Жәабран 24, 2024

Ареспубликатә ҳәынҭқарратә усҳәарҭа «Аҧснымедиа»

Image

«Ашықәс азы иреиҕьу асахьаҭыхҩы»

Есы-шықәса еиҧш, сынтәагьы Аҧсны асахьаҭыхҩцәа Реидгыла ашықәс анҵәамҭазы аихшьаала ҟарҵеит «Ашықәс азы иреиҕьу асахьаҭыхҩы» иалкааразы.

Ацәыргақәҵа аартуа Аҧсны асахьаҭыхҩцәа рцәыргақәҵатә зал аиҳабы Ельвира Арсалиа ирыдылныҳәалеит иааиуа Ашықәс Ҿыц. Илҳәеит, ацәыргақәҵаҿы ишаарҧшу еиуеиҧшым аусумҭақәа, аҿыханҵа, аграфика уҳәа реиҧш иҟоу аҩычаратә ҟазаратә усумҭақәа. Иазгәалҭеит, ари ашықәс иалагӡаны 25 инареиҳаны ацәыргақәҵақәа шымҩаҧысыз. Урҭ рхыҧхьаӡараҿы иҟан хаҭалатәи ацәыргақәҵақәа, тематикала еиҿкааз аусумҭақәа.

 Ашықәс анҵәамҭазы, ас еиҧш иҟоу ацәырақәҵақәа  «Ашықәс азы иреиҕьу асахьаҭыхҩы» ҳәа хьӡыс иаҭаны еиҿыркаауеижьҭеи 22 шықәса ҵуеит.

Анаҩс ажәа иман Аҧсны аса­хьаҭых­ҩцәа Реидгыла ахантәаҩы Витали Џьениа. Бзиала шәаабеит ҳәа раҳәо, иазгәеиҭеит есышықәса еиҧш, сынтәагьы ашықәс анҵәамҭазы, ишалыркаауа иреиҕьу аусумҭақәа. Еиҿкааз акомиссиа аҟны 13-ҩык  аӡбаҩцәа алан. Урҭ рыбжьыҭирала иалыркааит х-ҭыҧк. Иара убас, иалкаан даҽа ҩыџьа асахьаҭыхҩцәа: Аҧшьа Ҳагбеи Илиа Ҵәыџьбеи. Урҭ Аҧсны акультура аминистрра ахьӡала иранашьан аҳаҭыртә шәҟәқәа. «Ашықәс азы иреиҕьу асахьаҭыхҩы» ҳәа иалкаахеит асахьаҭыхҩцәа: актәи аҭыҧ – Руслан Габлиа,аҩбатәи – Амиран Адлеиба,ахҧатәи – Диана Хынҭәба.

Иалкаахаз Руслан Габлиа иҭабуп ҳәа реиҳәеит зегьы, аха иазгәеиҭеит, иара иусумҭа алкаахазар уи иаанагаӡом иара зегьы дреиҕьуп ҳәа. Уи азҿлымҳара аиҭеит ашықәс иалагӡаны 25 цәыргақәҵа ахьаартхаз. Еиҳараӡак ахәаҧшцәа иргәалашәартә ргәаҿы иаанхеит Руслан Чхамалиа иусумҭақәа рцәыргақәҵа, иара убас Нугзар Логәуа иусумҭақәа рцәыргақәҵа. Иҭабуп ҳәа леиҳәеит ацәыргақәҵатә зал аиҳабы Ельвира Арсалиа, еснагь асахьаҭыхҩцәа русумҭақәа аӡыргараҿы азҿлымҳара ахьаалыр­­ҧшуа ­­азы Еизаз зегьы, иааиуа Ашықәс Ҿыц рыдиныҳәалеит! 


С. Гьергьиа

  • Image
    Image
    Ad Sidebar

    Login to your account

    Username *
    Password *
    Remember Me