Аԥсны аҳҭны-қалақь Аҟәа, Ахақәиҭра  Ашҭа  иахьа иҭәуп хәыҷыла. Есышықәса еиԥш сынтәагьы гәацԥыҳәарала идырхиеит ақалақь Аԥсаӡ хада. Уи инаҷыдангьы ашҭа ҭбаа  дырԥшӡоит еилыԥхаауа аԥсаӡ маҷқәа, алашара згәылыԥхаауа еиуеиԥшым ахәмарга блахкыгақәа. Абар иааигәахоит 2024-тәи Ашықәс ҿыц. Ииасуа ашықәс иацыз агәеиҵахарақәа наҟ инаскьаго, ҳаԥылоит Ашықәс ҿыц.

Ԥхынҷкәынмза 15-16 рзы Михаил Чачба ихьӡ зху Гәдоуҭатәи ахәыҷтәы-қәыԥштә спорттә школ аҿы имҩаԥысуан жәларбжьаратәи акласс аспорт азҟаза, Асовет Еидгылеи Европеи рчемпион, «Ахьӡ-Аԥша» аорденқәа II, III аҩаӡарақәа занашьоу Рашь Ҳабыгә-иԥа Хәытаба иаԥхьахә  агаразы зхы иақәиҭу аиқәԥаразы Жәларбжьаратәи атурнир, – адырра ҟанаҵоит Аԥсны аҿари аспорти русқәа рзы Аҳәынҭқарратә еилакы. 

Аԥсны Аҳәынҭқарратә бызшәатә политиказы аусбарҭеи «Аԥсуафильм» акиностудиеи Ашықәс Ҿыц аламҭалазы ахәыҷқәа аҳамҭа ссир рзыҟарҵеит.

Ҳтәыла анҭыҵгьы збаҩхатәра еицгәарҭахьоу, асахьаҭыхҩы Нугзар Логәуа асахьаҭыхцәа рцәыргақәҵатә залаҿ имҩаԥигеит аҿар рзы аԥхьара.

2023 шықәса декабр 14 азы Абазашҭантәи сҩыза Алеқсандр Малхозов 70 шықәса ихыҵит. Ииубилеи аҽны сҩыза изеиӷьасшьарц сҭахуп агәабзиара ӷәӷәа, ашықәсрацәа, иара убас иԥсҭазаараҿы игәырӷьаху амшқәа. 

Ажәытәан аусқәа анырыӡбоз, аиҳабы илабашьа акышьала ирдыруан, аинраалара алыршахо, мамзаргьы иалмыршахо