«Акыр иаҳзаԥсоу ҳанацәа, ҳаҳәшьцәа!
Гәык-ԥсык ала ишәыдысныҳәалоит аҳәса Жәларбжьаратәи Рымш.

Акультуратә форум «Арт-курултаи» инақәыршәаны, С.Ҷанба ихьӡ зху Аԥсуа аҳәынҭқарратә драматә театр аиҳабы Алхас Ҷолокәуеи М.Гафури ихьӡ зху адрама Башкириатәи аҳәынҭқарратә академиатә театр аиҳабы Иршат Фаизуллини аусеицуразы аиқәшаҳаҭра рнапы аҵарҩит.
Аԥсуа театр аиҳабы иара убас атеатр-концерттә еиҿкаарақәа рнапхгаҩцәа ахьеиԥылоз дықәгылеит. «Арт-курултаи» – Урыстәылан есышықәса имҩаԥыргауа акультуратә форум дуқәа ируакуп. Есааира уи амҽхак арҭбаауеит. Ҳазну ашықәс азы акәзар, Урыстәыла арегионқәа рнаҩсангьы, афорум аусура рхы аладырхәит Аԥсни, Беларуси, Ҟазахсҭани, Узбеқисҭани, Китаии рхаҭарнакцәа.
Афорум апленартә еилатәара иалахәын Ареспублика Башкортосҭан Ахада Ради Хабиров (видеоеимадарала), Урыстәылатәи Афедерациа акультура аминистр Ольга Лиубимова, Башкортосҭан Аԥыза-министр Андреи Назаров.

Атәыла Аԥыза-министр Алеқсандр Анқәаб Аҟәатәи ашколқәа рырҵаҩцәа гәыԥҩыки Жәлар Реизара-Апарламент адепутат Наур Нарманиеи идикылеит.
Урҭ Аԥыза-министр жәабранмза 8, 2024 шықәсазы Аԥсны аҵара Аминистрра иҭнажьыз Адҵа­ № ­21 ина­маданы Аԥсны арҵаҩратә еилазаара, абжьаратә школқәа рырҵаҩцәа, Аԥснытәи аҳәынҭқарратә университет арҵаҩцәагьы уахь иналаҵаны, еицҿакны рзанааҭтә гәаанагара ахьаадырԥшыз аҳәамҭа ирҭеит.
Иарбоу Адҵа ала, аҵара Аминистрра «амаҭәар «Аматематика: алгебреи агеометриеи 9-тәи акласс аҿы», иара убас амаҭәар «Аматематика: алгебреи анализ алагареи, агеометриа 11-тәи акласс аҿы» ала иҩны аԥышәара аҭаразы» Аԥҟара шьақәнарӷәӷәеит. Арҵаҩратә еилазаара аҳәамҭаҿы урҭ ас еиԥш аӡбамҭа рақәшаҳаҭымра Аминистрра аҟынтәи зҭак рмоуз азҵаарақәа жәпакы ишрыдҳәалоу арбоуп. Ахәҭакахьала, аматематика арҵаҩцәа, аметодистцәа аҩратә ԥышәарақәа рымҩаԥгареи аҵаҩцәа рдырра ахәшьара аҭареи аԥҟарақәа ас еиԥш шьҭанкыла аиҭакра ралагалара хықәкыс иамоу азы азҵаара ықәдыргылоит. Аспециалистцәа ргәаанагарала, ас еиԥш аҿыцрақәа ралагалара иаамҭаӡам, избан акәзар, уи ихадоу ашколтә ԥышәарақәа рымҩаԥгара аҟынӡа хы­мз-заҵәык шыбжьоу имҩаԥысит, урҭ аметодистцәа, дара арҵаҩцәагьы алархәны рылацәажәара мҩаԥгамызт, аесперименттә ҭҵаарақәа раҳасабала агәаҭарақәа (апробациақәа) мҩаԥгамызт, иҟаҵамызт иарбоу аексперимент аихшьалақәа.
Арҵаҩцәеи аметодистцәеи ишазгәарҭо ала, аҵара Аминистрра иарбоу Адҵа аҭыжьраан аспециалистцәа изныкымкәа еиуеиԥшым аформатқәа рыла, аҵарадырреи, анаукеи, абызшәатә политикеи рзы Апарламенттә еилакы аилатәараҿы уахь иналаҵаны, иаадырԥшуаз рзеиԥш позициа иазхьамԥшӡеит.
Аҳәамҭа иарбоу ашьақәырӷәӷәагақәа шьаҭас иҟаҵаны, ареспублика арегионқәа зегьы рхаҭарнакра назыгӡо аматематика арҵаҩцәа, атәыла анапхгара ахь иарбоу Аминистрра Адҵа аԥыхра алыршаразы аҳәара ҟарҵоит.
Аиԥылара аихшьалақәа ҟаҵо, Аԥыза-министр Алеқсандр Анқәаб атәыла Анапхгара ишьақәгылаз аҭагылазаашьа ҭҵааны, излауа ала хара имгакәа аҭак шыҟанаҵо азы аҳәамҭа ҟаиҵеит.

Аԥсны абылтәы џьармыкьа алахәылацәа зегьы рзы еиҟароу аҭагылазаашьақәа раԥҵареи ареспубликаҿы абылтәы азымхара аԥхьырҟәҟәаареи хықәкыс иҟаҵаны, Аминистрцәа Реилазаараҿы «Ареспублика абылтәы џьармыкьа аҭышәынтәаларазы аамҭалатәи ауснагӡатәқәа рзы» Ақәҵара рыдыркылеит.

Аиашьа дыӷәӷәоуп аиашьа ила, ҳаргьы иахьа ҳ-Аԥсны хәыҷы иахалашо амра, иҳамоу аҭынчра зынагӡахомызт аҳәынҭқарра дуӡӡа Урыстәыла ажәҩа ҳаҵанамкызҭгьы.

Март 12 рзы Аҧсны Аминистрцәа Реилазаара ахыбраҿы имҩаҧган Урыстәыла Ахадас Владимир Владимир-иҧа Путин иалхра аламҭалазтәи Аҧснытәи аҿар рфорум. Уахь инаҧхьан Аҧсны Ахада Аслан Бжьаниа, уи ихаҭыҧуаҩ Бадра Гәынба, Аҧыза-министр Алеқсандр Анқәаб, Аҧсны Жәлар Реизара Аиҳабы Лаша Ашәба, Аҧсны иҟоу Урыстәыла ацҳаражәҳәаҩ Михаил Шургалин, аминистрцәа, аҵарауаа, астудентцәа, аҿар.

Абаҩхатәра злоу аестрадатә шәаҳәаҩы Џьими Шәманиа ирҿиара бзиа избо, инаигӡо ашәақәа згәаԥхо, ҷыдала ихьӡ гәцаразкуа азыӡырҩцәеи ахәаԥшцәеи маҷҩым.

Март 13, 1904 ш. рзы диит аханатә аахыс ҕәҕәалаӡа аҧсуа поезиа аҭоурых зыхьӡ ҧшьа адҳәалоу, ҳмилаҭтә сахьажәаҟны аеҵәа еиҧш даацәырҵны имҩасыз Иуа Абас-иҧа Коҕониа.

Уажәгьы уашьҭангьы ажәлар рҿы кашәара ақәым апоет Иуа Коҕониа ихьӡ. Ииашахеит иара иажәақәа, «аҳы, сышәҟәы, уҧырла, тәамҩахә умамкәа уцала!..» ҳәа ииҳәаз. Иуа иаҳзынижьыз аҩымҭақәа – ахақәиҭразы зеиҕьаҭам ашәақәа, алирикатә жәеинраала ссирқәа, аепикатә жәабжь дуқәа бызшәа ҧшӡала еиқәыршәаны – арҭ зегьы «тәамҩахә рымам», шьахәла аус руеит иахьагьы.

Ш. Инал-иҧа

«Ақырҭуа ҳәа атәылауаҩшәҟәы сымоуп, аха гәыла-ҧсыла саҧсыуоуп. Сашьцәа сшәывагыланы аҕацәа срабашьуеит». Арҭ ажәақәа итәуп Аҧсны Афырхаҵа, ҩажәи жәохә шықәса дшырҭагылаз аибашьра адәаҿы зыҧсҭазаара ҿахҵәаз, Чанта ҳәа ахьыӡшьара змаз, Заур Мамиа-иҧа Ҷантуриа.

Март жәеиза рзы Гәдоуҭа, араион Акультуратә хан аҟны имҩаҧысит абаҩхатәра ҟаимаҭ злаз апоет, Д. И. Гәлиа ихьӡ зху Аҳәынҭқарратә премиа алауреат, Аҧсны Аџьынџьтәылатә еибашьраан, 1992 ш. октиабр жәба рзы хабарда ибжьаӡыз Таиф Аџьба диижьҭеи 85 ш. аҵра иазкыз аиубилеитә хәылҧазы.