Ареспубликатә ҳәынҭқарратә усҳәарҭа «Аҧснымедиа»
Ԥхынгәы 27, 2024
Аӡы амч
29 Ԥхынкәын 2022
Азеиҧшнхарҭа ауада сыҩнахеит. Ашықәс ҿыцха ҳаҕоу ауада дыҩнахааит ихала, иаҳарак аӡәы дизыҧшны. Усҟан аҭӡамц шкәакәақәа, иааукәыршаны иҟоу зегьы, агәҿыҕьра узцәырыргоит. Уажәы-уажә сџьыбақәа еимыздоит, издыргәышьоит акапеи кылҵәа шҭаршәым, аха инагӡаҵәҟьаны агәра згарц сҭахӡам… Уигьы шьцылароуп. Иага ус иҟазаргьы, бзиа избоит астудентра. Поетк имҳәахьеи – «Астудентцәа ахақәиҭра ахақәиҭра аҳәынҭқарцәа» ҳәа. Абарҭ ацәаҳәақәа уахак исҿахеит. Урҭгьы шьҭа ихьшәашәеит, сгәыҧжәара рзыхәаҽуам.
Ажәабжь хәыҷык аҭоурых
29 Ԥхынкәын 2022
Руслан Ратиеи сареи 1970 шықәсазы абжьаратә школ ҳалгеит. Иаб Аџьынџьтәылатә еибашьра Ду иалахәыз, зыӡбахә сымоу аамҭақәа раан Арасаӡыхьтәи аа-шықәсатәи ашкол аҿы арратә ус дзырҵоз Шьашь Сааҭ-иҧеи, сашьеиҳаб, агәыбжьанытә, арҵаҩра аганахьала акыр шықәса инеиҧынкыланы аус зухьоу, уажәы тәанчара иҟоу Шьалуеи, ҳҩыџьагьы Аҟәа ҳрыманы иааит аинститут ҳҭарҵарц. Арзаҳалқәа алаҳҵеит. Сара усҟан ада Аҟәа смаацызт, Руслангьы ус акәхарын. Аҧошьҭа азааигәара ҧҳәыск лҿы қьырала…
Даҽа усумҭак – агалереиахь
29 Ԥхынкәын 2022
Асахьаҭыхҩцәа Реидгыла ацәыргақәҵарҭатә зал хадаҿы Ашықәс Ҿыц аламҭалазы Аԥсны Аҳәынҭқарратә сахьатә галереиа афонд иаҭан Александр Чачба иҭыхымҭақәа. Асахьаҭыхҩы иусумҭа Иарку акционертә еилазаара «Аквафон-GSM» иаанахәеит 2022 шықәсазы аукцион аҟны. Шәыга хәшала инагӡоу аҭыхымҭаҿы даарԥшуп аԥҳәызба. Ари арҿиамҭа ианаԥҵаз аамҭа ашьақәыргыларазы аҟазараҭҵааҩцәа ргәы иҭоуп аҭҵаарақәа жәпакы рымҩаԥгара.
Месси аҧсуеи еигәылацәоуп
29 Ԥхынкәын 2022
Ҳазну амзазы ихыркәшан ашьапылампыл асразы Адунеизегьтәи ачемпионат. Арҭ ацәаҳәақәа равтор ашьапылампыл сшазҿлымҳамгьы ари ачемпионат афинал иахәаҧшыз сыруаӡәкуп. Ашьапылампыл даара бзиа избо, акоманда «Зенит»иалоу сыҷкәын хәыҷы Алан ибзоурала саргьы сфанатхеит Аргентина азы ихәмаруа, адунеи иачемпионхаз Лионель Месси изы.
Агәыҕрақәа здаҳҳәало
29 Ԥхынкәын 2022
Абар мышқәак роуп иагу Ашықәс ҿыц ааира. 2022-тәи ашықәс наскьаго ҳҭалоит гәыҕра шәкы здаҳҳәало 2023-тәи ажьа ашықәс. Инаскьааго ашықәс азгьы гәыҕра шәкы ҳаман, аха ишдыру еиҧш даара иуадаҩны имҩаҧысит: адунеи зегь зымҽхазкыз ачымазара «Ковид-19» уҳәару, Украина имҩаҧысуа аибашьра уҳәару даара ахынҭа-ҩынҭарақәеи аҧсыҭбарақәеи рыла иҭәу шықәсхеит… Аха, дырҩегьх, ҳгәыҕра ҳеижьом, ҳгәыҕуеит ҳазҭало Ашықәс ҿыц инаскьааго аасҭа ишҧеиҕьымхари ҳәа, «агәыҕра аҵыхәтәанынӡа иҧсӡом»…
Бзиала уаабеит, Жьакәыр!
29 Ԥхынкәын 2022
Ашықәс Ҿыц згәы хыҭ-хыҭуа иазыҧшу еиҳараӡакгьы ахәыҷқәа роуп. Урҭ ахыццакуеит Аҵаа Бабаду ирзааиго аҳамҭақәа рбара. Аха ахәыҷқәа инарываргыланы адуцәагьы ари аныҳәа ргәыҕрақәа, ргәазыҳәарақәа адырҳәалоит. Иааиуа ашықәс ҿыц аҟны аизҳара, аманшәалара, агәабзеира уҳәа бзеиарас иҟоу зегьы ирзыҧшуп. Ус акәны Анцәа иҟаиҵааит.
Урыстәыла аҿыц республикақәеи аобластқәеи рахь
29 Ԥхынкәын 2022
Абар, шьҭа аа-шықәса ҵуеит Урыстәылаҟа зхы зырхаз Донецки Лугански руаажәлар есымша, ес-сааҭ рыԥсҭазаара ашәарҭа иҭагылоуижьҭеи. Иҟамлацт мышкы, мраҭашәараа меигӡарахда ирырҭо абџьар хкқәа рыла арҭ адгьылҵакырақәа ирыламхысуа. 2014 шықәсазы Украина имҩаԥысыз «ареволиуциа» – дара ртәала, Маидан ҳәа изышьҭо, атәыла ду ажәлар еиҟәнашеит – шьоукы Мраҭашәараҟа, шьоукы дара шьаладала, бызшәала, динхаҵарала жәытәнатә аахыс изларсыз Урыстәылаҟа.
Агазеҭ шьаҭаркуп 1919 ш. февраль 27 азы.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 840 226-89-89