Зхатә ҷыдара змоу, зегь реиҳа ицқьоу аӡыхьқәа рхы ахьыҵырхуа, аԥсуа мца жжаӡа иахьеиқәу ақыҭа даҽакы иалаҩашьом. Араҟа ауп ааԥсара зқәым анхаҩы адгьыл дахьықәаарыхуа, арахә ахьиааӡо, ишьхымзагәара «аҽыуаҩ дызрыкәымшо» иахьгылоу.
Шьыбжьон. Аҩны ашьҭахь ашәшьыра сыҵатәан ашәҟәы сзыԥхьоз сарааԥсан насҭха иқәысҵеит. Сылаԥш нарыдхалеит амра ашәахәа зқәыԥхоз сабдуи, уи иаби, ааигәа здунеи зыԥсахыз, саныхәыҷыз сзааӡаз сандуи рҳаҭгәынқәа.
Ашахмат Жәларбжьаратәи амш аламҭалаз, Аҟәа Анатоли Карпов ихьӡ зху ашахматтә школ аҟны иаатит, 100-ҩык инареиҳаны Аԥсны араионқәеи Урыстәыла ақалақьқәеи рҟнытә, уи аспорт хкы иазҿлымҳау ахәыҷқәеи аиҳабацәеи еидызкылаз, есышықәсатәи Жәларбжьаратәи ашахматтә турнир «Аҟәа Опен-2024».
Иахьа 50 шықәса ихыҵра азгәеиҭоит Аԥсны Аџьынџьтәылатә еибашьра алахәыла, "Кәыдры ахақәиҭтәрази" "Аиааирази" амедалқәа занашьоу, агазеҭ "Аԥсны" аредактор хада Анқәаб Ахра Владимир-иԥа.
Диит 1974 шықәсазы ԥхынгәымза 20 рзы Гәдоуҭа араион Хәаԥ ақыҭан.
Иҳаҩсхьоуи иҟалашеи еиҟәыҭхашьа рымам. Ажәлар ражәа баша иаламзар акәхап, зҭоурых зхашҭыз ԥеиԥш имам ҳәа зыхшыҩҵак ҵаулоу аҳәахьагьы.
Ҳажәлар ианакәызаалак ҳаҭыр рзақәын аҭоурых, ҳазхылҵшьҭроу рдоуҳа иаҟәырҷахоу агәалашәарақәагьы уи иахәҭа хадоуп. Ауаҩы ԥхьаҟатәи иԥеиԥш иҳдырра ианыԥшуазарц ииасхьоу аамҭақәа ргәалашәара имырӡуазароуп, урҭ рахьтә алкаақәа ҟаҵаны идунеиеилкаара шьақәиргылаларц.
Абахә иаҿыбгаз ахаҳә ду какәкәа хланҵы ишҭало аиԥш, адунеи ацәа иҭазырӡыӡоз Асовет Еидгыла ахыбгалара иаҿын. Ари асистема ҳзеиқәырхозар ҳәа аҵыргәақәа аҵадыргылон, аха ахьанҭара рзычҳауамызт, лабыҵәҵас еилаԥыҵәҵәон.
Ихьанҭоу атлетика азы Урыстәыла имҩаԥысуаз аиндаҭлараҿы Елҟан Гәазаа араӡны медал даԥсахеит.
Зыкапан 61 килограмм рҟынӡа инаӡоу рыбжьара Урыстәыла имҩаԥысуаз ачемпионат аҿы Елҟан Гәазаа араӡны медал даԥсахеит.
Елҟан иӡыригоз атәыла Ҭаҭарсҭан акәын. Ари аиндаҭлара Новосибирск имҩаԥысуан, рхы аладырхәит 300-ҩык аспортсменцәа.
Ревекка Воуба
Ԥхынгәымза 15 инаркны нанҳәамза 4-нӡа Жәларбжьаратәи ахәыҷтәы центр «Артек» аҿы имҩаԥысуа аиԥылараҿы рхы аладырхәырц Крымҟа идәықәлеит жәиԥшь шықәса инадыркны, жәибжь шықәса зхыҵуа рҟынӡа 30-ҩык ахәыҷқәа.
Аԥсшьара анаҩсан, иалкаау ахәыҷтәы центр «Артек» аҿы аиԥылара алахәылацәа рзы еиҿыркааит еиуеиԥшым аиқәшәарақәа, аҟаза-икласс, арҵаратә программа убас егьырҭгьы. Адунеи ахи-аҵыхәеи рҟынтәи хышәҩык ахәыҷқәа еиднакылоит ари аиԥылара.
Уи алахәылацәа иҭабуп ҳәа иарҳәоит Адунеизегьтәи аԥсуа-абаза конгресс аппарат анапхгаҩы Кан Ҭаниа аиԥылара ахьеиҿикааз азы.
Ревекка Воуба
Ԥхынгәымза 14 рзы Ростов-на-Дону имҩаԥысуаз аиндаҭлараҿы аԥсуа ҽырыҩцәа рыҽқәа аиааира ргеит.
Амшынтәи авиациа амш иадҳәалаз аԥхьахә агаразы аиндаҭлараҿы Асхад Агрба иҽы Греишес Гест актәи аҭыԥ ааннакылеит. Аҽырыҩра мҩаԥысуан 1200 метра ахьыбжьаз адистанциа аҿы, ҩышықәса зхыҵуа англыз шьацқьа злоу аҽыжәлақәа рыбжьара.
Аԥсыӡкҩы имш иадҳәалаз аԥхьахә агаразы аиндаҭлараҿы ахԥатәи аҭыԥ ааннакылеит Ҳаџьараҭ Зыхәба иҽы Корефан. Аҽырыҩра мҩаԥысуан 1800 метра ахьыбжьаз адистанциа аҿы, хышықәса зхыҵуа англыз шьацқьа злоу аҽыжәлақәа рыбжьара.
Ревекка Воуба
Аҧҳәынҭшәҟәҭыжьырҭаҿы иҭыҵит апоет, ажурналист, апублицист, Аҧсны ашәҟәыҩҩцәа Рассоциациеи Аҧсны ажурналистцәа Реидгылеи рлахәыла Алхас Чхамалиа ишәыҟә ҿыц «Бла ҵарыла».