Аҟәатәи ақалақьтә Еизара аилатәараҿы уи ахантәаҩы Иракли Харчлаа инапынҵақәа рынагӡара аҿҳәара ииасаанӡа имаҵура ааныжьразы арзаҳал рыдигалеит.
Иколлегацәа – ақалақьтә Еизара адепутатцәа аусураҿы ирҭоз адгылара азы ҭабуп ҳәа реиҳәеит. «Исыдыскылаз аӡбамҭа ишәа-иза сазнеит, уи акыр зҵазкуа ҭагылазаашьоуп сара сзы, амала сдепутаттә уалҧшьа анагӡара иацысҵоит, агәра згоит Аҟәаа ирыхәаша ала аусура сылсыршап ҳәа», – иазгәеиҭеит Иракли Харчлаа.
Аҟәатәи ақалақьтә Еизара адепутатцәа еицҿакны Иракли Харчлаа иҧхьатәара рыдыркылеит, анаҩс арегламент инақәыршәаны, Аизара ахантәаҩы иалхразы акандидатцәа рықәыргыларахь ииасит. Алхратә биуллетен аҟны иарбахеит ҩыџьа адепутатцәа – Дмитри Осиеи Давид Чхеиӡеи ркандидатурақәа.
Абжьыҭира иалахәыз реиҳараҩык рыбжьы ирҭеит Дмитри Осиа. Абасала, уи Аизара ахантәаҩыс далххеит. Анаҩс Дмитри Осиа иажәалагала инақәыршәаны маӡала абжьыҭираан ахантәаҩы ихаҭыҧуаҩыс далырхит Иракли Харчлаа.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
