Аԥсуа спортсмен Руслан Ҳашба Дон ихықәгылоу Ростов аҟны агрепплинг азы аицлабраҿы аиааира игеит, – иаанацҳауеит аҿари аспорти русқәа рзы Аҳәынҭеилакы асаит. Агрепплинг азы аицлабра рхы аладырхәит Урыстәыла еиуеиԥшым арегионқәеи ИАР атәылақәеи рҟнытә аспортс­менцәа 300-ҩык раҟара.

Дарбанзаалак ахәыҷы аспорт агәыблра анузилаҵа шамаха имҩа дахҟьом, дааӡоит, ахықәкы бзиахь дхьанарҧшуеит. Усеиҧш иҟоу дыруаӡәкуп уажәы сзыхцәажәарц сҭаху Е.Ешба ихьӡ зху ахәбатәи абжьаратә школ аҵаҩы Леон Лагәлаа. Иан Викториа Кәыҵниа лажәақәа рыла иара аиҵбыратә классқәа рҿы дантәаз инаркны иалихит абокс. Убри аахыс имаҷым ииааирақәа, иааирҧшхьоу аихьӡарақәа.

Аҧсны ашәҟәыҩҩцәа Реидгыла аҧшьгарала И.Гь. Папасқьыр ихьӡ зху Аҧснытәи Амилаҭтә библиотека аҟны имҩаҧысит алитература-музыкатә композициа «Ажәеи ашәеи». Ари аусмҩаҧгатә иахаҵгылеит Аҧсны аҵареи абызшәатә политикеи рминистрра. Ахәылҧаз рҽаладырхәит аҧсуа шәҟәыҩҩцәа, аҵарауаа, арҵаҩцәа, ашколхәыҷқәа, акультуреи аҟазареи русзуҩцәа, зиубилеитә рыцхәқәа азгәарҭоз апоетцәа ргәакьацәа.

Ҳ-Аҧсны, ҳажәлар дрыҧхеит аҧсуа хаҵа, ахатәра, Аҧсуара алеишәақәа рыла иааӡаз, иныҟәызгоз, аҧсуа гәаҵәа зыҕраз, ауаажәларратә усзҩы, аҧсуа жәлар рмилаҭ-хақәиҭратә қәҧараҿы аџьа збахьаз, Аҧсны Аџьынџьтәылатә еибашьра иалахәыз, 46 шықәса инеиҧынкыланы Аҧсны азанааҭеидгылақәа рҟны аус зухьаз, Аҧсны Ихьыҧшым Азанааҭеидгылақәа Рфедерациа Ахантәаҩы ихаҭы­ҧуаҩ, уи Апрезидиум алахәыла, «Ахьӡ-Аҧша» орден ахҧатәи аҩаӡара занашьаз Анатол Қьаазым-иҧа Бганба.

Иахьа ҳтәыла ахьӡ Аҧсны анҭыҵгьы ираҳаратәы иҟазҵо ираҧхьагылоуп аспортсменцәа ҿарацәа. Аха, уажәы сара зыӡбахә сымоу аспортсмен аҿара днахыҳәҳәахьеит, ишырҳәо еиҧш, иқәрабжа дынҭысхьеит. Отаҧ (Очамчыра араион) ақыҭа иааӡаз Борис Колодиа-иҧа Багаҭелиа дхәыҷаахыс аспорт бзиа ибон.