Шьҭа мызкы ҵуеит Аҟәа иааны иҟоижьҭеи Урыстәылатәи ацирк Шәачатәи афилиал. Мчыбжьык ахьтә хынтә ақәгыларақәа мҩаԥысуеит. Ацирк Аԥсны иҟазаауеит нанҳәамза нҵәаанӡа. Аԥшьаша, асабша, амҽыша асааҭ хәба рзы иалагоит рықәгыларақәа.

«Аԥсны Жәлар Реизара – Апарламент адепутатцәа ралхразы "Аԥсны Аҳәынҭқарра Аконституциатә закәан аԥсахрақәа ралагаларазы" азакәан апроект азырхоуп алхратә процессқәа адәныҟатәи анырра иахьыԥшымкәа рыҟаҵара алыршара. Иарбоу азакәан апроект авторцәа ргәаанагарала, аус зуа азакәанԥҵара аҳәаанырцәтәи атәылауаа, атәылауаҩра змам ахаҿқәа, аҳәаанырцәтәии жәларбжьаратәии аиҿкаарақәа алхрақәа рылахәхара азин рымхра иахьынӡахәҭоу аус адулаӡам.

Аԥыза-министр ихаҭыԥуаҩ Вараздат Миносиани Ақыҭанхамҩа аминистр Беслан Перцхьелиеи Гәдоуҭеи Гагреи араионқәа рахь аусуратә ныҟәара мҩаԥыргеит, уи хықәкыс иамоуп 2026 шықәсазы ақыҭақәа рыҿиара иазку Аҳәынҭпрограмма алахәхара иашьҭоу аԥсыӡааӡаратә фермақәа рҭагылазаашьа хаҭала ахәшьара аҭара.

Ахада инаҵшьны иазгәеиҭеит Аԥсни Алада Уаԥстәылеи ҭоурыхла аиашьаратә еизыҟазаашьақәа шрыбжьоу, азеиԥш лахьынҵеи, аҳаҭыреиқәҵареи, акыршықәсатәи аидгылареи шьаҭас ишрымоу.

Ԥхынгәымза 17 рзы Аԥсны иҟоу Урыстәылатәи Афедерациа Аҷыдалкаатәи Азинмчнаӡеи змоу Ацҳаражәҳәаҩ Виачеслав Гладков Аԥсны Аҳәынҭқарра Ахада Гәынба Бадра агәраргагатә шәҟәқәа инапы иаиркит.

Аԥсны ауаҩы изинқәа рыхьчаразы азинмчы змоу Анас Кьышьмариа аппарат аусура аихшьаалақәа ҟалҵеит АГТРК аҿы имҩаԥысыз апресс-конференциаҟны.

Лара лажәақәа рыла, 2023 шықәсазы аппарат ахь инашьҭын 68 рҟынӡа ааԥхьара, 2024 шықәсазы — 103, 2025 шықәсазы-90 ааԥхьара. 2026 шықәса актәи азыбжазы ашәҟәы иҭагалоуп 50 рҟынӡа ааԥхьара, убри аан азҵаарақәа жәпакы рыӡбара алыршахоит аҭелтә ааԥхьара астадиа аангьы.

Абас ахьӡын ҳтәыла, анҭыҵгьы еицырдыруа, Аԥсны зҽаԥсазтәыз артист Одиссеи Аџьынџьал Аҟәа имҩаԥигаз аконцерт. Абар шьҭа 18 шықәса инарзынаԥшуеит иара асеиԥш ақәгылара ижәлар ирзеиҿимкааижьҭеи.

Аиԥылара иара убас иалахәын аԥыза-министр Владимир Делба, Ахада Иусбарҭа анапхгаҩы Беслан Ешба, Санкт-Петербург адәныҟатәи аимадарақәа рзы аилак ахантәаҩы Евгени Григориев, уи ихаҭыԥуаҩ Евгени Кассиура, Аԥсны иҟоу Урыстәыла ацҳаражәҳәарҭа абжьгаҩ‑ацҳаражәҳәаҩ Максим Литвинов, Санкт-Петербург иҟоу Аԥсны ҳаҭыр зқәу аконсул Владимир Бигәаа.

Аҳәынҭқарра Ахада Бадра Гәынба Аԥсны усутә визитла иҟоу Ареспублика Ҭаҭарсҭан араис Рустам Минниханов диԥылеит.

Урыстәыла Алхырҭатә ҭыԥ хада аҳәаанырцә еиҿкаау алхырҭатә ҭыԥқәа рзы аинформациа акьыԥхьит. Урыстәыла атәылауаа рыбжьы рҭиир рылшоит Аҳәынҭқарратә Дума адепутатцәа ралхрақәа раан цәыббрамза 20 рзы 152 тәыла рҟны 319 алхырҭатә ҭыԥ рҟны.

Аԥсны абжьыҭара мҩаԥыслоит 35 алхырҭатә ҭыԥ рҿы, аԥыжәара рыҭоуп ауааԥсыра зышьцылахьоу абжьыҭирҭа ҭыԥқәа. Уи цәыббрамзазы ареспубликаҿы иҟало иааиԥмырҟьаӡакәа Аԥсны инхо Урыстәыла атәылауааи атуристцәеи рырманшәаларазы иҟаҵоуп. Аҳәаанырцә алхырҭатә ҭыԥқәа еиҿыркаауеит адипломатиатә хаҭарнакрақәа-Урыстәыла Ацҳаражәҳәарҭақәа. Абжьыҭира рхы аладырхәыр рылшоит рхаҭара шьақәзыргыло адокумент ала Урыстәылатәи атәылауаҩра змоу.

«Аԥсны хыԥхьаӡара рацәала ауаа Урыстәылатәи атәылауаҩра рымоуп. Дара рзгьы Аҳәынҭқарратә Думахь алхрақәа абстракттә политика акәӡам — иалкаау усқәоуп. Абарҭқәа зегьы ишиашоу ҳара иалаҳхуа акурс иадҳәалоуп. Ауаа рыбжьы ҭирала иаадырԥшуеит Урыстәылеи Аԥсыни рыҿиарамҩа хьаас ишрымоу. Ҳара сынтәа алхырҭатә ҭыԥқәа рхыԥхьаӡара иацаҳҵеит, ауаа ирзыманшәалахарц, хара ацара рықәымшәарц азы. Ҳара иаҳуалуп доусы ибжьы раҳарц азы иҳалшо зегь аҟаҵара», - ҳәа ахҳәаа ҟаиҵеит Аԥсны иҟоу Урыстәыла ацҳаражәҳәаҩ Виачеслав Гладков. 

Зынӡа Аҳәынҭқарратә Думахь алхрақәа раан ашәҟәы иҭагалоуп 4436-ҩык акандидатцәа.

Урыстәыла жәларбжьаратәи анаԥшцәа рзы ааԥхьарақәа нанашьҭит 100 инареиҳаны атәылақәеи 12 жәларбжьаратәи аиҿкаарақәеи рахь. Нанҳәамза 20 рзы алахәхара шьақәдырӷәӷәеит 55 тәылеи аиҿкаарақәеи рхаҭарнакцәа. Аԥсны иҟоу алхырҭатә ҭыԥқәа рҿы аҳәаанырцәтәи анаԥшцәа алахәхоит абжьыҭира амш аҽны-цәыббрамза 20 рзы.

Аҟәа, Ахьӡ-аԥша апарк аҿы, Урыстәыла Аԥсны ахьыԥшымра азханаҵеижьҭеи 18 шықәса аҵра аҳаҭыраз имҩаԥысит 1992-1993 шш. Аԥсны Жәлар Рџьынџьтәылатә еибашьраҿы иҭахаз рмемориал амҵан ашәҭшьыҵәрақәа рышьҭаҵара ацеремониа.

18 шықәса ҵит Урыстәыла аганахьала Аԥсны Ахьыԥшымреи аҳәынҭқарратә суверенитети азхаҵахеижьҭеи. 2008 шықәса август 26 азы Апрезидент Дмитри Медведев Иусҧҟала Урыстәылатәи Афедерациа официалла иазханаҵеит Аҧсны Аҳәынҭқарреи Ареспублика Аахыҵ-Уаҧстәылеи. Д. Медведев иҟаиҵаз аҳәамҭаҿ иаҳәоит: