Иуль 18 рзы ақалақь Нальчик Амилаҭтә музеи аҟны иаатуеит «Уо, си анэ» – «Ан илызкны» ҳәа хьӡыс измоу аҟаза хаҭалатәи ицәыргақәҵа. Иуль 19 рзы А. Л. Ткаченко ихьӡ зху аҿыханҵатә ҟазара амузеи аҟны имҩаԥысуеит аҿари асахьаҭыхҩи рырҿиаратә еиԥылара, иара убас уаҟа имҩаԥгахоит «Нарҭаа» зыхьӡхаз иусумҭақәа рцәыргақәҵа.
23 иуль рзы Ҟабарда-Балкариа 100-шықәса ахыҵра ахьӡ зыхҵоу ақалақьтә баҳчаҟны, ҳаамҭазтәи аҟазара апавилион аҿы имҩаԥысуеит арт-проект «Ковчег». Нижни Куркужин ақыҭан иаԥҵоу М. Кипов ихьӡ зху ахәыҷтәы ҟазаратә школ аҟны Хамид Савкуев иҟазара-класс мҩаԥгахоит иуль25 рзы.
Иуль 30 рзы Амилаҭтә музеи аҟны Жәлар рсахьаҭыхҩы иԥсҭазаареи ирҿиареи ирызку «аишәагьежь» ала ихыркәшахоит аиубилеитә шықәсхыҵра азгәаҭара иазку аусмаԥгатәқәа.

Ахра Анқәаб