Ҳаҧсадгьыл имариам аҧышәара аамҭа иҭагылоуп.  Иахьа уажәраанӡагьы иаҳныруеит ноиабртәи аполитикатә кризис ахыҧша. Уи ахҭыс аконституациа аҳәаақәа ҳарҭыганы, рҽеишьа змам аҭагылазаашьахь ҳкылнагар алшон. Сгәы иаанагоит декабрь 19 рзы апарламент аҩныҵҟа иҟалаз арыцҳара ду зхылҿиаазгьы ҳаиҿагылара ауп ҳәа. Дҳаҧхеит Аҧсадгьыл аҵеи лаша, аветеран, адепутат Вахтанг Гәаланӡиа. Аҳәынҭқарра Ахада инапынҵақәа назыгӡо иаҳасабала ари ацәгьоура бааҧс аҭҵаара амҩаҧысшьа хаҭала сахылаҧшуеит.

Иахьа аполитика знапы алакыу ауаа аиҿыхара ҳшаҿыз иҳазгәамҭаӡакәан иаҳцәыӡуа иалагеит ажәлар рыгәрагара. Сара уажә иаҭахны исыҧхьаӡом  иҟалаз аҭагылаашьа иаҳа изхароу аопозициа, мамзаргьы амчра ахаҭарнакцәа роуп ҳәа алацәажәара. Иеиҕьуп ҳәа иазысыҧхьаӡоит аиқәҵарақәа ҳаарҟәаҵны, иуадаҩу аҭагылазаашьа ҳажәлар ралгаразы ашьаҿақәа рыҟаҵара.

Ииашам ҳәа сгәы иаанагоит еснагь адгылара ҳазҭо Урыстәылеи ҳареи ҳабжьара иҟоу азҵаарақәа аполитикахь риагара, амчра азықәҧараҿы рхархәара. Иҳалшо зегь ҟаҳҵароуп Аҧсни Урыстәылеи еснагь ирыбжьаз агәреибагара аиҭашьақәыргылараз. Ҳара иаҳхамышҭроуп шәышықәсала ҳажәлар зызхьаауаз, ихьыҧшым аҳәынҭқарра жәларыбжьаратәи азхаҵара зегь раҧхьа иҳазҭаз Урыстәыла шакәу. Убырҭ зегь ҳрызхәыцны иҳалҳаршароуп, ҳаҧсадгьыл аинтересқәа аҧхьа инаргыланы, Урыстәыла иҳарҭо алшара ҳхы инархәаны Аҧсуа ҳәынҭқарра  ашьапы ақәыргылара.

Ҭабуп ҳәа шәасҳәоит ​ҳауаажәлар иуадаҩу аамҭазы иаашәырҧшуа ачҳаразы. Иахьа уажәраанӡа алшарақәа шмаҷугьы Аҳәынҭқарра анапхгара иҳалшозегь ҟаҳҵоит афымцалашара азҵаара аӡбаразы, ҳауаажәлар уалафахәыда раанмыжьразы. Убри аан ибзиан еилаҳкаауеит ҳбыргцәа, ҳхәыҷқәа лашарада ирхырго ауадаҩра дуқәа.

Убарҭ зегь ҳасаб рзуны Урыстәыла аиҳабыра рахь аҳәара ҟасҵеит Аҧсны фымцалашарала аиқәыршәараз ацхыраара ҳарҭарц. Сгәы иаанагоит хара имгакәан ахаҵгылара ҳауп ҳәа.

Ноиабр 26-28 рзы Нхыҵ-Уаԥ­стәыла аҳҭнықалақь Владикавказ имҩаԥысит ауаԥс литературатә бызшәа ашьаҭаркҩы, апоет, асахьаҭыхҩы Косҭа Хеҭагуров диижьҭеи 165 ш. аҵра инамаданы апоезиа актәи Жәларбжьаратәи афестиваль «Ауаԥс лира (Осетинская лира»).

Аҟәа, Гәымсҭа ахықәан дынхоит Аԥсны зегьы ацәа аус адулашьа здыруаны иаанхаз аҟаза –Едем Коӷониа. Иара ида иахьа – арахә, мамзаргьы абнатә ԥстәқәа, рцәа иалхны асахҭан ҟазҵо ҳтәылаҿы дыҟам.

Ааигәа имҩаԥысит ҿыц иаԥҵоу аиҿкаара «Аԥсны Аҳәса Реидгыла» аӡыргара. Уи напхгара азылуеит Викториа Хәырхәмал. Аӡыргара иазкыз апресс-конференциа аартуа, лара дазааҭгылеит реиҿкаара хықәкыс иамоу.

Аҧсадгьыл ахь ахынҳәразы аҳәынҭқарратә еилакы анапхгареи аколлективи гәалсра дула ирыдыркылеит Аҧсны аҵеи лаша, зыҧсадгьыли зыжәлари рзы зхы иамеигӡоз апатриот иаша, Ҭырқәтәылатәи Ареспубликаҿы иҟоу Аҧсны Аҳәынқарра ахаҭарнак иабжьгаҩ хада Кавказ Аҭрышба иҧсҭазаара дахьалҵыз. Адышшылараҿы иаҳәоит уи ихьӡ лаша наунагӡа хашҭра ақәымкәа ишаанхо.

Декабр жәибжь рзы, ашьыжь ашәҟәыҩҩцәа, аҵарауаа,  акультуреи аҟазареи русзуҩцәа, аинтеллигенциа рхаҭарнацәа аӡәырҩы,  аҿар Д. И. Гәлиа ибаҟаҿы ашәҭқәа шьҭарҵеит, жәлар рпоет дыргәаладыршәеит.

Ҳазну аамҭазы Аԥснынтәи Урыстәылаҟа ацитрустә шәырқәа рдәықәҵара мҩаԥысуеит.  Иҳаҩсыз уахыки-ҽнаки рыла аҳазалхратә усбарҭа аушьҭра-гәаҭаратә ҭыԥ Адлер иахыганы ииаган 1 нызқь тонн амандарина, ҳәа адырра ҟанаҵоит Аладатәи аҳазалхратә усбарҭа апресс-маҵзура.

Ԥхынҷкәын 3 рзы адунеи аҿы изгәарҭеит зылшарақәа ԥку ауаа жәларбжьаратәи рымш. Аԥсны ус иҟоу, адгылареи ацхыраареи хымԥада изҭаху зылшарақәа ԥку маҷыҩӡам. Рхыԥхьаӡара рацәамзаргьы, ус иҟоу ауаа ацхыраара ахьроуа ацентрқәа аус руеит ҳтәылаҿы. Руак – агәыҳалалратә центр «Ҳара ҳаицуп» аартын 2021 ш. рзы, Еиду Амилаҭқәа Реиҿкаара «Аҿиара» захьӡу иҷыдоу апрограмма иҟанаҵаз ацхыраарала. Ацентр аԥшьгаҩсгьы, еиҳабысгьы дамоуп Милана Аџьԥҳа.