Аҵара Аминистрра, Урыстәыла иреиҳаӡоу аҵарадырреи анаукеи Рминистрра, Нхыҵ-Кавказтәи Афедералтә Университет аспециалистцәа, еицынарыгӡо апроект аҳәаақәа ирҭагӡаны, алагарҭатә классқәа рырҵаҩцәеи аурыс бызшәеи алитературеи, абҩарҵәыреи рырҵаҩцәа рзы азанааҭтә дырра аҩаӡара ашьҭыхра иазку акурсқәа мҩаԥыргоит.

Абҵарамза 1 инаркны абҵарамза 3, 2023 шықәса рзы Аҟәа ақалақь аҿы II Жәларбжьаратәи аҵараиурҭабжьаратәи аҵарадырратә цәыргақәҵа мҩаԥысраны иҟоуп.

Жьҭаарамза 30 рзы Аԥсны иазгәарҭоит аполитикатә репрессиақәа ирылаӡыз ргәалашәара Амш.

Иаҳхысыз амчыбжь азы Аԥыза-министр Алеқсандр Анқәаб шьаҭанкылатәи аргыларазы Аусбарҭа анапхгаҩы Ҭемыр Агрба далархәны 2023-2025 шш. Аинвестпрограмма ала иазԥхьагәаҭоу аусмҩаԥгатәқәа рынагӡара аетапқәа, аминистрцәа Реилазаара аҿы 2023 шықәсазы ишьақәырӷәӷәоу асиа инақәыршәаны, еиуеиԥшым аобиектқәа рҿы аргылара-еиҭашьақәыргыларатә усурақәа рынагӡара, иара убас Аҳәынҭқарра Ахада Ирезервтә фонди аминистрцәа Реилазаара Арезервтә фонди рҟынтәи иазоужьыз аԥаратә хархәагақәа рыла  аиҭашьақәыргыларатә усурақәа рынагӡара шымҩаԥысуа далацәажәеит.

Жьҭаарамза 27 рзы Аҟәа ақалақь аҿы В.Г. Арӡынба ихьӡ зху Аҟәатәи Жәларбжьаратәи аҳаирбаӷәаза акомплекстә еиҭашьақәыргылара азы Аиқәшаҳаҭра анапаҵыҩра мҩаԥысит.

Аԥсны Аҳәынҭқарра Ахада Аслан Бжьаниа Иусԥҟаала Али Џьалал-иԥа Муҳаммад Шьамтәылатәи Арабтәи Ареспубликаҿы Аҷыдалкаатә зинмчы змоу Аԥсны Аҳәынҭқарра ацҳаражәҳәаҩыс дҟаҵоуп.