Дырмит Иасыф-иԥа Гәлиа изааигәаӡаз ицнагаҩцәа ируаӡәкыз, аамҭаказы «Аԥсны ҟаԥшь» аредакторс иҟаз, уимоу усҟантәи аамҭа иашьашәалаз агазеҭ ахьӡ «Аԥсны» «ҟаԥшь» нацҵаны «Аԥсны ҟаԥшь» ахьӡызҵаз еицырдыруа аԥсуа шәҟәыҩҩы, ановеллист Миха Лакрба Дырмит Ду изикыз иажәеинраала ацәаҳәақәа аҭагылазаашьа аԥхьаҟатәи ҳԥеиԥш рызхәыцразы еснагь актуалра шрылоу иаанхоит.

Еицакра зқәым ахьӡ лаша

Февраль 21 рзы аҧсуа  литература ауасхыр азышьҭазҵаз, Аҧсны жәлар рпоет Дырмит Иасыф-иҧа Гәлиа диижьҭеи 150 шықәса аҵра амш азы ҳдоуҳатә культура аҿиараҿы акырӡа зҵазкуа аусмҩаԥгатәқәа еиҿкаан.

          Аԥсуа сахьаркыратә литература ашьаҭаркҩы, Аԥсны жәлар рпоет Дырмит Гәлиа диижьҭеи 150 шықәса аҵра иамоу ауаажәларратә ҵак ду аҳаҭыр азы, Аԥсны Ахада Аслан Бжьаниа Иусԥҟа инақәыршәаны Аԥсны 2024 шықәса Дырмит Иасыф-иԥа Гәлиа ишықәсны  ирылаҳәоуп. Ишдыру еиԥш, агазеҭ «Аԥсны» 105 ш. ахыҵрагьы азгәаҭахоит.

Ажьырныҳәамза 1, 2024 шықәса инаркны Аԥсны аусура зылшо аӡәы ихныҟәгаразы ахарџьқәа 11 072,4 мааҭ рҟынӡа инаӡеит, – адырра ҟанаҵоит Аԥсны астандарт азы Аҳәынҭқарратә еилакы.

Нхыҵ-Кавказ зыхьӡ нагоу акомпозиторцәа ируаӡәку, ­­­ М. И. ­­Глинка ихьӡ зху аҳәынҭқарратә премиа алаурет, Ҟарачы-Черқьесктәи Ареспублика агимн автор, еицырдыруа ашәаԥҵаҩы, акомпозитор Аслан Дауров имузеи аадыртит Черқьеск ақалақь аҟны.

Урыстәыла иҟоу Аҷыдалкаатә зинмчы змоу Аԥсны ацҳаражәҳәаҩ Алхас Кәыҵниа анаука-практикатә конференциа «Евромаидан: «Украина иацәыӡыз ажәашықәса» ихы алаирхәит.

Афедералтә ҳәынҭқарратә Усбарҭа «Урыстәылатәи аҳәаа аобиектқәа рыргылареи рхархәареи рзы Анапхгараҭара» (ФГКУ Росгранстрои) анапхгаҩы ихаҭыԥуаҩ Алеқсандр Ерохин аусбарҭа Шәачатәи аҿга аколлектив дырԥылеит.

Аҳәынҭқарра Ахада Аслан Бжьаниа иналукааша аҳәынҭқарратә усзуҩ, Аԥсны Аҩбатәи Ахада, Аԥсны Афырхаҵа, «Ахьӡ-Аԥша» аорден І аҩаӡара занашьоу Сергеи Уасил-иԥа Багаԥшь диижьҭеи 75 шықәса аҵра иазкны агәалашәаратә усмҩаԥгатәқәа реиҿкаареи рымҩаԥгареи рзы Аҳәынҭқарратә комиссиа аԥҵара азы Аусԥҟа инапы аҵаиҩит.

Жәабранмза 15 рзы «Аԥсны Спутник» апресс-центр аҟны акамереи аҭели рыла ииашаны авидео шҭыхтәу иазкны амастер-класс мҩаԥигеит амедиагәыԥ «Россия сегодня» аинформациатә технологиа азҟаза Игор Мазунин. Уаҟа рхы аладырхәит Аԥснытәи еиуеиԥшым амассатә информациатә хархәагақәа рҟынтәи ажурналистцәа, иара убасгьы Аԥснытәи аҳәынҭқарратә университет аҟны аҵара зҵо ажурналистцәа ҿарацәа.

1929 шықәса февраль жәибыжь рзы Аҟәа иаартын Аԥсуа профессионалтә драматә театр.Ари арыцхә хҭыс дуны иҟалеит аԥсуа доуҳатә культура аҿиара амҩан. Атеатр аԥсуа ҟәша аҟны иқәыргылан Ӡаӡ Дарсалиа идрама «Ажәытәра иагаз». Аспектакль ахәаԥшцәа даараӡа иргәаԥхеит.
Усҟантәи аамҭазы аҭагылазаашьа шмариамызгьы, атеатр агәыԥ еиднакылоз С. Бжьаниа, Е. Шакирбаи, И. Аӡынба, М. Бӷажәба, К. Гогиа уҳәа ирылдыршеит ахәаԥшцәа атеатртә ҟазара радԥхьалара.