Аҧсны Аџьынџьтәылатә еи­башьра аветеран Ерқан Қәҭарба диит Ҭырқәтәылан, Диузџье ақалақь аҟны. Иаб Бурҳан иҭаацәараҿы ирызҳауан хҩык ахшара: аиҳабы Ерҳан, агәыбжьанытә Ерқан, аиҵбы – раҳәшьазаҵә Зуҳаль.

Ерқан Диузџье ашкол данал­га аргыларатә институт дҭалоит. Даныҩеидас нахыс идыруан хылҵшьҭрала дшаҧсуоу, иабдуцәа Аҧснынтә Ҭырқәтәылаҟа ишах­газ. Уи аҭоурых еиҳагьы еили­каауан акультуратә хеидкылахь аныҟәара даналага инаркны.

Астудентцәа рыҧсҭазаара иалагылаз, урҭ рыгәҭыха зыгәҭыхаз, ргәырҩа рыцеиҩызшоз, ргәырҕьара ирыцалагылаз, Владимир Платон-иҧа Анқәаб дыҟазҭгьы 95 шықәса ихыҵуан. Заҧсуара зегьы раҧхьа изыргылоз, иуаҩ иашаз, абаҩхатәра ду аҧсабара иланаҵаз иҽылаҳәан, иҽаҭан, алитерату­ра амҩа ҭбаа ду ахь дкылнагеит. ААУ аҭыӡқәа рҿы ҭабара зқәымыз арҿиаратә кружок адацқәа еса­аира иҕәҕәахон, аҽеиҵнахуан. Зыбла ҷыц еиҧш уи зыхьчоз, иҵәатәы шьаҟаны иаҵагылаз, Аҧсны анҭыҵгьы ирдыруаз апоет Владимир Анқәаб, еснагь астудентцәа рыгәҭа дгылан. Уи иажәа иазыӡырҩуаз, иацныцҟәоз астудентцәа рацәаҩын. Иламыс, иҵарадырра, ицқьара, ипатриотизм, акаҭа еиҧш истудентцәа ирыкәшон, еилыркаауан, иацныҟәон.

Ақырҭуа-аҧсуа еибашьра еилгеижьҭеи 30 шықәса ҳрықәуп, аха иахьанӡагьы ирацәаҩуп зыхьӡ, зџьабаақәа ҳзымдыруа афырхацәа. Ҳәара аҭахым, хьыӡрацара ҳәа акәмызт ҳҵеицәа аҕа ишиҿагылоз, аха хымҧада иаҭахуп доусы иџьабаа, ихамеигӡара аҭҵаара, алацәажәара. Насгьы иааиуа абиҧарақәа рымадара.

Леон иорден занашьоу аибашьра аветеран Иамзи Қапба ҳаиҿцәажәара хацыркуа иазгәалҭеит, абџьар шьҭыхны еибашьра ацара , агәаҕьра лылшоит ҳәа ахааназгьы лгәы ишаанамгоз. «Абомба тҟәацыбжьқәеи ахысыбжьқәеи ансаҳауаз зегь раҧхьа ахыхьчарҭа аҧшаара иашьҭалоз сара сакәын. Сашьцәа ҩыџьа: Езаабеии Нырбеии еибашьуан, ахҧатәи сашьа – Руслан дхәыҷын, аҩны дыҟан. Аибашьраан, Езаабеи Гәымсҭатәи афронт ахь дагеит, уа деибашьуан. Уи аибашьра еилгаанӡагьы ихатә ҩызеи иареи рбашьа ҳмоуит, рыхшара – Аслани Беслани аибашьра цонаҵы Арасаӡыхь, рандуи рабдуи рҟны иҟан рҭаацәеи дареи еиҟәганы.

Ицоит иқәҳа аанҿасра змам аамҭа. Ашықәсқәа неиуеит еиҧхеибаҵа. Ари адгьыл аҿы, досу ицуп иара еиҳа изааигәоу ахаҿса­хьақәа, ҵҩа змаӡам агәалашәарақәа. Дасу илигаз амҩа – иара ихатәуп. Ари амҩаҿы иара изы ихада­роу: илшаз, илымшаз, хықәкыс имаз…

Аҧсҭазаараҿы ауаҩы дҭахкаам. Дзықәгылоу адгьыл иара изгәакьоуп, анык леиҧш уи иҵгәоит, иҧхьоит ҧхьаҟа. Уи дрымадоуп иааикәыр­шаны иҟоу, ҧсы зхоу зегьы.

Мшаҧымза 12 рзы асасааирҭа «Интер-Сухум» аҟны имҩаҧысит Иҧшьоу Мшаҧы аламҭалазтәи «Ахаақәа рџьармыкьа» захьӡыз ацәыргақәҵа. Ахәаахәҭратә-ааглыхратә палата аӡыргаратә усбарҭа аспециалист Валериа Ӡкәуа излаҳалҳәаз ала,иара раҧхьаӡакәны еиҿкаан 2013 шықәсазы конкурс ҳасабла,аха анаҩс аџьармыкьахь ииаган. Аамҭак азы апандемиатә коронавирустә чымазара иахҟьаны иаанкылан ари аџьармыкьа аиҿкаара,аха уи анаҧыхха иацҵан урҭ русура. Ас еиҧш аусмҩаҧгатә аиҿкаара рабзоуроуп Аҧснытәи Ахәаахәҭра-ааглыхратә палата.

Ҳаҧсадгьыл Аҧсны аҭоурых иагәыҵаҵәаху, иҳәам, ицәыргам, иаартым ахҭысқәеи арыцхәқәеи рацәаӡоуп. С. Дбар ихьӡ зху Аҧсны жәлар Рџьын­џьтәылатә еибашьра Аҳәынҭ­қарратә музеи ацәыргақәҵатә зал аҟны иаартын «Ажәытә аҧсуаа аҳцәа Ачаа рхылҵ­шьҭрақәа рфотасахьақәа рцәыргақәҵа» зыхьӡыз. Ацәыр­га­қәҵаҿы 125 патреҭ ыҟоуп. Аҧсны ахы-аҵыхәа иахьы­ҟазаалак еидкылан.Аинформациеи апатреҭқәеи еизыргеит Ачба Лиа Енвер-иҧҳаи, Ачба Алинеи. 2014 шықәсазы Аҟәа, Ацәыргақәҵатә зал хада аҟны иӡырган.

Август 14 рыцхә еиқәаҵәаны наӡаӡа ианхалоит аҧсуа жәлар рҭоурых. Зхы ҩышьҭхны, зыбҕа ааиҵыхны зҿахәы зҳәарц зхатә ус зхала изыӡбырц инақәызкыз аҧсуа жәлар ргәы рҽанӡамкәа, иагьазыҟаҵамкәа дрықәлеит аҕа хәымга. Еимгеимцарак иалагӡаны, ахаҵа гәы зызҭаз, аҧсуа шьа злаз шәага-зага змаӡам аламыс змаз зегьы аӡәк иеиҧш рхы дырхеит Аҟәаҟа аҕа хәымга иаанкылараз.

Мышқәак рышьҭахь урҭ ирывагылеит ҳашьцәа – нхыҵи-аахыҵи рҟынтәи.

30 шықәса зхыҵуа асалам шәҟәы. Иҩеижьхахьоу ақьаад рыҧсы иаҵаҵәахын. Уи аҭоурыхи аҧсадгьыл абзиабареи рахь ухьанарҧшуеит, уархәыцуеит, аҧсҭазаара уагәыланахалоит.

Аҭаацәара зегьы зыхгәыр-ҕьаауаз, уахи-ҽни зымҩа иазыҧшыз, згәалаҟара еснагь ибзиаз, ашкол аҿы иҿырҧшыгаз, абҵара 28, 1969 шықәсазы Омск ақалақь аҟны ииз, Ашәба Рауль Владимир-иҧа Аҧсны Аџьынџьтәылатә еибашьра ианалага аҧхьатәи амш инаркны иҩызцәа рыгәҭа  днагылеит.

Ашәба Владимири Евгениеи хҩык ахшара рыхшеит: Наталиа, Рауль, Анжела. Урҭ Омск инхон. Уаҟа  Наталиеи Раули иит, ашьҭахь Аҧсныҟа ихынҳәит. Араҟа  аиҵбӡа Анжела диит.

Апоет, аҵарауаҩ, афилологиатә ҭҵаарадыррақәа ркандидат, адоцент Владимир Платон-иҧа Анқәаб диижьҭеи 95 шықәса аҵра иазкны Аҧснытәи аҳәынҭқарратә университет аҟны имҩаҧысит Жәларбжьаратәи аҭҵаарадырра - практикатә конференциа. Ахатәы бызшәеи, алитературеи, афольклори рҭагылазаашьеи рҧеиҧши ирызкын «Иахьатәи аамҭеи аҧеиҧши» ҳәа хьӡыс измаз аконференциа.

Март 23 рзы Аҟәа иазгәаҭан Аԥсадгьыл ахь архынҳәразы Аԥсны аҳәынҭқарратә еилакы аԥҵоижьҭеи  30 шықәса аҵра.

Ари аҽны Аԥсадгьыл ахь архынҳәразы аҳәынҭқарратә еилакы анапхгареи аусзуҩцәеи, иара убас Ҭырқәтәыла, Иорданиа, Ливан, Нхыҵ-Кавказтәи ареспубликақәа уҳәа рҟнытә иааз асасцәеи ақалақь ауаажәларреи еицны Ешыра ақыҭан иҟоу Аԥсны Раԥхьатәи Ахада имемориали Аҟәа, Ахьӡ-Аԥша апарки рҟны, насгьы Амҳаџьыраа рыԥшаҳәаҿы игылоу Кавказтәи аибашьра иалаӡыз рбаҟаҿы ашәҭ шьыҵә­рақәа шьҭарҵеит.

«Уажәшьҭан санаауа Аҟәаҟа шәызгоит иҳәан, иҿынеихеит. Сыбла дхыҧшылаӡомызт, ажәылара дцараны дыҟан, аха уи ашәарҭара аҵаӡам ҳәа агәра сиргон», – абас лажәа хацлыркит Аџьынџьтәылатә еибашьра марттәи ажәылараан иҭахаз, абаҩхатәра ҳаракы злаз, атеатр ҧсыс изхаз, гәыла-ҧсыла амаҵ азызуаз Руслан Лагәлаа иҧшәмаҧҳәыс Наира Сабекиа-ҧҳа.

Усҟантәи аамҭазы Руслан идыруан дахьцоз ажәылара аҟынтәи дыхнымҳәыр шалшоз. Наира лакәзар, ацәа­лашәара лоуит ари реиҧылара шҵыхәтәантәихоз азы. «Ажәа ҧшӡақәа рҳәара мариоуп, аха, аҧсҭазаараҿы ус иҟам, дандәықәлаҵәҟьа умцан уршьуеит ҳәа сааҕьаҵәыҕьаҵәит. Иара, шықәсыкгьы зхымҵыцыз ҳаҷкәын хәыҷы даашьҭихын, сара сыршьыргьы, абри иаҧхьаҟа иҧсҭазаара бзиахоит иҳәан дындәылҵит дымхьаҧшкәа», – лҳәеит Наира лылаҕырӡ хаҟәҟәало.