Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
АХҬЫСҚӘА
«Акыр иаԥсоу ашкол аҵаҩцәа, ҳаҭыр зқәу арҵаҩцәа, аҭаацәа!
Ишәыдысныҳәалоит аҵарашықәс алагамҭа!
Цәыббрамза 1 - ҭаацәацыԥхьаӡа, иара убас ҳтәылауаа зегьы рзы акрызҵазкуа мшуп. Ари аҽны ашколқәа зегьы ҩаԥхьа хәыҷыччабжьла иҭәуеит, зықьҩыла ахәыҷқәа адырра ҿыцқәа рахь ршьаҿақәа еихыргоит, раԥхьаҟа иалырхран иҟоу азанааҭ рҽазыҟарҵоит.
Аҵарадырра - аҳәынҭқарра аҿиара аусхк аҟны уасхыр хадас иҟоуп. Ҳара иахьа ҳҵаҩцәа ираҳҭо адырреи ааӡареи ирыбзоуроуп ҳаԥсадгьыл уаҵәтәи аԥеиԥш. Ҳарҭ иаҳҭахәуп аҵара бзиа змоу, ззаанаҭ иазҟазоу ауаа ҳамазарц - аҳақьымцәа, арҵаҩцәа, анџьнырцәа, афизикцәа, афилологцәа, аекономистцәа, еиуеиԥшым азанааҭқәа рхаҭаранакцәа.
Ҳара ҳзеиԥш хықәкы - уажәнатә аҭагылазаашьа бзиақәа зегьы раԥҵароуп. Сынтәатәи аҵарашықәс иазыхиоуп 152 школ, уаҟа аҵара рҵоит 29 нызқьҩык инарзынаԥшуа ахәыҷқәа.
Раԥхьатәи ашкол аҵәҵәабжьы раҳауеит 2300-ҩык рҟынӡа актәи акласс ахь зшьапы еихызго аҵаҩцәа.
Ҳҳәынҭқарра ахықәкы хадақәа ируакуп ҳазҭагылоу аамҭа иақәшәо аҵара апроцесс аиҿкаара. Ари ашықәс азы акыр ашколқәа рҟны имҩаԥган аиҭашьақәыргыларатә усурақәа, ирҿыцын ахыбрақәа, иара убас аҵаратә инфраструктура.
Азҿлымҳара хада аҳҭоит аԥсуа бызшәа аҿиареи ахьчареи азҵаара. Сынтәатәи аҵарашықәс иалагӡаны быжьшколк рҟны иаԥҵахоит аԥсуа бызшәазы ауадақәа, дара еиқәыршәахоит ҳаамҭа иақәшәо, аҵараусхк аҟны рхы иадырхәо амаҭәахәқәа зегь рыла. Ас еиԥш иҟоу аусура иацҵахоит егьырҭ ашколқәа рҟынгьы, избанзар ахатәы бызшәа адгылара аҭара - ҳара ҳмилаҭтә хдырра аиқәырхара иахәҭакуп.
Иара убас, ҳарҭ аҿиара аҳҭоит аҭҵаара ахырхарҭа. 14 школ рҟны иаатуеит афизика азы ауада ҿыцқәа, ԥшьышколк рҟны аусура иалагоит атомтә классқәа. Ари акрызҵазкуа шьаҿоуп ашколхәыҷқәа рԥышәа аизырҳаразы, аԥхьаҟа зыԥсҭазаара афизикеи, анџьнырреи, афымцамчи, ҳаамҭазтәи атехнологиақәеи ирыдызҳәаларц зҭаху рзы.
Иара убас, ахырхарҭа хадақәа ируакны ҳахәаԥшуеит ашколқәа рҟны ахәыԥха аиҿкаара. Ари аҵарашықәс азы, 57 школ рҟны, аиҵбыратәи аклассқәа рҿы аҵара зҵо ахәыҷқәа хәыда-ԥсада ахәыԥха рзеиҿкаахоит. Убас еиԥш, шьаҿа-шьаҿа ари аусура амҽхак ҳарҭбаауеит, ҳҵаҩцәа аҵара-дырра иақәнаго аҭагылазаашьақәа рзаԥҵара ҳацхраауеит.
Хымԥада, гәык-ԥсык ала иҭабуп ҳәа расҳәарц сҭахуп ҳарҵаҩцәа. Шәарҭ шәылша рацәоуп ҳҵаҩцәа реиҵааӡараҿы, адырра рыҭараҿы, аԥсҭазаара аҵакы реилыркаараҿы, Аԥсадгьыл абзиабара рылааӡараҿы, иара убас ахымҩаԥгара бзиа аарԥшраҿы. Иҭабуп шәџьабаазы, шәус ҭакԥхықәрала шәахьазнеиуазы!
Акыр иаԥсоу аҵаҩцәа!
Ишәзеиӷьасшьоит аинтерес зҵоу аҵарашықәс, адырра ҿыцқәа, аҩызцәа бзиақәа, аихьӡара дуқәа. Ҷыдала актәи акласс ахь зшьаҿа еихызгаз ахәыҷқәа ирзеиӷьасшьарц сҭахуп ауадаҩрақәа ирцәымшәакәа аҵара бзианы ирҵаларц, ашколтә ԥсҭазаара ирзаанаго адыррақәа азҿлымҳара арҭаларц.
Ҳаҭыр зқәу аҭаацәа, ишәзеиӷьасшьоит ачҳара, шәыхшара шәрылагәырӷьалааит, аҵарашықәс ҿыц зегьы рзы аманшәалара ацзааит, адырра ҿыцқәа ирышықәсхааит, иманшәалазааит.
Ишәыдысныҳәалоит аҵарадырра Амш!»
Ашьынкеи акырпыжәи рҽаҩра аҭира иацу ауадаҩрақәа ирылацәажәеит Аԥыза-министр Владимир Делбеи Очамчыра араион ақыҭа нхамҩа аарыхыҩцәеи. Анхацәа Аԥсны анҭыҵынтә иаарго акырпыжә ахьырацәахаз рҽаҩра рзымҭир ҳәа ашәарҭара рызцәырнагоит.
Аҳазалхратә еилакы ахь иҟаҳҵаз азыҳәарала, ҳара еилаҳкааит: ҵыԥх аасҭа сынтәа акырпыжәи ашьынкеи аҳәаа иахыган иҭаргалахьеит ҵыԥх аасҭа ҩынтә еиҳаны. 2025 шықәса рзы асезон алагамҭа инаркны нанҳәамза абжанӡа иҭагалан 328 тонн инацны. 2026 шықәса рзы – 792 тонна рҟынӡа инаӡоит. Ашьынка акәзаргьы, иҭагалоу ахыԥхьаӡара ҩынтә еизҳаит ҵыԥх иаҿырԥшны. Уи иаанаго, анхацәа ирымоу агәҭынчымра ҵаӡӷәыдам.
Аҵарадырра асистема иаҵанакуеит адисциплинақәа дырҵара, ауаҩышәаратә ааӡара, маха-шьахала аӷәӷәахара. Арҭ ах-компонентк еиҟәыҭхашьа рымамзароуп. Аҵарадырра аганахьала ари аҳәынҭқарратә политика анагӡара азҵаара ауп.
Ҳаҭыр зқәу арҵаҩцәа, аҵара-ааӡара ус мҩақәызҵо анапхгаҩцәа бзиала шәаабеит раҧхьатәи Аҧсны аҵараиурҭақәа рнапхгаҩцәа реизара ду ахь. Хаҭалатәи ҳаибабара, блала ҳаицәажәара ҳус амҩақәҵараҿы ицхыраагӡаны исыҧхьаӡоит.
Аиԥылара иалахәын «Адыга Хасе» аиҳабы аҳақьым Хышам Кат, Шьамтәыла апарламент адепутат аҳақьым Иаҳиа Ибрагим, аиҳабацәа Фахми Чычбеи Абдарахман Багасеи, иара убас ажәлақәа Гьечба, Аргәын, Арҩҭаа рхаҭарнакцәа.
С.Ҷанба ихьӡ зху Аԥснытәи аҳәынҭқарратә драматә театр аҿаԥхьа имҩаԥысуеит Аԥсни Урыстәылеи рмилаҭтә культура жәларбжьаратәи афестиваль «ШоуАбхазиа» аконцерттә программа, аус руеит ацәыргақәҵатәи аџьырмыкьатәи ҵакырақәа.
Араҟа ицәыргоуп ареспублика иналукааша акаҳуажәырҭақәа 12. Амш иалагӡаны урҭ асасцәа русҳәарҭақәа рҭоурых ддырдыруеит, акаҳуа агьама ддырбоит, аицлабрақәа мҩаԥыргоит, афестиваль анҵәамҭаз иалыркауеит амш иреиӷьу акаҳуажәырҭа.
«Ҳаҭыр зқәу ҳауаажәлар!
Гәык-ԥсык ала ишәыдысныҳәалоит ақьырсиан иашахаҵаратә ныҳәа Нанҳәа.
Еиҭамҵуа ақьырсиан ныҳәа дуқәа жәаҩа ируакны есышықәса нанҳәа 28 аҽны ақьырсиан Уахәама инарҭбааны иазгәанаҭоит Анцәа Иан Аԥшьацқьа Мариа лылацәеиқәԥсара – адгьыл аҿтәи лыԥсҭазаара лалҵра амш.
Аԥсны Аҳәынҭқарра ахьыԥшымра жәларбжьаратәи азхаҵара амш аҽны Џьгьарда ақыҭан иҟоу Аԥсны аҩбатәи Ахада Сергеи Багаԥшь имемориал амҵан ашәҭшьыҵәрақәа рышьҭаҵара ацеремониа мҩаԥысит.
Адипломат иҟаиҵаз ааԥхьараҿы игәалаиршәеит 18 шықәса раԥхьа Аԥсни Аахыҵ Уаԥстәылеи рхьыԥшымра азхаҵаразы аӡбамҭа атәылақәа иҿыцӡоу рҭоурых аҿы еиҭасрны ишыҟалаз, уи иалнаршеит аҭынчра ахьчареи Аахыҵ Кавказ атәылауаа ршәарҭадара аиҿкаареи.
Владислав Арӡынба ихьӡ иадҳәалоуп аибашьраҿы аиааиреи аибашьра ашьҭахьтәи раԥхьатәи ашықәсқәа рзы ҵҩа змам ауадаҩрақәа риааиреи.