Урыстәыла Апрезидент Владимир Путин инапы аҵаиҩит 2022-2025 шықәсқәа рзы Аԥсны асоциал-економикатә рҿиара Аҳәынҭпрограмма анагӡаразы Аиқәыша­­ҳаҭра, – иаанацҳауеит РИА Новости.

Изыхәҭоу адокумент кьыԥхьуп азинтә информациа аофициалтә интернет-портал аҟны.

Игор Адлеиба техникатә нокаутла диааит Екатеринбург имҩаԥысуа апрофессионалтә бокс атурнир аиԥылараҿы Сардор Музаффаров.

Аринг аҟны еиԥылеит аԥсуа боксиор Игор Адлеибеи Узбеқисҭанынтәи Сардор Музаффарови.  Урҭ 66,7 кг зкапануа рыҩнуҵҟа аа-рауднк мҩаԥыргараны иҟан. Аха аԥхьаҵәҟьа иубартә иҟан Игор иандаҭлоз иаасҭа акыр дшеиӷьыз.

Адунеизегьтәи аҧсуа-абаза Конгресс 30 шықәса ахыҵра азгәаҭареи Аконгресс XIII аизҳара ду амҩа­ҧысреи рҳәаақәа ирҭагӡаны уи раҧхьатәи ахадас иамаз Аҧсни Урыстәылеи руаажәларра-политикатә усзуҩы, аиуристтә ҭҵаарадыррақәа рдоктор, академик Тарас Мирон-иҧа Шамба игәалашәара анаунагӡатәразы Аҟәа иаартын ибаҟа.

Аԥсны Ахада Аслан Бжьаниа идикылеит акционертә еилазаара «Газпром промгаз». Аҳәынҭқарра Ахада идырбеит Аԥсны газла аиқәыршәара асхема хада апроект.

Аԥсны Ахада Аслан Бжьаниа диԥылеит Архангельсктәи аобласт агубернатор актәи ихаҭыԥуаҩ – агубернатор Иусбарҭеи Аиҳабыреи рнапхгаҩы Ваге Петросиан.

Асас дидныҳәалауа, аҳәынҭқарра Ахада иазгәеиҭеит Аԥсны анапхгара аҵак ду шрырҭауа Урыстәылатәи Афедерациа асубиектқәа рҟны аизыҟазаашьақәа.

Аԥсны Ахада Аслан Бжьаниа аҳәынҭқарратәи ауаажәларратәи усзуҩ Сократ Џьынџьал инапаҿы ииркит «Ахьӡ-Аԥша» аорден I аҩаӡара. Уи иреиҳаӡоу аҳәынҭқарратә ҳамҭа ианашьоуп Аԥсны амилаҭ-хақәиҭратә қәԥареи Аԥсуа ҳәынҭқарра ашьақәгылареи рҟны илагаламҭа ду азы.