҿы имҩаԥысуан. Араҟа ицәыргақәҵахеит Аԥснытәи авторцәа рышәҟәқәагьы. Ацәыргақәҵа аиҿкааҩцәа астенд аҿы Аԥсны Аҳәынҭқарра асимволика ашьақәыргылара азин ҟарҵеит. Аԥснытәи алитераторцәа активла афестивальқәа «ЛиФФт» рылахәхара иаҵоу аҵакы ахадара инаҵшьны иазгәаҭан Евразиа ажәларқәа Рассамблеиа анап­хгараҭара ахаҭа­рнакцәа рықәгыларақәа рҿы, ахәҭакахьала, афестиваль адиректор – Маргарита Аль лықәгылараҿы.   Аусмҩаԥгатә аихшьаалақәа рыла, Аԥснытәи ашәҟәыҩҩцәа зегьы алахәылацәа рсертификатқәа роуеит, урҭ рахьынтә хҩык – Владимир Занҭариа, Владимир Делба, Даур Наҷҟьебиа «Евразиатәи алитературатә ҵакыра аҿы жәларбжьаратәи аимадара аҿиараҿы рлагала ду азы» Евразиатәи ажәларқәа Рассамблеиа амаӡаныҟәгаҩ Хада – Андреи Белианинов инапы зҵаиҩыз аџьшьаратә шәҟәқәа ранашьахеит. «Угәы иамыхәар алшом аҵыхәтәантәи ашықәсқәа рзы Аԥснытәи алитераторцәа злахәу жәларбжьаратәи алитературатә усмҩаԥгатәқәа рхыԥхьаӡареи рыҩаӡареи иахьацло.