Атәыла ақыҭанхамҩа ами­нистрреи араион ақыҭанхамҩа аҟәшеи рхаҭарнакцәа раҧхьа изҭааз аобиектқәа иреиу­оуп Гал ақалақь аҟны еиҿкаау араса аус ахьадыруло ацех. Иара аусура иалагеит иаҳхысыз ашықәс азы. Хаҭалатәи аусдкылаҩ Рауль Григориан дызи­ааиз атендер инақәыршәаны ақыҭанхамҩа аминистрра изо­унажьит х-миллион мааҭ рҟынӡа, иахәҭоу амыругақәа раахәаразы. Уахыки-ҽнаки иалагӡаны, араҟа изларыҧхьаӡаз ала, ирылшо­ит ҩажәи жәаҩа тонна араса аус адулара. Иаҳхысыз ашықәс азы аус адырулеит ҩынҩажәи жәаба тонна араса. Аалыҵ акәзар, аҭиразы Урыстәылаҟа иргоит. Ааглыхраҿ иаҧҵоуп ҩынҩажәа рҟынӡа аусурҭатә ҭыҧқәа. Ара­са акәзар, иаархәоит аҭыҧантәи ауааҧсыра рҟны. Аха иазгәаҭаны ирымоуп рхатәы плантациақәа реиҭаҳарагьы.

Ақыҭа Ҩада Барҕьаҧ аха­да Дмитри Шларба иажәақәа рыла, арзаҳал аналарҵа анаҩс акомиссиа ҷыдеи анхаҩцәеи аиқәшәарақәа рыман, урҭ ирылҵшәаны агәаҭарақәа зегьы рышьҭахь апроект аҧара азо­ужьын. «Иҭабуп ҳәа расҳәоит аусмҩаҧгатә аҧшьызгас зе­гьы, ас еиҧш апроект аиҿкаара аҭахижьҭеи акрааҵуан», – иазгәаиҭеит Дмитри Шларба.

Шьашьикәара ақыҭа анхацәа ҩыџьа арахәааӡара рнапы ала­куп. Ақыҭанхамҩа аминистрра ацхыраарала дара ирзаахәан зеижә хы арахә. Уи иақәхарџьын миллионки ҩышә нызқь мааҭ. Гал араион ахадара ақыҭанхамҩа аҟәша агроном хада Лери Шо­ниа иажәақәа рыла, ақыҭанхамҩа аминистрра имаҩаҧнаго ари апроект даара ицхыраагӡоуп анхацәа рзы. Аферма маҷ аиҿкаара напы азыркыз анхацәа уажәазы ирымоуп зеижә хы арахә. Аферма ашьақәыргыларазы аусурақәа цоит ҩ-напыкла. Ҳаҧхьаҟа анхацәа ргәы иҭоуп иҵегь аҽырҭбаара. Махәынџьа ақыҭа анхацәа руаӡәк иара убасгьы х-нызқьи хышә шьаҭа аманда­рина изаахәан ақыҭанхамҩа аминистрра ахарџьқәа рыла. Иа­аидкыланы, ари апроект иақәхарџьын миллионк мааҭ.

Агәаҭаратә ныҟәарақәа еи­хишьаалеит ақыҭанхамҩа ами­нистрра агроҟәша аиҳабы Еду­ард Барганџьиа. Иара иҳәеит Гал араион аҭаара хықәкыс иш а м а з ҵ ы ҧ х т ә и ҵ ы ҧ х цәатәи апроектқәа ахьынӡанеихьоу ргәаҭара. Иара убас­гьы ашәырҵлақәа реиҭаҳареи ацитрустә плантациақәа реиҭашьақәыргылареи ирызку апроектқәа рынагӡара бзиа­ны ишцо. Сынтәатәи ашықәс азы еиуеиҧшым апроектқәа реиҿкааразы ақыҭанхамҩа аминистрра аҟынтәи Гал араион иазоужьхоит х-миллионки хәышә нызқь мааҭ. Аҧсны ақыҭанхамҩа аминистрра анхамҩа иазку апроектқәа мҩаҧнагоит ҳтәыла егьырҭ араионқәа рҿгьы. Аусурақәа рцашьа хылаҧ ш р а а рҭо и т и а а и ҧ м ы р ҟьаӡакәан. Лассы ирҭаараны иҟоуп егьырҭ араионқәагьы.

Елана ЛАШӘРИА