Хәажәкыр 29, 2024

Ареспубликатә ҳәынҭқарратә усҳәарҭа «Аҧснымедиа»

Image

Ажәабжьқәа

Аԥсны ажурналистцәа Реидгыла аконкурс «Аибашьра идырым ахҭысқәа» 2023 шықәсазы иацҵахоит. Ас еиԥш аӡбамҭа рыдыркылеит аԥшьаша, хәажәкырамза 30 рзы имҩаԥысыз ажурналистцәа Реидгыла апрезидиум аилатәара иалахәыз. Ари 2022 шықәсазы имҩаԥысуаз аконкурс иацҵахоит ҳәа ауп иаанаго. Уи Аԥсны жәлар рџьынџьтәылатәи еибашьраҿы Аиааира 30 шықәса ахыҵра иазкхоит.

2022 шықәсазы имҩаԥгаз аусура аихшьалақәа рыҟаҵара иазкын хәажәкырамза  28 рзы имҩаԥысыз Аԥсны аҭҵаара­дыррақәа Ракадемиа азеиԥш усуратә еизара.

86 шықәса дшырҭагылаз лыԥсҭазаара далҵит Аџьа Абираҟ Ҟаԥшь аорден, «Ахьӡ-Аԥша» аорден II аҩаӡара занашьоу, Аԥснытәи АССР ахәаахәҭра аминистрс, АССР Иреиҳаӡоу асовет адепутатс, 1993-2005 шықәсқәа рзы Аԥсны афинансқәа рминистрс аус зуаз Бганба Лили Дыгәыжь-иԥҳа.

Аԥсныпресс. Аԥсны Аҳәынҭқарра Ахада Аслан Бжьаниа есымчыбжьатәи аилацәажәара мҩаԥигеит Аҳәынҭқарра Ахада Иусбарҭа анапхгараҭареи атәыла Аиҳабыра рхаҭарнакцәеи алархәны.

Аԥыза-министр ихаҭыԥуаҩ, аекономика аминистр Кристина Озган афымцамч ахархәара агәаҭаразы амаругақәа раахәара инамаданы аинфраструктуратә кредит иадҳәалоу аусмҩаԥгатәқәа рзы аизара иалахәыз адырра рылҭеит.

Урыстәылатәи Афедерациа Аԥсны Аҳәынҭқарреи Аахыҵ-Уаԥстәылатәи Ареспубликеи ганрацәала ацхыраара рнаҭалоит, арҭ аҳәынҭқаррақәа рыжәларқәа хатәгәаԥхарала иалырхыз, жәлар­бжьаратәи азин ала ишьаҭарку Урыстәылахь аинтеграциа адгылара аҭара иацнаҵоит. Абри атәы азгәаҭоуп ахәаша, хәажәкырамза 31 рзы Урыстәылатәи Афедерациа Ахада Владимир Путин ишьақәирӷәӷәаз Урыстәылатәи Афедерациа адәныҟатәи аполитика аконцепциа ҿыц аҿы.

Хәажәкыра мза 30 рзы Башкор­тосҭан Ареспублика Ахада Ради Хабиров напхгара зиҭоз аделегациа официалтә визитла Аҧсны иаҭааит. Аделегациа иалахәын Башкортосҭан Ареспублика Аҧыза-министр Андреи Назаров, Башкор­тосҭан Ареспублика Аҳәынҭқар­ратә Еизара – Курултаи ахантәаҩы ихаҭыҧаҩ Рустам Ишмухаметов, Аҧыза-министр актәи ихаҭыҧуаҩ, аекономикатә ҿиареи аинвестициатә политикеи рминистр Рустам Муратов, адәныҟа економикатә еимадарақәеи аконгресстә усуреи рминистр Маргарита Болычева, аҵареи аҭҵаарадырреи рминистр Аибулат Хажин, анаплакреи атуризми рминистр ихаҭыҧуаҩ Светлана Верешьчагина, ааглыхреи, афымцамчи, арҿыцрақәеи рминистр Валери Галиев.

Аҧсны Аминистрцәа Реилазаара иаднакылаз аусдҵа  инақәыр­шәаны  хәажәкыра  1 инаркны рашәарамза 1 азынӡа  ашәарыцаҩцәа абгақәеи, абгалаџқәеи, абгахәыҷқәеи рышьразы иреишәарыцоит. Ихацырку ауснагӡатә иабзоураны  шәи хынҩажәи жәаба хы инарыцны агыгшәыг ршьхьеит. Иҳаҩсыз  аҧсшьара  мшқәа рзы Очамчыра  араион аҟны еиҿкаан зымҽхак ҭбааз  ашәарыцара.

Аҧхасҭа ҕәҕәа ҟазҵо  агыгшәыг  рхыҧхьаӡара  агырхара,  мамзаргьы аҭышәныртәалара азҵаара  цәырҵижьҭеи акыр шықәса ҵуеит. Аибашьра ашьҭахьтәи ашықәсқәа зегьы рыҩнуҵҟа ари азҵаара акырынтә иалацәажәахьеит, аиҕьтәразы  иҟаҵатәу амҩақәагьы алыркаахьеит, аусурақәагьы хацдыркхьеит, аха аҭагылазаашьа шьаҭанкыла аҧсахра ус имариам.

Аԥснытәи аҳәынҭқарратә университет аҟны иазгәаҭан  апоезиа Адунеизегьтәи Амш.

Март 21 рзы атәылақәа жәпакы рҟны иазгәарҭо апоезиа амш ашәҟәыҩҩцәа Реидгыла абзоурала Аԥсны иазгәарҭоит 2011 ш. раахыс. Аусмҩаԥгатә иҿкаан сынтәа Аԥсны ашәҟәыҩҩцәа Реидгыла 90 шықәса ахыҵра иазку аиубилеитә усмҩаԥгатәқәа рҳәаақәа ирҭагӡаны. Ашәҟәыҩ­ҩцәа Реидгыла аҟнытә инаган алитературатә ԥсҭазаара зныԥшуа афотосахьақәа рыла еиҿкааз   ацәыргақәҵа. Аныҳәа амҩаԥгара иалахәын ААУ арҵаҩцәа, В.П. Анқәаб ихьӡ зху аԥсуа-адыга филологиа ацентр аҟны иаԥҵоу алитература-рҿиаратә еилазаара «Ацәыкәбар» еиднакыло астудентцәа, алитера­тура иазҿлы­м­ҳау аҿар.

Атеатр Адунеизегьтъи амш – атеатр аусзуҩцәа зегьы ринтернационалтә занааҭтә ныҳәа ауп, адунеи зегьы аҿы есышықәса иазгәарҭоит март 27 азы. Ари ахҭыс традициала зегьы ирзеиԥшу девизк амоуп: «Атеатр ажәларқәа реилибакаареи аҭынчра арӷәӷәареи рхархәагак аҳасабала».

Аныҳәа азгәарҭоит арежиссиорцәа, адраматургцәа, актиорцәа атеатртә критикцәа. Иара убас адныҳәаларақәа рыдыркылоит аибыҭаҩцәа, арлашаҩцәа, абжьы арежиссиорцәа, асахьаҭыхҩцәа, адекораторцәа уҳәа егьырҭгьы.

Алаҳәарақәа

31 Хәажәкыр 2023

Аҧсны Аҳәынҭқарра аӡбаҩцәа Рквалификациатә коллегиа ирыланаҳәоит Тҟәарчалтәи араионтә ӡбарҭа аӡбаҩ иҭацәу ҭыҧк – 1 иандаҭлауа рҟнытә арзаҳалқәа шаднакылауа.

Евразиа ажәларқәа Рассамблеиа Амшқәа аҳәаақәа ирҭагӡаны Дели имҩаԥысит Жәларбжьаратәи абизнес-форум «Евразиатәи аҵакыраҿы абизнес-диалог».

Аԥсны Аҳәынҭқарра адәныҟатәи аусқәа рминистр Инал Арӡынба онлаин-формат ала афорум алахәылацәа рҿаԥхьа адныҳәалара ҟаиҵеит ҳәа иаанацҳауеит Аԥсны адәныҟатәи аусқәа Рминистрра аофициалтә саит. Инал Арӡынба атуристтә усхк Аԥсны аекономика аҿиара хадара злоу хырхарҭаны иҟоуп, иара убас, ареспублика анапхгара атуристтә сектор аҿиара ҷыдала хшыҩзышьҭра арҭоит ҳәа иазгәеиҭеит.

Хәажәкырамза 21, Аԥсныпресс. Урыстәылатәи Афедерациа Ашәарҭадара Ахеилак аҿы имҩаԥысит Урыстәыла ашәарҭадара Ахеилак Амаӡаныҟәгаҩ ихаҭыԥуаҩ Рашид Нургалиеви Аԥсны ашәарҭадара Ахеилак Амаӡаныҟәгаҩ Сергеи Шамбеи реиԥылара. Аиԥылараҿы жәларбжьаратәи амилаҭтәи ашәарҭадара иадҳәалоу, актуалра злоу азҵаарақәа ирылацәажәеит, иара убас азҵаарақәа жәпакы рыла Аԥсни Урыстәылеи русеицура аҳәаақәа рырҭбаара аперспективақәа ирзааҭгылеит. Аиԥылара ихы алаирхәит Урыстәыла иҟоу Аԥсны Ацҳаражәҳәарҭа абжьгаҩ-цҳаражәҳәаҩ, аинформациатә шәарҭадара аганахьала жәларбжьаратәи аусеицуразы Аԥсны адәныҟатәи аусқәа Рминистрра ахаҭарнак ҷыда Алхас Барзаниа.

Image
Image
Ad Sidebar

Login to your account

Username *
Password *
Remember Me