Маи 2 рзы Аҟәа, Ахақәиҭра ашҭаҿы имҩаԥысит Мшаԥныҳәа аламҭалазтәи «Афатә хаақәа рџьармыкьа» ажәбатәи ацәыргақәҵа. Уи иалахәын 50-ҩык инарзынаԥшуа, еиҿнакааит Аԥсны Ахәаахәҭра-Ааглыхратә палата.

Аԥсны аҩнуҵҟатәи аусқәа рминистр Роберт Киут Ахада Иусбарҭаҿы имҩаԥысыз аилацәажәарра аҟны Аслан Бжьаниа иеиҳәеит иааиуа аԥхынра аҽазыҟаҵаразы инарыгӡо аусмҩаԥгатәқәа ртәы.

Владислав Григори-иԥа Арӡынба ихьӡ зху Ахьӡ-аԥша амузеи аҟны иаартуп Тамбов ақалақь аҿы еиҿкаау, Аџьынџьтәылатә еибашьра иазку амузеи ацәыргақәҵа. Уи азкуп Аџьынџьтәылатә Еибашьра 1941-45 раан игаз Аиааира амш.

Аԥсны аҭҵаарадырратә еилазаара ацәыӡ ду аиуит. 96 шықәса дшырҭагылаз лыԥсҭазаара далҵит аҭоурыхҭҵааҩ, археолог, Аԥсны акультура зҽаԥсазтәыз аусзуҩ, , Аҳәынҭқарратә музеи аҿы Аԥсны аҭоурых ажәытәӡатәи, абжьаратәи ашәышықәсқәа рыҟәша абжьгаҩ хада, Ахьӡ-аԥша аорден ахԥатәи аҩаӡара занашьоу, Аԥсны аҭҵаарадыррақәа ракадемиа ҳаҭыр зқәу адоктор Мирра Хоҭелашвили –Инал-иԥа.

Ааигәа абызшәатә политиказы Аҳәынҭқарратә усбарҭа аҟны имҩаԥысит ҿыц иҭыҵыз аԥсуа бызшәа рҵара иазку ашәҟәқәа хәба рӡыргара. Арахь иааԥхьан ашәҟәқәа реиқәыршәара иазааԥсаз аҵарауаа, абызшәадырҩцәа.

Ажәҩан аҿоуп иахьыҟоу, ишдыру еиԥш, аеҵәақәа рдунеи. Амзеи дареи еицрыгашьа шрымам еиԥшҵәҟьоуп, ихьыԥшшәылоу аеҵәақәа жәаҩеи, ажәҩан ахь ирхоу еихыршьу ахҿақәа хԥеи знубаало ицәеиқәаиаҵәоу Абираҟи, жәытәӡаахыс уи зҭоурых иаласоу, хылҵшьҭрала иаҳзааигәаӡоу адыга жәларқәеи ахааназ еиҟәыҭхашьа шрымам.