Аԥсныпресс. Аҟәа араионтә Еизара адепутатцәа араион аофициалтә герб шьақәды­рӷәӷәеит. Агерб автор – аилатәара ахь ааԥхьара зырҭаз асахьа­ҭыхыҩ Баҭал Џьопуа.

Зҭакԥхықәра ҳәаақәҵоу аилазаара «Аԥсны аҩқәеи аӡқәеи» иҭнажьуа хә-хкык аҩқәа Жәларбжьаратәи аконкурс аҿы ахьтәы медалқәа ранашьахеит. 

Аушьҭрагәаҭаратә ҭыԥ аҟны амашьына агәаҭараан ирыԥшааит, иагьрымырхит аполиетилентә еилаҳәарақәа. Урҭ иргәылан аххыраԥшра змоу амаҭәашьарқәа. Иара убас ирыԥшааит 4 ҭрак ирҭаз (40 цыра) «нейронтин» ҳәа изышьҭоу ахәшә. Атәыла аҩнуҵҟатәи аусқәа Рминистрра аексперт-криминалтә центр адырранҵала, ирымхыз, зыкапан – 0,617 гр. рҟынӡа инаӡо амаҭәашьар «героин» ҳәа изышьҭоу наркотикатә хархәагоуп. 4 ҭрак ирҭаз «нейронтин» ҳәа изышьҭоу, зеилазаараҿы аиҳарак «габапентин» ала ишьақәгылоу ахәшә ауп.  Иарбоу афакт ала ашьаусеилыргара хацыркхоит, уи азы иҵегь адырраҭара ҟаҵахоит ҳәа иаанацҳауеит Аԥсны Аҳәынҭқарратә ҳазалхратә еилакы аофициалтә саит.   

Ҟабарда-Балкариа, Нальчик ақалақь аҿы иҭыҵуа алитература-сахьаркыратәи ауаажәларра-политикатәи журнал «Литературная Кабардино-Балкария» адаҟьақәа ирны­леит аԥсуа поет, апрозаик Анатоли Лагәлаа иажәабжьқәа «Ануаа-рхәы», «Аԥсадгьыл акоуп». Арҭ ажәабжьқәа 1992-1993 шш. Аԥсны жәлар Рџьынџьтәылатә еибашьра атема иазкуп.   Ажәабжьқәа еиҭеигеит ажурналист, ашәҟәыҩҩ, агазеҭ «Эхо Абхазии» аредактор хада Витали Шариа.

Август мза 14 азы ақырҭуа фашистцәа рыр  Аҧсны ианалала раҧхьа ахымца иадыргаз аҧсуа қыҭақәа  ируакуп Тамшь ақыҭа.

Абри ақыҭаҿы ауп дахьиз, ақырҭуа ар рмагәшьхәа иадыргаанӡа дахьынхоз аҧсуа шәҟәыҩ­ҩцәа абыргцәа рабиҧара иаҵанакуа Нури Бараҭелиа. Уи иблала ибеит аибашьра раҧхьатәи амшқәа инадыркны аҧсуа жәлари егьырҭ иақырҭуам амилаҭқәа рхаҭарнакцәеи ргәырҽанӡамкәа изыниаз арыцҳара. Ирхырго агәаҟрақәеи  азалымдарақәеи иахьагьы ибла иабоит… Убри азоуп ари абырг ааигәа иаҳзааишьҭыз иҩымҭақәа рҿы игәыҭшьаагоу ахҭысқәа дызрылацәажәо.

Ишаҳдыруа еиҧш, Аҧсны ахыи-аҵыхәеи, уи анҭыҵи  иззымдыруа, измаҳац дыҟам, Едуард Бебиа ихьӡ зху Аҧсны аҳәынҭқарратә акәашаратә ансамбль «Шьараҭын» аӡбахә. Аха аҧсуа ажәаҧҟаҿы ишаҳәо еиҧш: «Ажәа ахы умҳәакәа, аҵыхәа узҳәом». Убас, ансамбль аҭоурых сагәылалаанӡа, иааркьаҿны иазгәасҭарц сҭахуп, уи аиҿкаара шыҟалаз.

Амҩаҿы аныҟәара ашәар­ҭадара, аиҳарак аԥсҭбарақәеи ааха ӷәӷәақәа риуреи зцу амҩатә машәыртә хҭысқәа рхыԥхьаӡара армаҷра аҩнуҵҟатәи аусқәа Рминистрра аусураҿы ихадоу ахырхарҭақәа иреиуоуп. Убри аҟнытә, ҷыдала ахылаԥшра аҭоуп. Аҳәынҭқарратә автоинспекциа ақалақьтә араионтәи аҟәшақәа рнапхгаҩцәеи аинспекторцәеи алархәны имҩаԥигаз аилатәараҿы абри атәы азгәеиҭеит аҩнуҵҟатәи аусқәа рминистр ихаҭыԥуаҩ Беслан Ҷкадуа.

Аԥсны ажурналистцәа Реидгыла аконкурс «Аибашьра идырым ахҭысқәа» 2023 шықәсазы иацҵахоит. Ас еиԥш аӡбамҭа рыдыркылеит аԥшьаша, хәажәкырамза 30 рзы имҩаԥысыз ажурналистцәа Реидгыла апрезидиум аилатәара иалахәыз. Ари 2022 шықәсазы имҩаԥысуаз аконкурс иацҵахоит ҳәа ауп иаанаго. Уи Аԥсны жәлар рџьынџьтәылатәи еибашьраҿы Аиааира 30 шықәса ахыҵра иазкхоит.

2022 шықәсазы имҩаԥгаз аусура аихшьалақәа рыҟаҵара иазкын хәажәкырамза  28 рзы имҩаԥысыз Аԥсны аҭҵаара­дыррақәа Ракадемиа азеиԥш усуратә еизара.

86 шықәса дшырҭагылаз лыԥсҭазаара далҵит Аџьа Абираҟ Ҟаԥшь аорден, «Ахьӡ-Аԥша» аорден II аҩаӡара занашьоу, Аԥснытәи АССР ахәаахәҭра аминистрс, АССР Иреиҳаӡоу асовет адепутатс, 1993-2005 шықәсқәа рзы Аԥсны афинансқәа рминистрс аус зуаз Бганба Лили Дыгәыжь-иԥҳа.