Аԥсны Ахада Аслан Бжьаниа инеиҵыхыз аилацәажәара мҩаԥигеит Аиҳабыра иалоу, араионқәа рхадарақәа реиҳабацәа, Жәлар Реизара адепутатцәа, алархәны – иаанацҳауеит Аҳәынҭқарра Ахада ипресс-маҵзура.
Аиԥылара аартуа, атәыла Ахада иаликааит 2024 шықәсазы амчра амахәҭақәа зегьы русура ахырхарҭа хадақәа. Урҭ еиқәышәшәа русура иахьыԥшуп Аԥсны атәылауаа рыԥсҭазаара аҩаӡара ахаҭабзиара.

Аԥсны Аҳәынҭқарра аамҭала акультура аминистр инапынҵақәа назыгӡо Динара Смыр Аԥсны жәлар рартист Сергеи Семион-иԥа Габниа ииубилеи идылныҳәалеит:

2023 шықәса декабр 16 азы Урыстәыла Аиҳабыра ақәҵара ҭрыжьит. Уи инақәыршәаны аилахәыра «Роснефт» заҵәык азин аҭан Аԥсныҟа анефт аалыҵқәа раашьҭра.
Февраль азынӡа цәынха-мынхақәак абылтәы змоу «Подорожники» «Роснефт-Аԥсни» аалхны, Аԥсны абылтәыҭаҭәарҭақәа рҟны абылтәы аҭира аанкылоуп ианвар 1 инаркны, – арадио Спутник иеиҭаз аинтервиу аҟны абас иҳәеит Аԥсны Абылтәы ассоциациа апрезидент Артур Ашәба.
Уи иажәақәа рыла, Аԥснытәи аилахәырақәа рбылтәыҭаҭәарҭақәа рҟны аҭагылазаашьа лахьеиқәҵагоуп, избанзар иҟаз амаҷ-саҷ нҵәеит, аҿыцқәа раагара залыршахаӡом Урыстәыла Аиҳабыра иҟарҵаз ақәҵарала.

Ацәыргақәҵарҭатә зал хада ахыбраҿы абылра иацәынхаз аҭыхымҭақәа еилдыргоит Урыстәылатәи Афедерациа акультура аминистр Ольга Лиубимова лнапынҵала Урыстәылантәи иааз аиҭашьақәыргылаҩцәа ргәыԥ.
Аделегациа напхгара алҭоит Урыстәыла акультура Аминистрра амузеиқәеи адәныҟатәи аимадарақәеи Рдепартамент аиҳабы ихаҭыԥуаҩ Наталиа Чечель.

Аԥсны Ахада Аслан Бжьаниа Гәдоуҭа араион актив дыдирдырит араион Ахада инапынҵақәа рынагӡаҩыс иҟаҵоу Рауль Лолуа.
Аибардырра рхы аладырхәт Аԥсны Ахада ихаҭыԥуаҩ Бадра Гәынба, Ахада Иусбарҭа Аиҳабы Абесалом Кәарҷиа.

Аԥсны Ахада Аслан ­Бжьа­ниа ианвар 22 азы аилацәажәара мҩаԥигеит Аиҳабыра иалоуи азинхьчаратә усбарҭақәа рнапхгаҩцәеи алархәны. Амш аусхәаԥштә аҟны иқәгылан Аҟәа, Ацәыргақәҵарҭатә зал хада ахыбраҿы ааигәа иҟалаз амцакра инамаданы хра злаз азҵаарақәа, иара убас абылтәи аенергетикеи рганахьала аҳәынҭқарраҿы ишьақәгылаз аҭагылазаашьа.