Ақьырсиантә ныҳәа дуқәа ируаку – Иаса Қьырса Иӡаахра Амшныҳәа иаԥхьанеиуа ахәылԥаз ажьырныҳәамза 18 иақәшәоит.
Ари ауха, ишаԥу еиԥш, ақьырсианца ачарыц иалху ацхеи ашәырҩеи зларҵо ачгьахьачыс хаа ҟарҵоит. Ари ачыс жәытә-натә аахыс аиҭаҿиара, аԥсҭазаара ахацыркра символра азнауан.

Аԥсны аҳәынҭқарратә дачақәа Русбарҭа аиҳабы Беслан Кәыҵниа аӡиа Риҵа аҟны иҟоу «Сталин идача» аукцион аҟынтәи ирҭиизшәа аинформациа аларҵәара инамаданы аҳәамҭа ҟаиҵеит.
Беслан Кәыҵниа атәылауаа ауаажәларра рыҩныҵҟа аибарххареи аҭагылазаашьа ашьақәҟьареи иашьҭоу џьоукы ирҳәо, ирыҩуа харҵаанӡа, уи аԥхьа ироуз адыррақәа аофициалтә хыҵхырҭақәа рҟны игәарҭаларц азы ааԥхьара ҟаиҵоит.

1992-1993 шықәсқәа ­рзтәи ҳџьынџьтәылатә еибашьра ишналагаз еиҧш, хатәгәаҧхарала иҳацхраарц иааз рфырхаҵара ҳажәлар ргәалашәараҿы наунагӡа иаанхоит. Аҧсни уи иқәынхоз ажәларқәеи ашәарҭара бааҧсы ҳанҭагылаз зхы-зыҧсы иамеигӡакәа, акаҵәарақәа ирхыҵны иҳавагылаз рхыҧхьаӡара наӡон хнызқьҩык рҟнынӡа, урҭ рахьтә 260-ҩык инареиҳаны ҳаҧсадгьыл ахақәиҭтәра рхы ақәырҵеит. Шьак еицалҵыз Нхыҵ-Кавказтәи ҳаешьаратә жәларқәа рхаҭарнакцәа рыдгылара, ргәашьамх арҵаруан, ргәамч ҩбанатәуан, аиааира инагӡаны агәра днаргон ҳҵеицәа.

Едуард Ажьиба иааигәаны дыздыруаз, иҿцәажәахьаз, ицныҟәахьаз насыҧ иман, рҳәоит иахьа уи дызгәалашәо. Дахьыҟазаалакгьы Едуард даара аҧсуара бзиа ибон, егьныҟәигон. Аҧсуара аҵакы иара изы акыр иҭбаан, иҵаулан, иҧсҭазаараҿы сара саҧсуоуп аҳәара мацарала акәмызт ишеиликаауаз. Аҧсадгьыл еиҧш, аҧхьа иргылон ахатәы бызшәа.

Аусурҭадара апроблема, аус зуа рыԥсҭазаара ахаҭабзиара аиӷьтәра, аҳәынҭқарреи абизнеси русеицура аԥеиԥш иалацәажәеит Ахада Аслан Бжьаниеи анападкылаҩцәа рхаҭарнакцәеи реиԥылараҿы.
Атәыла Ахада аиԥылара иалахәыз ҭабуп ҳәа реиҳәеит аекономика арҿиара иацхрааз, аҳәынҭқарратә биуџьет аҟаҵарбақәа акырӡа еиӷьызтәыз лыҵшәа-бзиала русуразы.

Ианвар 21 ауха, инықәырԥшшәа ашьыжь асааҭ ԥшьба рзы амца акит Лакоба имҩаҿ игылоу Ацәыргақәҵарҭатә зал хада ахыбра. Уи арцәара иалахәын аҭагылазаашьа ҷыдақәа рзы Аминистрра амцарцәаратә машьынақәа. Амцабз иамҽханакит ҩбаны еихагылоу ахыбра, Аԥсныпресс акорр. адырра ҟаиҵеит ахҭыс ахьыҟалаз аҭыԥ аҟнытә.

Декабр мза аҵыхәтәантәи амшқәа раан Сириатәи Арабтә Республика аҳҭнықалақь Дамаск, Рукен ад-Дина ҳәа иахьашьҭоу, Ачерқьес ассоциациа аштаб-квартира аҟны хымш ирҭагӡаны имҩаҧысуан «Ачерқьес шәҟәы ацәыргақәҵа» захьӡыз аусмҩаҧгатә.

Насыԥ рымоуп иаԥсоу абиԥара еиҵазааӡо. Ҳара иҳамоуп гәадурала ҳазхыҽхәаша аҿар. Акультура, аҟазара, аспорт уҳәа зегьынџьара иаадрыԥшуеит аихьӡара бзиақәа. Аԥсны мацара аҳәаақәа ирҭагӡам ҳхәыҷқәа рҟазара.

 
Ҳазҭалаз 2024-тәи ашықәс ҿыц хацыркын акымкәа-ҩбамкәа аиааирақәа рыла. Аспорт аганахьала иаҳҳәозар, ашьапылампыл асразы Академиа Unity Аԥсны ашьапылампыласцәа ҿарацәа алахәын Адлер ианвар 3 инаркны-ианвар 9 рзынӡа «Сириус» имҩаԥысуаз «Ашықәсҿыцазтәи акубок» Атурнираҿ еицлабуан 30-команда; - Москва, Шәача, Саратов, Одинцово, Аԥсны рҟынтәи ашьапылампыл асҩцәа қәыԥшцәа.
Аԥснынтәи иалахәын акомандақәа ԥшьба. 2014 шықәса рзы ииз ахәмарцәа иааныркылеит 1 - тәи аҭыԥ. 2013- шықәса рзы ииз ахәмарцәа ианыркылеит 2-тәи аҭыԥ, 2012 ш. иаҵанкуа 3-тәи аҭыԥ. 2015 шықәса рзы ииз аԥшьбатәи аҭыԥ.
Лымкаала аҳамҭақәа зауз иреиуоуп: иалкаау ахәмарцәа: Нестор Иакуб-оглы, Баграт Ҭаниа, Дамир Сақаниа, Даниил Казанџьы-оглыи.
Еиуеиԥшым ақәра иаҵанакуа рахьтә: Иреиӷьу ахәмарҩы ҳәа далкаауп – Сандро Лорҭқиԥаниӡе, иреиӷьу амбахьчаҩ – Алеқсандр Гьергьиа, иреиӷьу ажәылаҩцәа– Владислав Бебиа, Соломон Ԥлиа, Баграт Ачба, Алан Цәышба, Нестор Хәаҭланӡиа – (16-мпыл ҭаиршәит).
Абасала, ахьӡ-аԥша рыманы Адлернтәи ихынҳәит ҳампыласыҩцәа хәыҷқәа.
Уажәшьҭа исҭахын Сириус имҩаԥысуаз аицлабраҿы афигуристка аҵаақәчаразаараҿы зҽалызкааз 10 шықәса зхыҵуа Пицундатәи Шорена Гәниа слыхцәажәарц. Лара 9 шықәса анылхыҵуаз илыхьчеит 2 аспорттә разриад. Есыҽны уи Пицундантәи дцон Сириус. Лара дылҿыԥшны, абар, шьҭа хышықәсоуп абри аспорт хкы, аҵаақәчаразаара аолимпиатә сириус ашҟа дныҟәоижьҭеи Анна Ҭхагушевагьы.
Сынтәа ҳфигуристка Шорена Гәниа 10-шықәса лхыҵра аҳаҭыраз «Аолимпиатә ҵаа» ашҟа ирыдыркыларан иҟоуп 10-ҩык абаҩхатәра злоу Аԥснытәи аҵаҩцәа. «Зхы агәра згаз, збаҩхатәра агәра згаз шәыгәҭакқәа зегь наӡоит» ҳәа, лҩызцәа хәыҷқәа рахь ааԥхьара ҟалҵоит афигуристка қәыԥш. 50-ҩык рҿынӡа ҳашколхәыҷқәа Сириус иаднакылахьеит 3-шықәса ирҭагӡаны, аха урҭ зегьы рҵара аҵыхәтәанӡа ирзынагӡом, избанзар ирымоу азыҟаҵара рызхом. Ирацәоуп шьардаӡа аспорти аҟазареи рхырхарҭала Аԥсны ахьӡ ҭызго аҿар. Ирзеиӷьаҳшьоит иҵегьи аихьӡарақәа, еснагь аиааирақәа.
Аҵара аминистр лхаҭыԥуаҩ Ада Кәарҷелиа лажәақәа рыла, ҳхәыҷқәа заа азыҟаҵара иақәнагоу роурц азы «Сириус» аҟынтәи аспециалистцәа ааԥхьаны, Гагратәи алицеи-интернат аҟны шықәсыбжак разыҟаҵара азԥхьагәаҭоуп.

Наира Сабекиа  

Атәыла аҿиареи уи ауаажәларра рыбзазара еиуеиҧшым ахырхарҭақәа реизырҳареи, занааҭтә ҩаӡарала урҭ рымҩақәҵареи знапы иану, уи азы агәыҕра рацәа зыдҳәалоу ҳәарада, Ҳазшаз аҧсынҵыра ду заҭәеишьаша еиҵагыло абиҧарақәа роуп.