Сентиабр 16 азы Аҧсны Ахада Аслан Бжьаниа диҧылеит Урыстәылатәи Афедерациа Аиҳабыра Рхантәаҩы ихаҭыҧуаҩ Дмитри Чернышенко, – иаанацҳауеит Ахада ипресс-маҵзура.

Дмитри Чернышенко бзиала уаабеит ҳәа иаҳәауа, аҳәынҭқарра Ахада иазгәеиҭеит хаҭала реибадырра дшеигәырҕьауа.

Сентиабр 14. Аҧсныпресс. Аҧсны Ахада Аслан Бжьаниа дырҧылеит Жәлар Реизара адепутатцәа, - иаанацҳауеит Ахада Иусбарҭа асаит.

Аиҧылара иалахәын Ахада Ихаҭыҧуаҩ Бадра Гәынба, Аҧыза-министр Алеқсандр Анқәаб, Ахада Иусбарҭа анапхгаҩы Џьансыхә Нанба, ашәарҭадара Ахеилак амаӡаныҟәгаҩ Сергеи Шамба, Ахада Иусбарҭа анапхгаҩы ихаҭыҧуаҩ Зураб Қаџьаиа, адәныҟатәи аусқәа рминистр Инал Арӡынба.

"30 шықәса шҵхьоугьы, аамҭа акыр шахылахьоугьы, иахьаҽнеиҧш ҳабла ихгылоуп аҧсуа жәлар иҳхаагаз, ҳазлагылаз ашьаарҵәыратә еибашьра. Исгәалашәоит,аибашьра ианалага, нанҳәамзазы Аҟәа сшыҟаз, аибашьра ахҧатәи амш аҽны Аҟәа ааныжьны  Ешыраҟа ҳцара. Ешыратәи ацҳа ҳанықәс, ҳахьцо ҳзымдыруа ҳашгылаз, ишызбаз Аҭараа рҭыҧҳацәа Гәындеи Жаннеи Кәыҵниа-ҧҳацәа. Уи акәхеит, лак-ҩакрада урҭ снарывагылеит," – абас ҳаиҿцәажәара  хацыркуа, аибашьра атема алацәажәара акыр ишылцәыуадаҩызгьы лажәа дналагеит "Агәымшәаразы" амедал занашьоу, Аҧсны Аџьынџьтәылатә еибашьра аветеран, усҟан ахәра ҕәҕәа зауз, аҩбатәи агәыҧ иаҵанакуа аинвалид,15 шықәса раахыс Б.Шьынқәба ихьӡ зху  Аҟәатәи абжьаратә школ №1 аҟны  алагаратә классқәа рырҵаҩыс аус зуа Ельза Петиа-иҧҳа Кәыҵниа.

Ахада Аслан Бжьаниа Урыстәылатәи Афедерациа ашәарҭадара Ахеилак ахантәаҩы ихаҭыҧуаҩ Дмитри Медведев Имшира идиныҳәалеит.

Ауаажәларратә палатаҿы имҩаҧысит Ахада Аслан Бжьаниеи аоппозициа ахаҭарнакцәеи реиҧылара. Уи иалахәын Аҧсны Ахада ихаҭыҧуаҩ Бадра Гәынба, Аҧыза-министр Алеқсандр Анқәаб, Ахада Иусбарҭа анапхгаҩы Џьансыхә Нанба, ашәарҭадара Ахеилак амаӡаныҟәгаҩ Сергеи Шамба, Ахада Иусбарҭа анапхгаҩы ихаҭыҧуаҩ Зураб Қаџьаиа, адәныҟатәи аусқәа Рминистрра ахада Инал Арӡынба, Ареспубликатәи ауаажәларратә еиҿкаара "Аҧснытәи амилаҭтә хеидкыла" ахантәаҩы Адгәыр Арӡынба, Ареспубликатәи ауаажәларратә еиҿкаара "Аруаа" ахантәаҩы Ҭемыр Гәлиа, Ареспубликатәи аполитикатә партиа "Аҧсны жәлар ракзаара Афорум" ахантәаҩы Аслан Барцыц, апартиа "Аҧсны" ахантәаҩы Витали Габниа.

М.С. Шьчепкин ихьӡ зху Урыстәыла Иреиҳаӡоу атеатртә ҵараиурҭа аҭоурых аҿы раҧхьаӡа акәны аҧсуа курс – 15-ҩык астудентцәа (10-ҩык аҷкәынцәа, 5-ҩык аҭыҧҳацәа) аднакылеит. Урҭ ҧшьышықәса рыла Ф.Искандер ихьӡ зху адрама Аурыстә театр атруппа хадырҭәаауеит. Абри азы адырра ҟаиҵеит атеатр адиректор Иракли Хынҭәба Феисбук аҟны идаҟьаҿы.

Ажәытәан ауаа ҵарада ахшыҩ рыман, уи зырҵабыргуа аҧсуа ажәаҧҟагьы ыҟоуп, "Аҵара сасуп, ахшыҩ аҧшәымоуп" ҳәа.

Аха, аамҭа акыр ҧхьаҟа ицеит, ауаҩытәыҩса ихәыцрақәа, ихымҩаҧгашьа, инырра, идырра уҳәа аҽаҧсахит, еизҳаит, аҽарҭбааит. Ҳәарада, хшыҩла ихәыдоу аҵараҿгьы дымхьысҳахар залшаӡом, аха ауаҩы ахшыҩ имоуп мацарагьы азхаӡом, ахшыҩ аҧыжәара шагогьы, уи аҵарадырра анацым ихаҭәаам.

2022 шықәсазы Аҧсны аҧсуа-аурыстә археологиатә експедициа аҳәаақәа ирҭагӡаны ажәытә қалақь Гиуенос (Очамчыра) имҩаҧысуан аҧшаарақәа. Аҧсуа-аурыстә експедициа Аҧсны аусура хацыркын 2002 шықәсазы. Иара напхгара арҭоит Аҧснытәи аҳәынҭқарратә музеи аиҳабы, Д.И. Гәлиа ихьӡ зху Аҧсуаҭҵааратә институт археологиа аҟәша аҭҵаарадырратә усзуҩ еиҳабы А.И. Џьопуеи Урыстәыла аҭҵаарадыррақәа Ракадемиа иатәу Археологиатә институт аҭҵаарадырратә усзуҩ еиҳабы, Мрагыларахьтәи аинститут аиҳабы ихаҭыҧуаҩ А.И. Скакови. 

"Злахьынҵа зцымныҟәаз" – абас ахьӡуп  Аџьар Ҟаҧшь Жәларбжьаратәи Аилак Амиссиеи "Аҭынчреи асоциалтә иашареи рзы Аҧсны анацәа" Рхеидкылеи еицҭрыжьыз ашәҟәы. Ари 1992-1993  шықәсқәа рзы Аҧсны жәлар Рџьынџьтәылатә еибашьра аан хабарда ибжьаӡыз ирызку ажәабжьқәа реизга мацара акәым. Уаҟа икьыҧхьуп аибашьра анцоз хабарда ибжьаӡыз 151-ҩык рҭаацәеи, ргәакьацәеи, рҭынхацәеи ргәалашәарақәа. "Шамахамзар иуҧыхьамшәо, хабарда ибжьаӡыз аҧсҭазаара ишахәаҧшуаз, ишгәныркылоз зныҧшуа дунеихәаҧшышьоуп", – абас иҩит аҭыжьымҭа иациҵаз аҧхьажәаҿы Аџьар Ҟаҧшь Амиссиа ахада Натан Реис.

Владислав Арӡынба ихьӡ зху Ахьӡ-Аҧша амузеи аҿы еизгоуп ақырҭуа-аҧсуа еибашьра иадҳәалоу хәы-змам аҭоурыхтә експонатқәа. Амузеи аусзуҩцәа урҭ  есааира ихадырҭәаауеит, уаанӡа аӡәгьы иимбацыз, аҵак ду змоу, ацәыргақәҵатә експозициақәа хазырҭәааша аекспонат ҿыцқәа рыҧшаауеит.

Ақырҭуа-аҧсуа еибашьра ианалага  аҧсадгьыл ахьчаразы аӡәк еиҧш  игылеит  Аҧсны аҵеицәа. Урҭ рзыҳәан гәыҩбара ыҟаӡамызт аиааира шыргоз азы. Избан акәзар, ирыхьчон рыҧсадгьыл, рыҩны, рҭаацәа.  Аиаша агәрагара, уи аиааира агара шалшо азы гәыҩбара амамзаара, ҳаибашьцәа урҭ адоуҳамч  дук рынаҭон.

Ахәаахәҭра-ааглыхратә палата аиҳабы Тамила Мырцхәлаа диҧылеит Иорданиа аҟны  Ахәаахәҭра-ааглыхратә палата ахаҭарнак Амин Бакиж, иаанацҳауеит апалата асаит.

Мырцхәлааи Бакижи рылацәажәеит Иорданиатәи Ахашимиттә Кралраҿы аҧсуа нападкылаҩцәа ринтересқәа рцәыргареи Аҧсны аӡыргареи ирызку аусмҩаҧгатәқәа реиҿкаара.