Маи 17 рзы акультуратә платформа "Гәыма" аҟны имҩаԥысит абугенвелиақәа рфестиваль.
Абугенвелиа ари шәҭы хкуп,ааԥын инаркны аӡынынӡа ишәҭуеит. Иара аҳҭны қалақь аҟны ана-ара иуԥылоит аҩнқәа рзааигәара.
Абар уажәшьҭа фы-шықәса ҵуеит Ольга Пракопова ашәҭ ааӡара лнапы алакуижьҭеи, уи ааӡараҿы длыцхраауеит лыԥшәма. Лара азҿлымҳара алҭоит еиҳараӡак ауадаҿ ирааӡо ашәҭқәа, лымкаала абугенвелиақәа дрызнеиуеит.
Ԥшшәы рацәала зыԥшӡара ухнахуа абугенвелиақәа рыбла хыркуан аҭааҩцәа. Ааӡаҩ Ольга лажәақәа рыла,ари раԥхьаӡатәи фестивальуп, абугенвелиақәа ирызкны. Афестиваль мҩаҧысуеит хымш. Актәи амш аартреи ахәаахәҭреи ирызкуп, аҩбатәи амш, абугенвелиақәа шааӡалатәу,аус шрыдулатәу азы асааҭқәа мҩаԥыргоит, ахԥатәи амш ахәаахәҭра,анаҩс ихыркәшахоит.

Маи 17 рзы Аԥсны Аҳәынҭқарра Ахада Иусбарҭа аҟны имҩаԥысит Аԥсны Ахада Аслан Бжьаниа Иусԥҟала «Ахьӡ-Аԥша»   аорден I, II,  III- аҩаӡарақәа занаишьахьаз рнапаҿы рыҭара. Урҭ зынӡа  60-ҩык инареиҳауп. Иалкаахаз иреиуоуп  аҵарауаа,  арҵаҩцәа, аҳақьымцәа уҳәа еиуеиԥшым азанааҭқәа змоу.

Маи 16 рзы Аҟәа акультуратә платформа"Гәыма" аҿы имҩаԥысит зықәра намӡац ахәыҷқәа рзинқәа рыхьчара зҭакԥхықәу Мактина Џьынџьал-ԥҳаи 18 шықәсанӡа зықәра намӡац ахәыҷқәеи реиԥылара.
М. Џьынџьал-ԥҳа ахәыҷқәа рзинқәа рыхьчаразы ажәахә аԥхьара далагаанӡа, аинтеллектуалтә ҟазшьа аҭаны ахәыҷқәа дразҵаауан,дара аинтерес рыманы аҭак ҟарҵон. Еиҳараӡак ахшыҩзышьҭра аман ахәыҷқәа иарбанзаалак ахҭыс ишазнеиуа,ишазхәыцуа. Убри аамҭазы рхы шымҩаԥыргаша атәы ралҳәон.
Ас еиԥш иҟоу аиԥылара еиҿнакааит "Арт-дизаин арезиденциа "Гәыма" ахаҭарнакцәеи Аԥсны аҳәынҭқарра аҿари аспорти ркомитет. ‎

Иналукааша аҭоурыхҭҵа­аҩ Гьар­гь Ӡиӡариа диижьҭеи 110 шықәса ҵит.
Гьаргь Алықьса-иҧа Ӡиӡариа диит иахьатәи Гәдоуҭа араион Лыхны ақыҭан 1914 ш. маи 6 рзы, анхаҩы иҭаацәараҿы. 1924 ш. инаркны 1929 шықәсанӡа аҵара иҵон Гәдоуҭа иҟаз ахәыҷтәы школ-интернат аҟны.

Аҵара аминистр Инал Габлиа апресс-конференциа мҩаԥигеит Аԥсуа телехәаԥшра апресс-центр аҟны.Иара убас ажурналистцәа рызҵаарақәа рҭак ҟарҵон Очамчыра араион Ахадара аҵара аҟәша аиҳабы Ҭемыр Гындиа, Гәдоуҭа араион Ахадара аҵара аҟәша аиҳабы Адамыр Ҳаразиа.

Лаҵарамза 13 рзы иҟаз амшцәгьа иахҟьаз аӡхыҵраан ааха зауз ақыҭақәа рҿы  ахҟьа аԥырҟәҟәааразы аусурақәа хацыркуп. Атехника ҷыда адгаланы аӡы аанызкылаша аизакырҭақәа реиқәыԥсара иаҿуп.  Аӡиас Дӷамшь  аӡышьҭрақәа  ганк рҽахьарҭаз  иахҟьаны, аӡы акшарҭа аԥсахразы, џьара-џьара  аӡышьҭра аиагара аҭахуп ҳәа азгәаҭаны  аусурақәа мҩаԥыргоит.

Иара убасгьы аӡы ӷәӷәала иҵнаӡәӡәааз  ацҳақәа абӷанҷ рҭаԥсаны аамҭалазы ахархәаразы,  анхацәа шьапыла иқәсыртә  иҟарҵоит.  Аӡхыҵраан Џьгьарда ақыҭа  аҳаблақәа руак фымцалашарала еиқәзыршәоз ацәаҳәақәа зқәыз ашьаҟақәа аӡхыҵ иахьагаз иахҟьаны ҩажәи жәаба ҭаацәара фымцалашарада иаанханы иҟан. Аҳәынҭқарратә еилахәыра «Амшынеиқәафымцамч»  Очамчыратәи аҟәша аусзуҩцәа ақәыӷәӷәара ҳаракы змоу афымцацәаҳәақәа реиҭашьақәыргылара иаҿуп уажәы. Аусурақәа цоит Кәтол ақыҭангьы. Уаҟа аӡышьҭра арҵаулареи, аӡеизакырҭақәа реиқәыԥсареи ирҿуп. Аусурақәа рхырқәшара азгәаҭоуп амш аҩныҵҟа. 

Мшаԥымза 25 рзы Аԥсны Аҳәынҭқарра абызшәатә политиказы Аусбарҭа аԥшьгарала Х.Чамагәуа ихьӡ зху Гагратәи аԥсуа школ №1 аҟны иаартын аԥсуа бызшәа аҵаразы аекспресс курсқәа.

Руслан Амҷба аҵара иҵоит Аԥснытәи аҳәынҭқарратә университет аҟазара афакультет ахԥатәи акурс аҿы. Иара дсахьаҭыхҩуп, дрызҿлымҳауп аграфикеи аҿыханҵеи.

Иааит ашколхәыҷқәа ззыԥшыз аамҭа. Шьоукы рзы аԥсшьара мшқәа ираамҭоуп, аушьҭымҭацәа рзы иагьгәырӷьароуп, иагьлахьеиқәҵароуп рышколқәеи рырҵаҩцәеи ахьаанрыжьуа.