Краснодартәи атәылаҿацә ацхыраарала аҵарадырратә усхкы арҿыцра иацнаҵоит ҳәа азгәеиҭеит урыстәылазегьтәи ауаажәларратә еилакы «Иқәыԥшу Урыстәыла» Краснодартәи арегионалтә ҟәша ахеилак ахантәаҩы Роман Марченко.

Атәыла ахада иҳәеит ҩ-жәларык реизыҟазаашьа адацқәа ажәытәра ишагәыласоу, рҭоурыхтә лахьынҵа шеиԥшу, реизыҟазаашьақәа ракәзар апатуеиқәҵара шьаҭас ишамоу.

Урыстәылатәи Афедерациа Ахада Иусбарҭа анапхгаҩы актәи ихаҭыԥуаҩ Сергеи Кириенко Урыстәыла ахада Владимир Путин ихьӡала Жәларбжьаратәи аекономикатә форум «Аԥсны уаҵәтәи амш ахь аинвестициақәа» алахәылацәеи, аиҿкааҩцәеи аԥсшәа реиҳәеит.

2025 шықәсазтәи ахҭыс хадақәа ируакхеит иааиԥмырҟьаӡакәа жәларбжьаратәи аҳаиреимадара аусура аларгара.

Аусмҩаԥгатә рхы аладырхәуеит Аҳәынҭқарра ахада Бадра Гәынба, ахада ихаҭыԥуаҩ Беслан Бигәаа, Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко, Аахыҵ Уаԥстәыла ахада Алан Гаглоев, Жәлар Реизара адепутатцәа, Аԥсни Урыстәылеи Реиҳабыра ахаҭарнакцәа, хыԥхьаӡара рацәала иааԥхьоу асасцәа.

Афорум мҩаԥысуеит аекономикатә усеицура аҿиареи, ареспублика аинвестициатә лшарақәа рырӷәӷәареи, аинвестициақәа радыԥхьалареи, Аԥсны Аҳәынҭқарра адәныҟаекономикатә еимадарақәа рырҭбаареи хықәкыс иҟаҵаны.