Ҟабарда-Балкариатәи Ареспублика акультура аминистрра иуль 18 инаркны 30-нӡа имҩаԥнагоит Урыстәылатәи асахьаркыратә Академиа академик, Урыстәыла зҽаԥсазтәыз асахьаҭыхҩы, Ҟабарда-Балкариа Жәлар рсахьаҭыхҩы Хамид Владимир-иԥа Савкуев диижьҭеи 60 ш. аҵра иазку еиуеиԥшым акыр акультуратә - рҿиаратә усмҩԥгатәқәа.

Иреиӷьӡоу жәаф-ҩык ахә­марҩцәа ды­рхыԥхьаӡалахеит Аахыҵ-Уаԥстәылатәи аишәатә ԥкьаҭмпыл асҩы Аманда Кокоева, Ҟабарда-Балкариа аспорт аминистрра анапхгарала, аҳҭнықалақь Нальчик ииуль 7-10 рзы имҩаԥысуаз аишәатә ԥкьаҭмпыл азы XXI арегионбжьаратә турнир аҟны.

Ҳазну амза аԥхьатәи амшқәа рзы, Санкт-Питербург ақалақь аҟны, «Аԥштәы – уи Сара» ҳәа хьӡыс измоу хаҭалатәи лцәыргақәҵа аатит, жәларбжьаратәи афестивальқәеи аицлабрақәеи акыр раԥхьахәгаҩ, Аахыҵ-Уаԥстәылатәи асахьаҭыхҩы қәыԥш Лира Алборова. «Араҟа ицәыргақәҵахоит 40 усумҭа. Урҭ зегь аԥҵоуп абстракттә импрессионизм ахырхарҭа ала» ҳәа азгәалҭеит зҟазара уагәыланахало Лира. Асахьаҭыхцәа ҿарацәа реилазаара «Tskhinyal 5» алахәыла Лира Алборова хаҭалатәи лцәыргақәҵа раԥхьаӡа имҩаԥган 2022 ш. рзы лыдгьыл…