Ҟарачы-Черқьестәи Ареспублика ашҟа иусуратә ныҟәара инақәыршәаны, сентиабр 9 азы Аслан Бжьаниа дырҧылеит ауаажәларра, Аҧсны жәлар Рџьынџьтәылатә еибашьраан хатәгәаҧхарала аибашьцәа-аветеранцәа, иҭахаз рҭаацәарақәа.

"Сгәы иҭеижьҭеи акрааҵуан шәара шәышҟа аара, аха апандемиа иахҟьаны апланқәа зегьы рыҧсахра сықәшәеит. Иахьа абра сыҟоуп, исныруеит дарбанзаалак игәеисыбжь, сазхиоуп шәзыӡырҩра, шәгәы иҵхо азҵаарақәа рҭак аҟаҵара", – иҳәеит аҳәынҭқарра Ахада.

Сентиабр 9 азы Аслан  Бжьаниеи  Аҧснытәи  аделегациеи аҭааит Ҟарачы-Черқьестәи  Ареспублика аул Ҳабез аҟны  иҟоу Леон иорден  занашьоу Мусса Дауров  инышәынҭра, – иаанацҳауеит Аҧсны Ахада ипресс-маҵзура.

Административтә ҳәааҿы Аҧснытәи аделегациа дырҧылеит Ҟабарда-Балкартәи Ареспублика Аиҳабыра рхантәаҩы ихаҭыҧуаҩ Муаед Кунижев.

Сентиабр 8 азы Аҳәынҭқарра Ахадеи Аҧснытәи аделегациа иалоуи  ашәҭқәа шьҭарҵеит Аҧсны ахақәиҭреи ахьыҧшымреи зхы рықәызҵаз  Ҟарачы-Черқьестәыла аҟнытәи хатәгәаҧхарала аибашьцәа  рбаҟаҿы.

Ҟарачы-Черқьестәи Ареспубликахь иныҟәара аан Аҧсны Ахада Аслан Бжьаниа диҧылеит Адунеизегьтәи аҧсуа-абаза конгресс Иреиҳаӡоу ахеилак ахантәаҩы Мусса Екзеков, – иаанацҳауеит Аҧсны Ахада ипресс-маҵзура.

Ҳаҭыр зқәу Рашид Бориспи-иҧа, ҳҭыр зқәу ара иҟоу, Шәареи Ҟарачы-Черқьестәыла милҭрацәла еилоу ажәлари ишәыдсныҳәалоит шәреспублика 100 шықәса ахыҵра. Агәахәара снаҭоит шәыгәҭа  сахьыҟоу. 1922  шықәса ианвар 12 ашьха ҧагьақәа, ицқьоу, икеикеиуа аӡиасқәа, аӡҭачқәа, ихәышәтәыгоу аӡырҧхақәа  рыла ибеиоу Нхыҵ-Кавказ арегион ҧшӡақәа руак алахьынҵаҿы акырӡа зҵазкуа рыцхәуп.

Урыстәыла Аҧсны аҟны анапы аҵанаҩуеит ҩынтәны атәылауаҩра азҵаарақәа рҭышәныртәаларазы аиқәшаҳаҭра. Изыхәҭоу адҵа шьақәирҕәҕәеит Урыстәылатәи Афедерациа Апрезидент Владимир Путин. Уи кьыҧхьын ахәашаҽны азинтә информациа аофициалтә портал аҟны, – иаанацҳауеит ТАСС.

Аҧсны Ахада Аслан Бжьаниа Черқьеск диҧылеит Ҟарачы-Черқьестәи Ареспублика Ахада Рашид Темрезов, – иаанацҳауеит Аҧсны Ахада ипресс-маҵзура. Аҧсны Ахада дидныҳәалауа, Рашид Темрезов иаҵишьит Аҧсни Ҟарачы-Черқьестәи Ареспубликеи рыбжьара аешьаратә еимадарақәа рырҿиареи рырҕәҕәареи акырӡа шрыҵаркуа. "Сара сзы ҳаҭыр дууп ҳреспублика еиҿыркааижьҭеи 100 шықәса аҵра аныҳәаҿы шәбара. Ари ҳамҭа дууп - абас еиҧш иҟоу аныҳәаҿы ҳашьцәа аҧсуаа рбара. Иҭабуп, абри аҽны шәахьҳалагылоу азы", – иҳәеит Ҟарачы-Черқьестәи Ареспублика Ахада.

2022 шықәса сентиабр азы акиностудиа "Ленфильм" Аҧсны аҭыхра иалагоит адунеи зегьы аҟны араса ахә анышьҭыҵ ашьҭахь, "араса чымазара" ацәырҵра атәы иазку афильм "Аҵыхәтәантәи ахә". Астудиа аиҳабы Фиодор Шьчербаков абри атәы иҳәеит ТАСС аҟны.

"Апроект "Аҵыхәтәантәи ахә" анагӡара ҳаҿуп. Инықәырҧшшәа уи "араса чымазара" ҳәа ахьӡаҳҵап. Аҭыхрақәа мҩаҧысуеит Аҧсны, иагьрылагоит сентиабр 15 азы", – иҳәеит Шьчербаков.

Аҧсны Ахада Аслан Бжьаниа сентиабр қ инаркны 12 азынӡа дырҭаауеит Урыстәылатәи Афедерациа Ҟарачы-Черқьестәи Ареспубликеи, Ҟабарда-Балкартәи Ареспубликеи, Ареспублика Адыгеиеи, – иаанацҳауеит Ахада ипресс-маҵзура.

Ҟарачы-Черқьестәи Ареспубликеи, Ҟабарда-Балкартәи Ареспубликеи, Ареспублика Адыгеиеи рхадацәа рнаҧхьарала Аслан Бжьаниа ихы рылаирхуеит Адыгеиа анеиҿыркааз аахыс 100 шықәса аҵра иазку агәырҕьарақәа, иара убас ареспублика ахада имаҵура иахагылара.