Аҧсны Ахада Аслан Бжьаниа аилацәажәара мҩаҧигеит аҳәынҭқарраҿы аҽеизгара аусқәа реиҕьтәразы абжьгарақәа аус рыдуларазы аусуратә гәыҧ алархәны.

Аҧсны Ахада ипресс-маҵзура излаанацҳауа ала, аусуратә гәыҧ ахантәаҩы Аҧыза-министр ихаҭыҧуаҩ Сергеи Пустовалов аҳәынҭқарра Ахада иеиҳәеит иахьазы имҩаҧгоу аусура атәы.

Аԥсны аҳәынҭқарра Ахада, Аԥсны Арбџьар Мчқәа Ркомандаҟаҵаҩ хада Аслан Бжьаниа атәылахьчара Аминистрра хаҭалатәи аилазаареи атәыла амчратә усҳәарҭақәа рнапхгаҩцәеи дыдирдырит Аԥсны Арбџьар Мчқәа рштаб Хада аиҳабы, атәылахьчара аминистр 1-тәи ихаҭыԥуаҩ, аинрал-леитенант Владимир Савченко. Агәырӷъаратә ҭагылазаашьаҿы инапаҿы ииркит Ақсны Арбџьар Мчқәа рштаб Хада аиҳабы иштандарт.

Аҧсны абыргцәа Рхеилак адгылоит Ахада Аслан Бжьаниа дызну амҩа. Ноиабр 3 азы имҩаҧысыз аҳәынҭқарра Ахадеи абыргцәа Рхеилаки реиҧылараҿы ирылацәажәеит ауаажәларраҿы аҵакы змоу азҵаарақәа.

Аԥсны Ахада Аслан Бжьаниа ноиабр 4 азы хаҭала игәеиҭеит Бедиа ақыҭан звольт ҳараку ацәаҳәа «Аҽгәара – 220» аҟны иҟалаз амашъыр ахҟьа-ԥҟьақәа раԥыхразы хаҭала ириҭаз анапынҵақъа ирынагӡашьоу. Абри атъы аанацҳауеит Аԥсны Ахада ипресс-маҵзура.

Арҽеиратә усурақәа ахьынарыгӡоз аҭыԥ аҟны иҟан Аԥыза-министр ихаҭыԥуаҩ, аекономика аминистр Кристина Озган, «Амшынеиқәафымцамч» аиҳабы инапынҵақәа назыгӡауа Зураб Багаԥшь.

Аҧсны Ахада Аслан Бжьаниа инапынҵақәа инарықәыршәаны, Аҧыза-министр Алеқсандр Анқәаб аилацәажәара мҩаҧигеит Аҧыза-министр ихаҭыҧуаҩ Сергеи Пустовалови Ареспубликатә унитартә наплакы «Аҧсныфармациа» аиҳабы Русҭам Адлеибеи алархәны. Уи рызкын атәылахьчара арҕәҕәара иазку аусмҩаҧгатәқәа рынагӡара азҵаарақәа.

Аиҧылараҿы ирылацәажәеит атәылахьчара Аминистрра иаҭаху ахәшәқәеи амедицинатә лыхымҭақәеи рыла аиқәыршәара азҵаарақәа.

Аҧыза-министр Алеқсандр Анқәаб Урыстәылатәи Афедерациа Аиҳабыра Рхантәаҩы Михаил Мишустин жәлар ракзаара Амш идиныҳәалеит.

Аҧсны Ахада Аслан Бжьаниа Урыстәылатәи Афедерациа Апрезидент Владимир Путини Урыстәыла ажәлар зегьи ирыдиныҳәалеит жәлар ракзаара Амш.

Москва, Абиблиотека №36 аҟны иҟоу Фазиль Искандер Икультуратә центр аҿы иаартуп имемориалтә уада.

Ауада аӡыргара иазкыз аусмҩаҧгатә ашҟа инеит Москватәи алитераторцәа, хаҭала Ф. Искандер ибзианы дыздыруаз, ашәҟәыҩҩы иҭаацәа, Москватәи аҧсуа диаспора ахаҭарнакцәа, ҳџьынџьуаҩ иҭынха пату ззақәу аӡәырҩы.

Октиабр 30 рзы  аинтеллигенциа, астудентцәа, ашколхәыҷқәа, адин амаҵзуҩцәа уҳәа жәпаҩык харада ахара рыдҵаны идырӡыз ргәаладыршәеит Кәыдры аӡиас иху  ацҳа ааигәара.

" Аиҳабыратә абиҧарақәа ирдыруеит арепрессиақәа закәу. Иаҳҭахуп аҿаргьы арҭ аамҭақәа ртәы рдыруазарц, харада ахара рыдҵаны идырӡыз ҳажәлар иреиҕьыз рхаҭарнакцәа ргәаладыршәаларц. Кәыдры аӡиас аҧшаҳәаҿы ауаа кыдҵан иршьуан. Ажәала еиҭаҳәашьа амаӡам ари ахҭыс. Иршьыз ауаа рҭахцәа ирзеилмыргарц азы акьыр рықәҭәаны ирбылуан. Уа еиларыжьуаз уаҩҧсыла рызқәаҭыҧ аҽаџьара аҟалара руамызт. Ус еиҧш зҽазызкызгьы шьран ирзыҧшыз", – лҳәеит аусмҩаҧгатә аиҿкааҩ, аҵарауаҩ, ажурналист  Е. Бебиа.

Акциа Кәыдрытәи ацҳа ааигәа-сигәа иахьаҵанакуа машәыршәа иалхӡам. Драндатәи абахҭа иҭыганы ари аҧшаҳәаҿы иааганы акәын ауаа шыршьуаз.

ХХ ашәышықәса 30-40-тәи ашықәсқәа рзы Сталини Бериеи имҩаҧыргоз аполитика иахҟьаны Аҧсны харада ахара рыдҵан иҭархан быжь-нызқьҩык рҟынӡа еиуеиҧшым амилаҭқәа иреиуаз. 

2022 ш., октиабр 27. Аҧсныпресс.  Аҧсны Жәлар Реизара Аиҳабы Лаша Ашәба ихантәаҩрала имҩаҧысит Жәлар Реизара  изаамҭану ҭагалантәи аилатәара. 

Жәлар Реизара аҟны ирыхәаҧшит, аҵыхәтәантәи аҧхьараан ирыдыркылеит Аҧсны Аҳәынҭқарра азакәанқәа рпроектқәа: "2022 шықәсазтәи Ареспубликатә биуџьет азы", Аҧсны Аҳәынҭқарра Азакәан аҧсахрақәа ралагаларазы". Арҭ азҵаатәқәа рыдигалеит абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Беслан Ҳалуашь.