2022 шықәса сентиабр азы акиностудиа "Ленфильм" Аҧсны аҭыхра иалагоит адунеи зегьы аҟны араса ахә анышьҭыҵ ашьҭахь, "араса чымазара" ацәырҵра атәы иазку афильм "Аҵыхәтәантәи ахә". Астудиа аиҳабы Фиодор Шьчербаков абри атәы иҳәеит ТАСС аҟны.

"Апроект "Аҵыхәтәантәи ахә" анагӡара ҳаҿуп. Инықәырҧшшәа уи "араса чымазара" ҳәа ахьӡаҳҵап. Аҭыхрақәа мҩаҧысуеит Аҧсны, иагьрылагоит сентиабр 15 азы", – иҳәеит Шьчербаков.

Ааигәа, Аҟәа араион ажәытә қыҭа Ӡыгәҭа аилахәыра "Гаруда" агәыҧ иаанартит ҧшь-еҵәак змоу, аҧсшьарҭа хкы ҿыц "Глемпинг" (акемпинг ахкқәа иреиуоуп, асасааирҭаҿтәи аманшәаларақәа амҽханакуеит, аҧсабараҿы аҧсшьара иахәҭакуп) ҳәа изышьҭоу. Акомплекс аиҳабы Гьаргь Ачба "Аҧсныпресс" иеиҭаз аинтервиу аҟны дазааҭгылт. "Аҭыҧ иаҵанакуеит 12 гектар. Ҳазну аамҭазы иргылоуп аҩнхәыҷқәа 50, ҩыџьа-ҩыџьа рҭыҧ змоу. Ҳкомплекс зегьы 200-ҩык аҧсшьацәа  акуеит".

Асовет Еидгыла ахаангьы Аҧсны акурорттә ҳәынҭқарра ҳәа иалкаан, атуризм аҿиара бзиагьы аман. Иаҭаауаз аҧсшьаҩцәа рхыҧхьаӡара акыр иахьырацәаз инамаданы  абиуџьет иаланагалоз ахашәалагьы маҷӡамызт. Аибашьра ашьҭахь аҭагылазаашьа шьаҭанкыла аҽаҧсахит. Аҧсны Мраҭашәаратәи ахырхарҭаҿы акурорттә нхамҩа ашьапы ҿыц еиҭақәгылазар, Мрагыларатәи ахәҭа аҿиара иамаз аҧынгылақәа риааира уадаҩхеит.

Сыззааҭгыло атема аҿар ҧыҭҩык ирыдрымкылар ҟалап. Аха аиҳабацәа шсықәшаҳаҭхо агәра згоит. Ари атема сгәы иҵхоижьҭеи акрааҵуеит. Аӡәы имҩыц имҳәац ҳәагьы сызҳәом. Аха сахьынаҧш-ааҧшуа избо аҿар, ахәыҷқәа, иара убас аиҳабацәагьы ҧыҭҩык, убраанӡа аҭел ахархәара иамҽханакны, ирылаҽны иҟоуп, амҩа иахьану амашьына иаҵаҳауазаргьы рбом. Абраҟа зынӡаскгьы сгәы иҭам аҿыц цәырҵрақәа сырҿагылоит ҳәа аҳәара. Аха убарҭ ацәырҵрақәа инамцхәны ахархәара, иахьа еиҵагыло абиҧара ргәабзеиреи, рдырреи акыр аҧырхага анаҭар ауеит.

2022 шықәсазтәи аусура аихшьалара иазкын ааигәа Аҧсны апрокуратура Хада аколлегиа  аилатәара. Хантәаҩра азиуан апрокурор Хада Адгәыр Агрба, – иаанацҳауеит апрокуратура хада асаит. Аилатәараҿы уи иалахәыз минуҭктәи аҿымҭрала иргәаладыршәеит 1992-1993  шықәсқәа рзы иҭахаз Аҧсадгьыл ахьчаҩцәеи хатәгәаҧхарала аибашьцәеи. Аилатәараҿы иҟан апрокурор Хада ихаҭыҧуаа, аусбарҭақәа реиҳабацәа, араионқәеи Аҟәа ақалақьи рпрокурорцәа уҳәа егьырҭгьты.

Аҧсны Ахада Аслан Бжьаниа сентиабр қ инаркны 12 азынӡа дырҭаауеит Урыстәылатәи Афедерациа Ҟарачы-Черқьестәи Ареспубликеи, Ҟабарда-Балкартәи Ареспубликеи, Ареспублика Адыгеиеи, – иаанацҳауеит Ахада ипресс-маҵзура.

Ҟарачы-Черқьестәи Ареспубликеи, Ҟабарда-Балкартәи Ареспубликеи, Ареспублика Адыгеиеи рхадацәа рнаҧхьарала Аслан Бжьаниа ихы рылаирхуеит Адыгеиа анеиҿыркааз аахыс 100 шықәса аҵра иазку агәырҕьарақәа, иара убас ареспублика ахада имаҵура иахагылара.

Аҧсны Ахада Аслан Бжьаниа аҳәамҭа ҟаиҵеит "адгьыл аҭиразы" еиуеиҧшым алымҳаҭасқәеи ахыҭҳәаақәеи ҳажәлар ирызцәырыргаз агәҭынчымра инамаданы. Адгьыл изакәызаалак даҽа формак ала аҭира Аҧсны уаҩы дзалацәажәаӡом, – иаҵишьит Ахада.

Сентиабр 5 азы Ауаажәларратә палата аҧшьгарала Ахада Иусбарҭаҿы имҩаҧысит аҳәынҭқарра Ахада Аслан Бжьаниеи ауаажәларра ахаҭарнакцәеи реиҧылара.

Ахада иҧыларахь инеит ауаажәларратә усзуҩцәа Леуан Миқаа, Вианор Ашба, Геннади Ҵәыџьба, Руслан Ладариа, Мураҭ Аџьба.

Аиҧылара иалахәын Ахада ихаҭыҧуаҩ Бадра Гәынба, Аҧыза-министр Алеқсандр Анқәаб, Ашәарҭадара Ахеилак амаӡаныҟәгаҩ Сергеи Шамба, Ахада Иусбарҭа анапхгаҩы Џьансыхә Нанба, Ахада Иусбарҭа анапхгаҩы ихаҭыҧуаҩ Зураб Қаџьаиа.

Ауаажәларратә палата хаҭарнакра азыруан Сократ Џьынџьал, Руслан Ҳашыг, Витали Смыр, Михаил Сангәлиа, Абессалом Кәарҷиа.

Аҧсны Ахада Аслан Бжьаниа аҵарашықәс алагара рыдиныҳәалеит аҵаҩцәа, арҵаҩцәа, аҭаацәа. «Агәырҕьарақәа, агәыкыҭхыҭрақәа рыла иҭәуп Сентиабр 1.

Сентиабр 1 азы Аҧсны ашколқәа зегьы рҟны раҧхьатәи аҵәҵәабжьы дыргеит. Баграт Шьынқәба ихьӡ зху Аҟәатәи абжьаратә школ №1 ашәхымс ихыҵит актәи акласс ахь ицаз 76-ҩык, урҭ рахьтә 44-ҩык ҷкәынцәоуп, 32-ҩык ӡҕабцәоуп. Ашкол аҟны аҵара рҵоит 810-ҩык раҟара аҵаҩцәа.

Уаҟа ирылацәажәеит аҳәынҭқарраҿы акриминогентә ҭагылазаашьа азҵаарақәа, ацәгьоурақәа ирҿагыланы ақәҧараҿы еишьашәалоу аусбарҭақәа ирыдыркылауа аусмҩаҧгатәқәа.

Август 26 азы Аҟәа, Ахьӡ-Аҧша апарк аҟны ашәҭқәа шьҭаҵан 1992-1993 шықәсқәа рзы Аҧсны жәлар Рџьынџьтәылатә еибашьра аан иҭахаз Рбаҟаҿы. Иҭахаз ргәаладыршәарц уахь инеит Аҧсны Ахада Аслан Бжьаниа, Жәлар Реизара Аиҳабы Лаша Ашәба, Ашәарҭадара Ахеилак амаӡаныҟәгаҩ Сергеи Шамба, Аҧыза-министр актәи ихаҭыҧуаҩ Беслан Џьопуа, Жәлар Реизара адепутатцәа, Аиҳабыра иалоу, Аҧсны иҟоу Урыстәыла ацҳаражәҳәаҩ Михаил Шургалин, Аҧсны иҟоу Аахыҵ-Уаҧстәыла ацҳаражәҳәаҩ Олег Боциев.