Ахәыҷтәы акәашаратә студиа «Иааирума» анапхгаҩы Анжела Дбар «Апрофессионализм ҳараки арҵаҩратә ҟазареи» рзы адиплом ланашьан. Иара убас илыҭан амедал амилаҭтә традициақәа реиқәырхараҿы лылшамҭақәа рзы.

Ахәыҷтәы студиа «Иааирума» асолист Едуарда Бебиа афестиваль аҟны иреиҕьу акәашаҩ ҳәа далкаан, «Иреиҕьу асолист» ҳәа адиплом ианашьан.

Жәларбжьаратәи афестиваль иалахәын еиуеиҧшым атәылақәа рҟынтәи ҩеижәа коллектив. Ҳакәашаҩцәа қәыҧшцәа ракәзар, ишырцәаҩу еиҧш, иаадырҧшит аҟазара ҳаракы. Ирылшоз зегьы ҟарҵеит аҧхьахә Аҧсныҟа ирыманы иаарц азы.

Ахәыҷтәы акәашаратә студиа «Иааирума» анапхгаҩы Анжела Дбар ҳанлыҿцәажәоз иазгәалҭеит ахәыҷқәа рықәгылараан адгылара, агәышьҭыхра рырҭарц азы уахь ишнеиз Адунеизегьтәи аҧсуа-абаза конгресс ахаҭарнакцәа, Санкт-Петербург инхо ҳџьынџьуаа. 

Ш.Торчуа