Уи иалахәын аа-ҳәынҭқаррак рыҟнытә Краснодари аиҩызареи  аусеицуреи рзы аимадарақәа ахьрыбжьоу ақалақьқәа жәпаки рҟнытә, 90 инареиҳаны абжьаратә ҵара ақәра иаҵанакуа ахәыҷқәа рбаҩхатәра аазырԥшуа аҭыхымҭақәа.

Аԥснытәи ахәыҷқәа русумҭақәа реиԥш, уахь инаган Анцирабе (Мадагаскар), Вельс (Австралиа), Дуцзианианы (Китаи), Калькутта (Индиа),  Карлсруе (Германиа), Чачак (Сербиа) уҳәа  аҳәаанырцәтәи  ақалақьқәа ирхаҭарнакцәоу аҟыбаҩ злоу ахәыҷқәа рсахьақәа. Ари аусмҩаԥгатә ахықәкы хадақәа иреиуоуп аԥхьаҟагьы аиҩызаратә еизыҟазаашьақәа рырҭбаара.