Аԥсны зҽаԥсазтәыз артист, «Ахьӡ-Аԥша» аорден аҩбатәи аҩаӡара занашьоу, СССР-и, Аԥсни, Урыстәылеи рышәҟәыҩҩцәа Реидгылақәа рлахәыла, аԥсуа шәҟәыҩҩы, адраматург, аҭоурыхдырҩы, актиор, аауаажәларратә усзуҩы Анзор Кәакә-иԥа Мықәба ҳтәылаҿы еиҳа деицырдыруеит драматургк иаҳасабала.

Ауаҩы иҧсҭазаара есааира аҽарҭбаауеит, есымша аартра ҿыцқәа аланагалоит, уи иабзоурахоит азанааҭ рацәа рцәырҵра. Иарбан занааҭзаалакгьы иара аҭыҧ аҿы ихадоуп, аха шаҟа аҵанакуазеи ажәлар рҿахәы аҳәара, урҭ рыгәҭа угыланы аинформациа рызнагара, амш ахҭысқәа ирыдҳәалоу адыррақәа рыҭара?! Убри азоуп сара изалысхыз ажәлар рҿахәы зҳәо – ажурналист изанааҭ.

Исҭахуп даҽакы иаламҩашьарц сара сдунеи. Аеҵәақәа зҭаԥшуа, ашәҭ ԥшӡақәа зҭиаауа, ажәҵарақәа зҭыԥраауа, ауаа гәыразқәа ахьеизо акәны сыблаҿ иааиуеит сара ԥхьаҟатәи сдунеи.

Аԥсны Аҳәынҭқарра раԥхьатәи Ахада – Владислав Арӡынба 80-шықәса ихыҵра инамаданы Аԥсны ахи-аҵыхәеи ирылаҳәоуп 2025 ш. Владислав Арӡынба ишықәсны.

Сгәанала, аԥсҭазаара шаҟа ганрацәала иҭуҵаауа аҟара, убриаҟара амҩа ҿыцқәа узаанартуеит, амчқәа уланаҵоит угәҭакы анагӡара азы.