Аԥыза-министр Алеқсандр Анқәаб идикылеит Аҟәа, Наӡаӡе лымҩаҿы игылоу, ауада рацәа змоу иуашәшәырахаз аҩны ауааԥсыра рхаҭарнакцәа.

Аԥсны Ахада Аслан Бжьаниа ҳазну ашықәс аԥхынразы иҟалаз аԥсабаратә рыцҳарақәа рыхҟьа-ԥҟьақәа раԥыхразы Арезервтә фонд аҟнытә иҟоу ахыхь амалқәа роушьҭразы адҵа инапы аҵаиҩит.

Иреиҳау аҵара зҽаԥсазтәыз аусзуҩ, Аԥснытәи аҳәынҭқарратә университет ҳаҭыр зқәу апрофессор, х-жәашықәсак инарзынаԥшуа ААУ апедагогикеи аԥсихологиеи ркафедра аиҳабыс иҟаз, иеиҵагыло абиԥарақәа милаҭтә хаҿрала рааӡареи уи аҵара усхкаҿы разнагашьа 80 инареиҳаны аҭҵаарадырратә усумҭақәа азызкыз Шьурбеи Кадыр-иԥа Царгәыш диижьҭеи 90 шықәса ҵит.

Аҧсуара иузаҟәымҭхо иадҳәалоуп аҧсуа ибызшәа. Уи аҧсуа ихаҿроуп. Ижәытәӡоуп ҳбызшәа-убри аҟынтә ажәацыҧхьаӡа иаҵаҵәахуп амаӡақәа. Иарбан ажәазаалакгьы, ицәажәоит, ҷыдарак агәылакуп. Изҩыдоуп ҳбызшәа-аҧсуа игәаҭеиҧш, аламыс еиҧш иҧшьоуп.

Аҧсҭазаара инарҵауланы уазымхәыцкәан аилкаашьа уақәшәом. Иара иаҵаҵәаху амаӡақәа даараӡа ишьахәуп. Иҟоуп аамҭақәагьы ианузеилымкаауа, аха ушықәс шаҟа иацло аҟара, урҭ амаӡақәа реилкаара мариахоит.

Ашәышықәсақәа раҧхьатәи ауаҩы иҧсҭазаара ахаҿра ублаҿ иааугарц уҭахызар, иузцәырҵуеит азҵаарақәа жәпакы. Анкьа ауаҩы иҧсҭазаашьа иаҳа ицәгьазма? Иуадаҩызма?

Шаҟа ицәгьоузеи аҧсҭазаара аҵакы аилкаара. Агәырҩа, агәырҕьара, узықәшәо уанақәшәо уздыруам. Улахь иану ақәра рацәа анҵыра акәу, ақәрахьымӡара акәу адырра алшара умаӡам.

Аҧсны ахы-аҵыхәа еимаздо амҩадула Урыстәылаҟа ухы рханы Гәдоуҭа уналсны ушҩеиуа, улаҧш надымхалар ауам иҭбааҭыцәӡа асас изы иаарту гәашә дуӡӡак.

Шьыжьла амрахәага лашаӡа сҧенџьыр ианадыҷҷало, аҵарақәа рыбжьы хааӡа сгәы андыршәаҳәо, сықәыҧшуеит аҧшӡареи ахаареи згым адунеи.

Ԥсабарала акырӡа ибеиоу, убла хызкша аҭыҧқәа рыла иҩычоу тәылоуп Аҧсынтәыла. Ашьхеи амшыни мрашәахәаны иргәылаку, Анцәа мышкызны аҧсуа ииҭаз ҳамҭоуп.