Мышқәак раҧхьа Аҧсны Ахада Аслан Бжьаниа даҭааит Тамшь ақыҭа, уаҟа аӡымҩангагақәа рышьҭаҵаразы аусқәа шцо гәеиҭарц азы.

Аҵара шықәс ҿыц аламҭалаз Аҧсны Аҳәынҭқарра Ахада Аслан Бжьаниа даҭааит Л.Б. Кәыҵниа ихьӡ зху Аҭаратәи абжьаратә школ, аҵарашықәс ишазхиоу гәаиҭарц азы.

Аҧсны Аџьынџьтәылатә еиба­шьраан (1992-1993) ҳажәлар иргаз Аиааира 30 ш. ахыҵра азгәаҭара иазкны еиҿкаау Аҳәынҭқарратә комиссиа абзоурала иҭыжьуп Д.И. Гәлиеи Т.Шь. Аџьбеи рыхьӡ зху Аҳәынҭқарратә премиақәа занашьоу Анатоли Лагәлаа ишәҟәы «Аныуаа рхәы».

Апресс-конференциа аартуа аурыс театр аиҳабы Иракли Хынҭәба иҳәеит аҟазара знапы алаку зегьы иааиҧмырҟьаӡакәа аусуратә процесс арежим рҽақәыршәаны  бжь-шықәса шыҵуа аус руеижьҭеи.

Ааигәа Аҧсны Ахада Аслан Бжьаниа инапы зҵаиҩыз  Аусҧҟа инақәыршәаны еицырдыруа Кавказҭҵааҩцәа ируаӡәку, афилологиатә ҭҵаарадыррақәа рдоктор, Х.М. Бербеков  ихьӡ зху Ҟабарда-Балкариатәи аҳәынҭқарратә университет аурыс бызшәеи азеиҧш бызшәадырреи ркафедра апрофессор, Аҧсны аҭҵаарадыррақәа Ракадемиеи Адыгатәи жәларбжьаратәи аҭҵааратә Академиеи ракадемик,  Жәларбжьаратәи  Кавказтәи алингвистикатә еилазаара алахәыла Зинаида Михаил-иҧҳа Габуниа лыҭҵаарадырратә лшамҭақәеи урҭ аҧсҭазаараҿы қәҿиарала рхархәареи рзы илыхҵоуп «Аҧсны аҭҵаарадырра зҽаҧсазтәыз аусзуҩ» ҳәа аҳаҭыртә хьӡы.

Август 23 рзы Аҧснытәи Асахьаҭыхыҩцәа Реидгыла ацәыргақәҵатә зал хадаҿы иаартын еицырдыруа асахьаҭыхҩы Баҭал Џьапуа иусумҭақәа рцәыргақәҵа. Уи иаҭааит аҧсуа ҵарауаа, аинтеллегенциа, аҟазара абзиабаҩцәа, аҿар.

Абар мышқәак роуп инхаз, иалагоит аҵарашықәс ҿыц. Раҧхьаӡа акәны ашкол ахь зшьаҿа еихызго ахәыҷқәа ргәы хыҭ-хыҭуа иазыҧшуп раҧхьатәи аҵәҵәабжьы. Сынтәатәи ашықәс азы 2452-ҩык ахәыҷқәа ршьаҿа еихыргоит адыррақәа рдунеи ашҟа. Аҧснытәи ашколқәа зегьы азхиоуп аҵаҩцәа рыдкылара.

Аԥсны аделегациа рылахәын Урыстәылатәи Афедерациа аганахьала Ареспублика Аахыҵ-Уаԥстәыла азхаҵара 15 шықәса ахыҵра иазкыз агәырӷьарақәа. Аԥсны аделегациа иалан Аԥсны Жәлар Реизара адепутатцәа Ерик Рштуни, Баҭал Џьопуа, аиустициа аминистр Анри Барцыц.

Аԥсны Аҳәынҭқарра Ахьыԥ­шымра азхаҵара 15 шықәса ахыҵреи ҳауаажәлар рзы иԥшьоу Аиааира амшныҳәа азгәаҭареи мышқәак нацны мызкы шагыз, 75 шықәса дшырҭагылаз иаалырҟьаны иԥсҭазаара далҵит урҭ раагара зџьабаа маҷымкәа иадыз, Аԥсны Аџьынџьтәылатә еибашьреи Арбџьар Мчқәеи рветеран, Аԥсны Афырхаҵа, аинрал-маиор ԥхьатәа Виачеслав Аҳмеҭ-иԥа Ешба.

Аслан Бжьаниа ажәа иҳәеит Аԥсны Аҳәынҭқарра ахьыԥшымра жәларбжьаратәи азхаҵара Амш иазкыз агәырӷьаратә еизараҿы.

Урыстәылатәи Афедерациа Апрезидент Владимир Путин Аслан Бжьаниа адныҳәаларатә шәҟәы изааишьҭит аҳәынҭқарра ахьыԥшымра жәларбжьаратәи азхаҵара 15 шықәса ахыҵра инамаданы.

Аҧсны Ахьҧшымра азхаҵара 15 шықәса ахыҵра инамаданы август 25 рзы акультуратә платформа «Гума» аҟны Москва ахадара рыбзоурала еиҿкаан аныҳәатә концерт.