Хәжәкырамза 18 рзы, Никарагуа иҟоу Аԥсны ацҳаражәҳәаҩ Алиас Аиба Никарагуа адәныҟатәи аусқәа рминистр Вальдрак Џьентск агәраргагатә шәҟәқәа рыхкьыԥхьаа ианеишьеит.

Д. И. Гәлиа ихьӡ зху аԥсуаҭҵааратә институт аҟны имҩаԥысит алафҳәаҩ ду, аԥсуа ҽыбӷаҟаза Гьаргь Қәабзач-иԥа Габечиа ишәҟәы аӡыргара. Ашәҟәы аӡыргара ашҟа сиасаанӡа исҭахын маҷк автор инысымҩа сазхьаԥшырц.

Аҟәа имҩаԥысит Аԥсны Ауаажәларратә Палата еиҿнакааз афорум «Аицәажәара. Аиқәшаҳаҭра. Аҿиара».

Ражьден Гәымба ихьӡ зху аҳәынҭқарратә филармониаҿы имҩаԥысит Аԥсуа жәлар рмузыка арҳәагақәа роркестрқәа XV ареспубликатә фестиваль «Аԥхьарца».

Д.И. Гәлиа ихьӡ зху Аԥсуаҭҵаара аинститут аҟны азинҭҵааҩ, Аԥсны Иреиҳаӡоу Аӡбарҭа акыр шықәса аӡбаҩс иҟаз, аԥышәа ду зырҳахьоу Владимир Ҳараниа 85 шықәса ихыҵра инадҳәаланы имҩаԥган аҵыхәтәантәи аамҭазы аԥсышәала иҭижьыз ишәҟәқәа рӡыргара. Апублицистика иаҵанакуа налаҵаны зынӡа аԥсышәала иҭижьхьеит жәеиза шәҟәы. Урҭ зегьы аиқәшәараан ицәыргақәҵан.

Ааигәа 80 шықәса зхыҵыз аҧсуа ҵарауаҩ Ирина Басариа - Анқәаб луаажәларратә усурала, аҧсуара азеиҧш зҵаатәқәа рзааҧсарала, Москватәи аҧсуаа рыҩнуҵҟа еиҧш, лыҧсадгьыл аҟнгьы ибзианы дырдыруеит.